Пс68
1Хор вуйлатышылан. «Лилий-влак» семлан возымо. Давидын псаломжо.2Юмем, утаре мыйым –вӱд шуын шӱй марте.3Пижынам мый келге купыш –пеҥгыде мланде йол йымалнем уке.Логалынам келге вӱдыш –писе вӱдйогын мыйым наҥгая.4Кычкырен сӧрвалымем деч чот улненам,логарем оралген.Юмемым вучен, шинчамже ноен.5Амал деч посна мыйым ужмышудымо еҥ-влаквуйысо ӱпем дечат шукын улыт.Мыйым нимолан поктылшо тушманем-влак вияҥыныт:мом шолыштын омыл, тудым пӧртылтышаш улам.6Юмем, Тый палет мыйын ушдымылыкем,титакем-влак Тый дечет шылтыме огытыл.7Господь, Господь Саваоф!Тыланет инаныше-влак тек мыйын верч вожылтарыме огыт лий.Израильын Юмыжо!Тыйым кычалше-влак мыйын верч ынышт пуро намысыш.8Вет Тылат кӧра чытем шӱктарымашым,вожылмаш леведын мыйын чурием.9Йот еҥ лийынам иза-шольо-влакемлан,авамын эргыж-влаклан лийынам ӧрдыжъеҥ.10Тыйын пӧртетын чапше верч тыршымаш йӱлалта чонемым,Тыйым вурсен ойлышо-влакын мыскылымышт возыт ӱмбакем.11Кунам мый шортам да пӱтым кучем,тидлан мыйым мыскылат.12Кунам тыглай вургем олмеш чоштыра вургемым чием,тидлан мыйым воштылыт.13Капка воктене шинчыше-влак мыйын нерген кутырат,аракам йӱшӧ-шамыч шке мурыштышт мыйын нерген мурат.14А мый, Господь, Тылат кумалам,келшыше жап годым Тыйым сӧрвалем.Юмем, кугу порылыкет ден утарыше чынлыкетлан кӧрамыйым кол.15Лук мыйым лӱкӧ лавыра гыч, ит пу мылам пуреҥгаяш.Мыйым ужмышудымо-влак деч, келге вӱд деч утаре.16Ынже наҥгай мыйым вӱдйогын,ынже нел мыйым келгыт,ынже петыре умшажым ӱмбалнем поргем.17Вашеште мыланем, Господь,вет Тый улат чаманыше, ӱшанле,шуко порылыкетлан кӧра ончал ӱмбакем.18Ит шылте чуриетым шке тарзет деч,вет мый кугу ойгыш логалнам.Мыланем вашешташ Тый вашке,19лишем мый декем, чонемым утаре,тушман-влак дечын мыйым нал арален.20Палет Тый, кузе мыйым мыскылат,шӱктарат да намыслат,чыла тушманем улыт Тыйын ончылнет.21Шӱмемжым кӱрыштеш мыскылымаш,мый чот лунчыргенам.Вучышым чаманымашым, но тудо уке,кычальым лыпландарышым, но шым му.22Кочкышыш мылам шекшым пыштышт,йӱмем шумо годым сыркам йӱктышт.23Тек ӱстел сийышт нунылан лӧдӧ лиеш,надыр пайремышт – йолыштлан вапш.24Тек шинчашт вудакаҥеш да сокыр лиеш,тек йолышт нунын эре чытыра.25Оптал ӱмбакышт шке шыдетым,тек йӱлышӧ шыдет нунын ӱмбак йога.26Лиеш тек яра нунын илыме верышт,илыше-влак ынышт лий нунын омашыштышт.27Вет кӧм Тый перенат, тудым поктылыт нунат,кӧм сусыртенат, тудлан орлыкым ешарат.28Титакышт ӱмбак титакым ешаре,тек чыныш лукмо огыт лий Тыйын ончылнет.29Тек лӱмышт илыш книга гыч ӱштылалтеш,чын ыштыше-влак дене пырля возымо ок лий.30А мый улам мыскынь, орлык мыйым авалтен.Тек Тыйын полышет, Юмем, мыйым йол ӱмбаке шогалта.31Тунам Юмемын лӱмжым чапландарен мурем,Тудым тауштен моктем.32Вет тӱкан да кӱчан самырык надыр ӱшкыж дечГосподьлан тиде путырак келша.33Тидым ужын, шыгыремдалт илыше-шамыч куанат.Юмым кычалше-влак, тендан шӱм-чонда ылыжеш,34вет Господь незер-влакын кумалмыштым колеш,петырымаште шинчыше шке еҥже-влакым ок уж изиэш.35Тек моктат Тудым кава ден мланде,теҥыз да тушто илыше-влак!36Вет Юмо утара Сионым,Иудан ола-влакшым угыч нӧлталеш,Тудын калыкше тушто илаш да озаланаш тӱҥалеш.37Юмын тарзыж-влакын тукымышт тиде мландым налыт,Тудын лӱмжым йӧратыше-шамыч тушто илаш тӱҥалыт.
Institute for Bible Translation, Finland