Тун.кал24
1Осал еҥ-влаклан ит кӧранеда нунын дене пырля лияш ит тырше,2вет ушышт осал пашам ышташ шона,умшашт ойгым кондаш кутыра.3Мунлылык полшымо дене пӧрт чоҥалтеш,уш-акыл полшымо дене тудо пеҥгыдын шога,4да шинчымаш полшымо дене пӧлемже-влакшергакан да мотор арвер дене темыт.5Кӧ мунло, тудо куатан,кӧн шинчымашыже уло, тудо вийым пога.6Сар дене кает – ой-каҥашым колышт,вет каҥашым пуышо шуко гын, сеҥымаш лиеш.7Ушдымо еҥлан мунлылык – умылаш лийдыме,ола капка воктене тудо умшажым ок поч.8Осалым ышташ шонышо еҥым«осал чоя» манын лӱмдат.9Ушдымылыкын мом ышташ шонымыжо – сулык,да мыскылыше айдеме – еҥ-влаклан йырнык.10Ойган кечын тый пеҥгыде лийын отыл гын,шагал тугеже тыйын виет.11Утаре титак деч посна колымашлан пуымо-влакым,пушташ наҥгайыме-влак деч кораҥын ит кай.12Каласет мо: «Ме тидым пален огынал»?Но шӱм-чоным Тергыше ок пале мо?Тыйын илышетым Эскерыше тидым пала,айдемылан Тудо пашаж почеш пӧртылта.13Коч мӱйым, эргым – тудо пайдале,коч караш мӱйым – умшатлан тудо шере.14Тыгаяк лиеш чонетлан мунлылык,муат тудым – уло ончыкылыкет,арам ок лий инанен илымет.15Осал еҥ, чын ыштышын пӧртшӧ воктене ваҥен ит шинче,тудын илыме вержым ит аге –16чын ыштыше шым гана камвозеш гынат, кынелеш,а осал еҥ-влак шӱртнят да туткарыш логалыт.17Ит йывырте, кунам тушманет камвозеш,шӱмет ынже куане, кунам тудо шӱртня,18вет Господь шинча ончылно тиде осал паша,да Тудо шке шыдыжым тушманет деч кораҥда.19Ит шыдешке осалым ыштыше-влаклан,сулыкан-влаклан ит кӧране,20вет осал еҥын ончыкылыкшо уке,сулыкан-влакын лампышт йӧра.21Эргым, Господь деч да кугыжа деч лӱд,вуянче-влак дене кылым ит кучо,22вет когыньышт деч толеш вучыдымын азап –кӧ пала, могай ойгым нуно колтат.23Теве эше мунлыеҥ-влакын ойлымышт.Судышто еҥым ойыркалаш сай огыл.24Кӧ титакан еҥлан «тый чын улат» манын каласа,тудым калык-влак каргаш, тукым-влак ужмышудымын ончаш тӱҥалыт.25А кӧ титакан еҥым мут кучаш шогалта,тудын дене сай лиеш, ӱмбакше суапландарымаш толеш.26Чынле вашмут – тӱрвым шупшалме дене иктак.27Ондак пӧрт воктенысе сомылым ыште,пасушто пашатым пытаре,вара гына пӧртетым чоҥо.28Лишылъеҥет ӱмбак шояклен ит таныкле –молан тылат ондален ойлаш?29Ит ойло: «Кузе тудо мый денем ыштен,мыят тудын дене тыгак ыштем –пашаж почеш тудлан пӧртылтем».30Эртен каенам мый йолагай еҥын пасужо воктеч,ушдымо айдемын виноград аҥаже воктеч:31чыла вере кушкын шогалын коршаҥге,почкалтыш леведын, кӱ пырдыж сӱмырлен.32Чыла тидым ончен, мый шонкаленам –теве мом ужынам да умыленам:33изишак малет, изиш нералтет,кидет кыргештен, изиш киялтет –34аген коштшо семын тый декет нужналык толеш,толышо еҥ семын йорлылык поктен шуэш.
Institute for Bible Translation, Finland