Пс134
Аллилуия.
1Господьын лӱмжым моктыза,Господьын тарзыже-влак, моктыза,2Господьын пӧртыштыжӧ,мемнан Юмынан кудывечылаштыже служитлыше-влак!3Моктыза Господьым – Тудо поро,Тудын лӱмжым моктен мурыза – тудо чесле!4Вет Господь Шкаланже Иаковым ойырен налын,Израильым Шкенжыным ыштен.5Палем мый: Господь – кӱдыратле,чыла моло юмо деч Тудо кугу.6Господь мом шона, тудым ышта:каваште да мландыште,теҥызлаште да чыла келгытыште.7Мланде тӱр гыч нӧлталеш пыл-влакым,йӱр годым волгенчым колтылеш,шке аралыме верлаж гыч мардежым луктеш.8Египетыште Тудо икымше шочшо-влакым пытарен –айдеме гыч тӱҥалын вольык марте.9Тыйын калыкет коклаште, Египет,фараон ден тудын тарзыж-влакланпалдарыше пале ден ӧрыктарыше паша-влакым ончыктен.10Шуко калыкым Тудо кырен шалатен,виян кугыжа-влакым пытарен:11Аморрей кугыжа Сигоным,Васан кугыжа Огым,Ханаанысе чыла кугыжанышым.12Израильлан, шке калыкшылан,нунын мландыштым пуэн.13Господь, Тыйын лӱмет курымашле!Господь, Тыйым тукым гыч тукымыш шарнат!14Господь шке калыкшылан чын судым ышта,шке тарзыж-влакым чаманен налеш.15Вес калык-влакын шояк юмышт ший да шӧртньӧ дене ыштыме,айдеме кидын пашаже улыт.16Уло нунын умшашт, но огыт ойло,уло шинчашт, но огыт уж.17Уло нунын пылышышт, но огыт кол,умшаштышт шӱлыш уке.18Шояк юмым ыштыше да нунылан ӱшаныше-влакшкештат нунын гаяк лийыт.19Израиль тукым, Господьым мокто!Аарон тукым, Господьым чапландаре!20Левий тукым, Господьым мокто!Господь деч лӱдшӧ-влак, Господьым чаплыза!21Моктымо лийже Сионышто Господь,Иерусалимыште илыше! Аллилуия!Institute for Bible Translation, Finland