Шотл31
1Господь Моисейлан каласен:2«Израиль эрге-влак верч мадиан-шамычлан ӱчым шукто. Тидын деч вара тый шке кугезет-влак деке кает».3Моисей калыклан каласен: «Мадиан-влак ваштареш каяш да Господьын ӱчыжым шукташ манын, шкендан кокла гыч ойырымо еҥ-влаклан саргуралым кучыктыза.4Кажне израиль тукым гыч сарыш тӱжем еҥым колтыза».5Израильын тӱжемле пӧръеҥже кокла гыч саргуралан латкок тӱжем сарзым – кажне тукым гыч тӱжем еҥым – ойырен налыныт.6Моисей нуным, кажне тукым деч тӱжем еҥым, сарыш колтен. Нунын дене пырля Финеес, иерей Елеазарын эргыже лийын, [а Елеазарже Ааронын эргыже лийын]. Финеес пеленже святой арвер ден тӧтыретпуч-влакым налын.7Господьын Моисейлан кӱштымыж семынак, израиль калык мадиан-влак ӱмбаке сар дене каен да нунын чыла пӧръеҥыштым пуштын.8Пуштмо-влак коклаште Мадианын вич кугыжаже лийыныт: Евий, Рекем, Цур, Хур да Рева. Тыгак Валаамым, Веор эргым, керде дене пуштыныт.9Израиль эрге-влак мадиан ӱдырамаш-шамычым, нунын йочаштым пленыш налыныт. Тыгак уло вольыкыштым, чыла кӱтӱ ден погыштым руалтен налыныт,10а чыла ола ден илыме верыштым йӱлалтеныт.11Чыла руалтен налмым – еҥ-влакымат, вольыкымат – нуно пеленышт налыныт12да Моисей, иерей Елеазар да уло израиль калык деке станыш поктен конденыт. Нунышт Иордан воктенысе Моав тӧрверыште, Иерихон ваштареш, лийыныт.13Моисей, иерей Елеазар да калык он-влак стан гыч сарзе-влакым вашлияш лектыныт.14Сар гыч пӧртылшӧ сарзывуй-влаклан – тӱжемвуй ден шӱдывуй-влаклан – Моисей чот шыдешкен.15Тудо нунылан каласен: «[Молан] те чыла ӱдырамашым илышым коден улыда?16Вет лач нуно Валаамын ойжо почеш израиль эрге-влакым Фегорышто Господь деч кораҥденыт, да Господьын калыкше коклаште пытарымаш тӱҥалын.17Чыла эрге йочам, тыгак пӧръеҥым пален налше чыла ӱдырамашым пуштса.18А пӧръеҥым пален налдыме ӱдыр-влакым шкаланда кодыза.19Тидын деч вара шым кече стан деч ӧрдыжтӧ лийза. Те шкежат, пленыш налме-влакат – кӧ айдемым пуштын але колышо кап деке тӱкнен – кумшо да шымше кечын эрналтшаш улыда.20Чыла вургемым, тыгак коваште, каза меж але пу дене ыштыме мо уло – чыла эрныктыза».21Иерей Елеазар сарыште лийше сарзе-влаклан каласен: «Господь Моисейлан теве могай закон пунчалым пуэн:22шӧртньым, шийым, тойым, кӱртньым, вулным да шемвулным –23чылажымат, мо тулым чыта – эрныкташ манын, тул гоч колтыза да тидын деч посна эше эрныктыше вӱд дене эрныктыза. А мо тулым ок чыте, вӱд дене эрныктыза.24Шымше кечын шке вургемдам мушса. Тунам те ару лийыда да станыш пурен кертыда».25Господь Моисейлан каласен:26«Иерей Елеазар да калык тукымвуй-влак дене пырля пленыш налме чыла еҥым, уло вольыкым шотлен налза.27Чыла тидым сарыште лийше-влак да кодшо калык коклаште кок ужашлан тӧр пайле.28Сарыште лийше-влак деч Господьлан пуышаш ужашым нал: айдеме, шолдыра вольык, осёл да тыгыде вольык гыч кажне вичшӱдӧ вуйлан иктым.29Тидым нунын ужашышт гыч нал да иерей Елеазарлан пу, тиде Господьлан нӧлтал пуымо надыр лиеш.30А калыкын ужашыже деч айдеме, шолдыра вольык, осёл да тыгыде вольык гыч кажне витле вуйлан иктым нал да Господьын скинийже пелен сомылым шуктышо левит-влаклан пу».31Мом Господь Моисейлан кӱштен, Моисей ден иерей Елеазар чыла ыштеныт.32Сарзе-влакын руалтен налме чумыр погышт тынар лийын: 675 000 вуй тыгыде вольык,3372 000 вуй шолдыра вольык,3461 000 осёл,35пӧръеҥым палыдыме 32 000 ӱдыр.36Сарыште лийше-влакын ужашыже, руалтен налме чумыр погын пелыже, тынар лийын: тыгыде вольык – 337 500 вуй,37тышеч нуно 675 вуйым Господьлан пуэныт.38Шолдыра вольык – 36 000 вуй, тышеч 72 вуйым Господьлан пуэныт.39Осёл-влак – 30 500, тышеч 61 вуйым Господьлан пуэныт.40Еҥ-влак 16 000 лийыныт, тышеч 32 чоным Господьлан пуэныт.41Господьлан нӧлтал пуышаш ужашым Моисей иерей Елеазарлан кучыктен, тыге ышташ тудлан Господь кӱштен.42Моло израильтян-влакын ужашыже, руалтен налме чумыр погын вес пелыже – тудым Моисей сарыште лийше-влак деч нунылан ойырен – тынар лийын:43тыгыде вольык – 337 500 вуй,44шолдыра вольык – 36 000 вуй,45осёл-влак – 30 500 вуй,46еҥ-влак – 16 000 чон.47Израиль эрге-влакын ужашышт гыч Моисей еҥымат, вольыкымат кажне витле вуйлан иктым налын да нуным, Господьын кӱштымыж семынак, скиний пелен сомылым шуктышо левит-влаклан пуэн.48Моисей деке сарзывуй-влак – тӱжемвуй ден шӱдывуй-влак – толыныт.49Нуно тудлан каласеныт: «Ме, тыйын тарзет-влак, шке сарзына-влакым шотлен лекна – нигӧ йомын огыл.50Ме теве кажныже, кӧ могай шӧртньӧ ӱзгарым руалтен налын, Господьлан пӧлек шотеш кондена: тиде – шӧртньӧ шинчыр, кидшол, шергаш, кӧрж да оҥ шинчыр-влак. Чыла тидым ме Господь ончылно сулыкнам касараш пуэна».51Моисей ден иерей Елеазар нунын чыла шӧртньӧ ӱзгарыштым налыныт.52Тӱжемвуй ден шӱдывуй-влакын Господьлан пӧлек шотеш кондымо шӧртньын нелытше 16 750 сикль лийын.53А сарзе-влак мом руалтен налмыштым шкаланышт коденыт.54Тӱжемвуй ден шӱдывуй-влак деч шӧртньым налмеке, Моисей ден иерей Елеазар тудым Юмо дене вашлийме омашыш наҥгаен пыштеныт. Тидыже израиль эрге-влак нерген Господь ончылно шарныктыш лийын.
Institute for Bible Translation, Finland