Пс107
1Муро. Давидын псаломжо.2Юмем, ямде мыйын шӱмем, [шӱмем мыйын ямде] –тӱҥалам мураш, уло чонем дене Тыйым мокташ.3Помыжалтса, кӱсле ден арфе!Мый ӱжара дене кынелам4да Тыйым, Господь, калык-влак коклаште чапландарем,тукым-шамыч коклаште моктен мурем.5Вет Тыйын порылыкет кава деч кӱшкӧ шуэш,Тыйын ӱшанле улмет – пыл ора дек шумеш.6Юмем, кава деч кӱшкӧ лий нӧлталме,пӱтынь мланде ӱмбалне лийже Тыйын чапет!7Тек утлен кодыт Тыйын йӧратымет-влак.Мыйым кол, пурла кидет дене утаре.8Шке святой верже гыч Юмо каласен:«Сеҥымашлан куанен,Сихем мландым, Сокхоф лапверым шеледен пуэм.9Галаад ден Манассий Мыйын улыт,Ефрем – вуйыштем ӧшлӧк,Иуда кучемвий тоям лиеш.10Моав – мушкылтмо атем,Едом ӱмбак йолчиемем шуэм.Филистим мландыште Мый куанен кычкыраш тӱҥалам».11Кӧ мыйым чоткыдемдыме олаш вӱден пурта,Едом марте кӧ мыйым ужата?12Вет Тый, Юмына, мемнам Шке дечет кораҥденат,сарзына-влак дене пырля от лек.13Полшо мыланна сеҥаш тушманым,вет айдеме полышлан ӱшан лиеш арам.14Юмо дене ме сеҥена,Тудо тушманнам тошка.
Institute for Bible Translation, Finland