Пс136
[Давидын псаломжо.]
1Тушто, Вавилонысо эҥер-влак воктене,Сионым шарналтен, ме шортын шинченна,2арама укшлашке кӱсленам сакенна.3Мемнам пленыш налше-влактушто мыланна мураш кӱштеныт,шыгыремдылшына-влак нуным веселитлаш шӱденыт:«Мыланна Сион муро-влакым мурыза!»4Кузе мыланна Господьын мурыжым йот мландыште мураш?5Мый тыйым мондем гын, Иерусалим,тек пурла кидем мом ыштен моштымыжым монда.6Шарнаш ом тӱҥал гын тыйым,огеш лий гын Иерусалим эн кугу куанем –тек йылмем умшаношмыш пижын шинчеш.7Шарналте, Господь, мом Едом эрге-влакИерусалимым шалатыме кечын ойленыт:«Шалатыза тудым, негыз марте шалатыза!»8Вавилон ӱдыр, тый шалатыме лият!Пиалан тудо, кӧ мыланна мом ыштыметлантылат чыла пӧртылта!9Пиалан тудо, кӧ йочат-влакым налешда нуным кӱэш перен пуштеш!Institute for Bible Translation, Finland