Пс110
Аллилуия.
1Уло шӱмем дене, Господь, Тыйым моктем,чын ыштыше-влак коклаште, погынымаште чаплем.2Кугу улыт Господьын пашаже-влак,кӧ нуным йӧрата, нунын нерген эре шонкала.3Тудын пашаже чапле, кӱдыратле,чынлыкше Тудын курымеш.4Мондаш лийдыме улыт Тудын ӧрыктарыше пашаж-влак,Господь поро да чаманыше улеш.5Туддеч лӱдшӧ-влаклан Тудо кочкышым пуа,шке ойпидышыжым курымеш шарна.6Шке пашажын куатшым Тудо шке калыкшылан ончыктен,йот калык-влакын мландыштым тудлан пуэн.7Тудын кидшын пашаже ӱшанле да чынле,чыла кӱштымашыже вашталтдыме,8курым-курымешлан пеҥгыдемдыме улыт,негызышт нунын – чын ден кере.9Тудо шке калыкшылан утарымашым колтен,шке ойпидышыжым курымешлан пеҥгыдемден.Лӱмжӧ Тудын святой, лӱдмашым лукшо!10Мунлылыкын тӱҥалтышыже – Господь деч лӱдмаш,Тудын кӱштымыжым шуктышо еҥ шонен моштышо.Мокташ тӱҥалыт Тудым курымеш!Institute for Bible Translation, Finland