Пс93
[Давидын псаломжо. Арнян нылымше кечынже муреныт.]
1О, ӱчым шуктышо Юмо, Господь,ӱчым шуктышо Юмо, волгалтын лишем!2Кынел, тӱнян Судьяже,кугешныше-влаклан пашашт почеш пӧртылтӧ.3Господь, мыняр жап эше,мыняр жап эше осал еҥ-влак тӱҥалыт куанаш?4Тӱргалт лектеш умшашт гыч намысдыме шомак,осалым ыштыше-влак шкеныштым кӱшкӧ шындат.5Шыгыремдат Тыйын калыкетым, Господь,Тыйын еҥет-влакым нуно пызырат.6Пуштедат йот калык еҥ ден тулык ватым,тулык йоча-влакым пытарат.7Ойлат: «Господь ок уж, Иаковын Юмыжо пален ок нал».8Ушым шындыза, шонен моштыдымо-влак!Кузе те ода умыло, ушдымо-шамыч?9Пылышым пуышо ок кол мо,шинчам ыштыше ок уж мо?10Калык-влаклан ушым Пуртышо, айдемылан шинчымашым Пуышомут кучаш ок шогалте мо?11Господь пала айдемын шонымашыжым –улыт нуно кӱлдымӧ, арам.12Пиалан тудо еҥ, кӧлан Тый, Господь, ушым пуртет,кӧм шке законетлан туныктет.13Тудлан Тый, осал еҥлан вынем кӱнчымӧ лиймешке,неле жап годымат ласкалыкым пуэт.14Ок шӱкал Господь шке калыкшым,шке еҥже-влакым Тудо ок кодо.15Судитлыме паша угыч чынле лиеш,яндар шӱм-чонан-влак тидым сайлан шотлат.16Кӧ мылам верчын осал еҥ-влак ваштареш шогалеш?Кӧ мыйым вуянче-шамыч деч арален налеш?17Ок полшо ыле гын мылам Господь,шӱгарысе тып-тымыкыш шукертак каенам ыле.18Кунам мый ойленам: «Йолем яклештеш», –порылыкет, Господь, мыланем полшен шоген.19Шӱмем чот тургыжланыме годымчонемлан куаным Тыйын лыпландарымашет конда.20Законым чоян кучылтын, осалым ыштыше судья-влакТый денет ик ушемыште лийын кертыт мо?21Чын ыштыше ӱмбак нуно тӱшка дене керылтыт,титакдыме еҥым пушташ пунчалыт.22А мыйын аралтышем – Господь,Юмо – кӱ курыкем, шылын утлымо верем.23Осал пашаштым Юмо ӱмбакыштак савыра,осалышт денак Тудо нуным пытара,Господь Юмына нуным пытара.Institute for Bible Translation, Finland