Пс7
1Вениамин тукым гыч улшо Хус верч Давидын Господьлан шортын мурымыжо.2Господь Юмем, мый полышетлан ӱшанен илем.Утаре поктылшо-влакем деч, мыйым нал пыдалын.3Уке гын нуно мыйым лев семын кӱрышт пытарат –уке мыйым утарыше, [уке пыдалын налше].4О, Господь Юмем!Иктаж-мом удам ыштенам гын,чын огыл дене кидем амыртенам5але мый денем келшен илышылан осал дене тӱленам гын, –мый, амал деч посна тушманем лийшымат утарыше, –6тек чонемым поктылеш тушман да поктен шуэш,илышем мландыш тошка, чапем пуракышке шуа.7Господь, кынел шыдет дене,ажгыныше тушманем-влак ваштареш тарване,мылам кӧра кынел палемдыме судет ышташ.8Тек калык-влак йырет погынат,нунын ӱмбалне каваште Тый престолышко шич.9Господь калык-влакым судитла.Господь, мылам чын судым ыште –мый чын ыштыше, титак дечын посна улам.10Мучаш тек толеш осал еҥ-влакын пашаштлан,а чын ыштышым Тый пеҥгыдемде,вет Тый, чын Юмем, айдеме шӱм-чоным тергет!11Юмо – мыйын авыртышем,яндар шӱм-чонаным Тудо утара.12Юмо – чын ыштыше судья,[куатан да шуко чытыше,]осал пашалан кажне кечын мут кучаш шогалтыше.13Кӧ сулыкшо деч ок кораҥ,тыгайлан Тудо шке кердыжым пӱсемда,чымалтара йоҥежшым да тудын велыш виктара,14колымашым кондышо саргуралым ямдыла,пикшыже-влакым йӱлатышым ышта.15Осал еҥ чындымылыкым пӱктен шинча,кӧргыштыжӧ осалым нумалешда шоякым шочыкта.16Кӱнча вынемым, кӱнчен пытара –кӱнчымӧ вынемышкыже шкеак пурен кая.17Осалже тудын шке вуйжо ӱмбакак толеш,весым темдымыже шкеж декак пӧртылеш.18Чаплем мый Господьым Тудын чынлыкшылан,Чыла деч Кӱшылысын лӱмжым моктен мурем!
Institute for Bible Translation, Finland