Пс131
Кӱзымӧ годым мурымо муро.
1Господь, шарналте Давидым,тудын чыла орлыкшым.2Тудо Господьлан товатлен,Иаковын куатан Юмыжлан мутым пуэн:3«Господьлан верым,Иаковын куатан Юмыжлан илемым мумешке,мый омашышкем ом пуро, вакшышкем ом воч,ом пу шинчамлан омым,шинчагомдышемлан – нерымашым».6Теве ме Ефрафаште ойпидыш шондык нерген колна,Иарим нурышто тудым муна.7Каена Тудын илыме верышкыже,Тудын йол шындыме верже ончылно вуйнам савена.8Кынел, Господь, шке илыме верышкет тол –Тый да Тыйын куатетын шондыкшо. 9Тек иерей-влакет чынлык дене вӱдылалтыт,ӱшанле еҥет-шамыч куанен кычкырат.10Давид тарзетлан кӧрашке шӱрен палемдыметым Шке дечет ит кораҥде.11Ӱшанле товатмутым Господь пуэн Давидлан,шке мутшо дечын Тудо ок кораҥ:«Тыйын тукымет гыч лекшым Мый престолышкет шындем.12Тӱҥалыт гын эргыч-влак шуктен шогаш ойпидышем,нуным туныктымо сугынь-влакем –тунам нунын эргыштат тыйын престолыштетшинчаш тӱҥалыт курымеш».13Господь ойырен налын Сионым,ышташ шонен тудым шке илемжым:14«Тиде – мыйын курымешлан илыме верем,тыште илаш тӱҥалам, чонемлан тудо келша.15Кинде перке дене тудым суапландарем,йорлыж-влакым теммеш пукшем,16иерейже-шамычым утарымаш дене вӱдылам,тудын ӱшанле еҥже-влак куанен йӱкланат.17Тушто Давидын тӱкыжым нӧлталам,шӱрен палемдымемлан лампым чӱктем.18Тушманжым намыс дене леведам,а тудын вуйыштыжо кугыжан вуйшӱдыш йылгыжаш тӱҥалеш».Institute for Bible Translation, Finland