Пс145
Аллилуия. [Аггей ден Захарийын псаломышт.]
1Чонем, Господьым мокто!2Илыме чыла кечыштем мый Господьым чаплем,ӱмырем мучко шке Юмем моктен мурем.3Ида ӱшане тӧра-влаклан, айдеме эрге-влаклан –огыт керт нуно утарен.4Кунам лектеш айдемын шӱлышыжӧ,тудо угыч мланде пуракыш савырна –тиде кечын тудын чыла шонымашыже пыта.5Пиалан тудо, кӧлан Иаковын Юмыжо полша,кӧ шке Господь Юмыжлан инанен ила.6Тудыжо кавам, мландым, теҥызымда тушто чыла мо улым ыштен.Курымешлан Тудо ӱшанле –7пызырналтшылан чын судым ышта,шужышылан кочкышым пуа.Господь петырымаште улшо-влаклан эрыкым пуа,8Господь сокыр-шамычын шинчаштым почеш,Господь пӱгыртымӧ-влакым нӧлталеш,Господь чын ыштыше-шамычым йӧрата.9Господь йотъеҥым арален шога,тулык йоча ден тулык ӱдырамашлан полша,а осал еҥ-влакым корныштышт йомын коштыкта.10Господь курымеш кугыжаланаш тӱҥалеш.Сион, тукым гыч тукымыш Тудо тыйын Юмет!Аллилуия!Institute for Bible Translation, Finland