Пс140
Давидын псаломжо.
1Господь, Тыйым сӧрвален йодам –мый декем вашке,кумалмемым кол, кунам Тыйым ӱжам!2Тек кумалмем тамлыпушан шикш семынТыйын чурий ончыкет кӱза,тек кидым нӧлтал кумалмем кас надыр семын лиеш.3Мыйын умшамлан, Господь, оролым шогалте,умшамын омсажым эскере.4Ит пу шӱмемлан осал могырыш тайнаш,ит пу мылам осалланыше-влак дене пырля сулыкым ышташ,нунын тамле сийыштым кочкаш.5Тек мыйым чын ыштыше еҥ наказатла –мылам тиде порылык,тек мыйым шылтала – тиде эн сай елей,мый тидлан тореш ом лий.Мыйын кумалмем – осал еҥ-влакын пашашт ваштареш.6Тура кӱ сер гыч вуйлатышышт кудалтыме лийыт,тунам чылан умылат: мутем-влак лийыныт лыжга.7Мемнам пуйто мландым куралыт, тырмалат –вес тӱнян умшашкыже шалатен кышкеныт лу-влакнам. 8Но Тый декет, Господь Юмем, ончалтышем савырем –Тылат инанем, аралтыш деч посна мыйым ит кодо!9Мылам шындыме оптышла деч,осал еҥ-влакын лӧдышт деч мыйым арале.10Вапшышкышт нуно тек шке логалыт,а мый воктечышт эртен каем.Institute for Bible Translation, Finland