Тун.кал8
1Мунлылык огыл мо ӱжеш?Уш-акыл огыл мо шке йӱкшым кугемда?2Шога мунлылык кӱкшакалаште,корно воктене, корнывожлаште,3ола капка воктене тудо кычкыра,олаш пурымаште йӱклана:4«Тендам мый ӱжам, еҥ-шамыч,айдеме тукым дек мыйын йӱкем!5Ужарвуй-влак, умылен мошташ тунемза,ушдымо-шамыч, ушым погыза!6Колыштса, каласем мый эн кӱлешаным,умшам увертара кере шомакым.7Йылмем каласа лач чыным,шоякым ойлаш – умшамлан йырнык.8Чыла мутем улыт чынле,осал чоялык ден ондалчык тушто уке.9Ушан еҥлан нуно улыт раш,шинчымашым налшылан куштылго нуным умылаш.10Мыйын туныктымем ший деч чот аклыза,шинчымашым – яндар шӧртньӧ деч чотрак.11Вет мунлылык шергакан кӱ деч шергырак,налаш шонымет гыч нимом тудын дене от таҥастаре.12Мый, мунлылык, уш-акыл дене пырля илем,шонен моштымаш ден шинчымаш улыт пеленем.13Господь деч лӱдмаш – осалым ужмышудымаш.Кугешнымым, шкем кӱшкӧ шындымым,осал корно ден шояк мутым ок шу ужмем.14Мый денем – ой-каҥаш ден шонен моштымаш,мыйын улыт уш-акыл ден вий-куат.15Мыйын полшымо дене кугыжа-влак вуйлатат,тӧра-шамыч луктыт чынле законым.16Вуйлатыше ден он-влак, мландымбалысе чын судья-влакмыйын полшымо дене вуйлатен шогат.17Мыйым йӧратыше-влакым мыят йӧратем,мыйым кычалше-шамыч мыйым муыт.18Мый денем улыт поянлык ден чап,мучашдыме перкелык ден чынлык.19Саскам-влак улыт шӧртньӧ деч сайрак,яндар шӧртньӧ деч чеслырак,мый дечем пайда – яндар ший деч кугурак.20Коштам мый чын ыштымаш корно дене,чынлыкын йолгорныжым тошкем.21Кӧ мыйым йӧрата, тудлан улан илышым пуэм,клатше-влакым поянлык дене темем.[Кажне кечын мо лийме нерген ойлымем годымтӱҥалтыш гычак чыла мо лийшымат ушештараш ом мондо.]22Господь мыйым тӱҥалтыште,чыла пашаж деч ончыч, эн ожно ыштен.23Тӱҥалтыштак, эше тӱням негызлыме деч ончыч,акрет годым мый ыштыме лийынам.24Мый шочынам, кунам эше вӱд келгыт-влак лийын огытыл,вӱд дене темше памаш-шамыч лектын огытыл.25Мый шочынам, кунам курык-влак нӧлталме лийын огытыл,кунам чоҥгата-шамыч эше лийын огытыл,26кунам Тудо эше мландымат, нурымат,сандалыкын икымше пурак пырчыжымат ыштен огыл.27Кунам Тудо вераҥден кавам, мый тушто лийынам.Кунам Тудо вӱд келгыт ӱмбалне каватӱрым колтен,28кунам кӱшан пыл-влакым вераҥден,келгытын вӱдшинчаже-влакым ыштен,29да, вӱд ӧрдыжкӧ ынже лек манын,теҥызлан чекым пыштен,кунам мланде негызым палемден,30мый Тудын пелен уста чоҥышо лийынам,лийынам кажне кечысе куан,Тудын ончылныжо чарныде йомартланенам,31куаненам Тудын ыштыме мланде кумдыкшылан,айдеме тукымлан йывыртенам.32Тыгеракын, икшывем-влак, мыйым колыштса:пиалан улыт нуно, кӧмыт мыйын корнем дене каят!33Колыштса туныктымем, мунло лийза,тудын деч ида кораҥ.34Пиалан тудо, кӧ мыйым колыштеш,капкам воктене кажне кечын эскера,омсам воктене вучен шога!35Вет кӧ мыйым муэш – илышым муэшда Господь деч суапым налеш.36А кӧ мый дечем посна йомын коштеш,шке чонжылан конда зияным:мыйым ужмышудымо-влак йӧратат колымашым».
Institute for Bible Translation, Finland