Пс125
Кӱзымӧ годым мурымо муро.
1Кунам пленыште улшо-влакым Господь Сионыш пӧртылтен,тиде мыланна омо гай лийын.2Тунам ме кугу йӱкын йывыртенна,умшана чарныде куанен мурен.Мемнам ончен, вес калык-влак ойленыт:«Господь нунын дене кугу пашам ыштен!»3Чынак, кугу пашам ыштен Господь мемнан дене –тидлан ме куаненна.4Пӧртылтӧ, Господь, пленыште улшо-влакнамкечывалвел мландысе кошкышо йогынлашке вӱдым колтымо семын.5Кӧ шинчавӱд дене ӱда,тӱредеш куан дене.6Кӧ нӧшмым ӱдаш шортын кая,кылтаж-влакым нумалын, пӧртылеш куан дене.Institute for Bible Translation, Finland