Пс11
1Хор вуйлатышылан. Давидын псаломжо. Кандаш кылан семӱзгар дене.2Утаре [мыйым], Господь, вет Юмым шотлышо-влак кодын огытыл,айдеме эрге-влак кокла гыч ӱшанле еҥ-шамыч йомыныт.3Чылан икте-весыштлан шоякым ойлат,йылмышт дене ӱедылыт, чоя шӱм дене кутырат.4Господь пытара ӱедыл ойлышо умшам,моктаныше чыла йылмым,5кудышт ойлат: «Йылмына дене сеҥена,умшана мыланна полша. Кӧ мыланна оза?»6«Йорло-влакын орланымыштланда незер-шамычын нелын шӱлымыштлан кӧраынде кынелам, – ойла Господь, –да вучымо утарымашым нунылан кондем».7Господьын шомакше-влак яндар улыт,коҥгаште мланде деч эрыктыме,тулышто шым пачаш левыктыме ший гай улыт.8Тый, Господь, незер-влакым арален кодет,тиде тукым деч нуным курымеш саклет.9Чыла вере осалым ыштыше-шамыч коштыт,да айдеме эрге-влак коклаште йӧрдымӧ койыш озалана.
Institute for Bible Translation, Finland