Пс98
[Давидын псаломжо.]
1Господь кугыжалана, тек калык-влак чытырат!Тудо херувим-влак ӱмбалне шинча,тек мланде чытырна!2Господь Сионышто кӱдыратле,чыла калык деч Тудо кӱшнӧ.3Тек нуно Тыйын лӱметым моктат –тудо кӱдыратле, лӱдмашым лукшо да святой!4Кугыжа вий-куатан, йӧрата чын судым.Тый чын ыштымашым пеҥгыдемденат,Иаков тукымым чын суд ден чынлыклан туныктенат.5Чаплыза Господьым, мемнан Юмынам,вуйдам савыза Тудын йол шындыме верже ончылно:Тудо святой!6Иерей-влак кокла гыч Моисей ден Аарон,Тудын лӱмжым ӱжын кумалше кокла гыч СамуилГосподьым ӱжын кумалыныт – Тудо нуным колын.7Тудо нунылан пыл меҥге кокла гыч ойлен,пуэн кодымо сугынь ден пунчалже-влакым нуно шуктеныт.8Господь Юмына! Тый нуным колынат,языкыштым кудалтенат,но осал пашаштлан мутым кучыктенат.9Чаплыза Господь Юмынам,Тудын святой курыкшо воктене вуйдам савыза,вет Господь Юмына святой.Institute for Bible Translation, Finland