Шотл29
1Шымше тылзын икымше кечынже святой погынымашым эртарыза, нимогай пашам ида ыште. Тек тиде тендан пучым пуалтыме кече лиеш.2Господьлан келшыше йӱлалтен пуымо тамлыпушан надыр шотеш экшыкдыме ик самырык ӱшкыжым, ик тагам да икияш шым пачам кондыза.3Нунын дене пырля кинде надырлан олив ӱй дене йӧрымӧ эн сай ложашым кондыза: кажне ӱшкыжлан – ефан кум луымшо ужашыжым, тагалан – кок луымшо ужашым,4кажне шым пачалан – ефан ик луымшо ужашыжым.5Касарыме йӱлам шукташ манын, тыгак сулык верч надырлан ик казатагам кондыза.6Чыла тидым у тылзын йӱлалтен кондымо надыр да тудын пеленысе кинде надыр, эре конден шогымо йӱлалтен пуымо надыр да тудын пеленысе кинде надыр, тыгак нунын пелен кондымо йошкар арака надыр деке ешарен, йӱла почеш Господьлан келшыше тамлыпушан надыр семын пуыман.7Шымше тылзын луымшо кечынже тек святой погынымаш лиеш. Тиде кечын пӱтым кучыза, нимогай пашам ида ыште.8Господьлан келшыше йӱлалтен пуымо тамлыпушан надыр шотеш экшыкдыме ик самырык ӱшкыжым, ик тагам да икияш шым пачам кондыза.9Нунын дене пырля кинде надырлан олив ӱй дене йӧрымӧ эн сай ложашым кондыза: кажне ӱшкыжлан – ефан кум луымшо ужашыжым, тагалан – кок луымшо ужашым,10кажне шым пачалан – ефан ик луымшо ужашыжым.11[Шкендан дене касарыме йӱлам шукташ манын,] тыгак сулык верч надырлан ик казатагам кондыза. Тудым Касарымаш кечын сулык верч кондымо надыр деке, эре конден шогымо йӱлалтен пуымо надыр да кинде надыр деке, нунын пелен кондымо йошкар арака надыр деке [йӱла почеш Господьлан келшыше тамлыпушан надыр семын] ешарен пуыман.12Шымше тылзын латвизымше кечынже святой погынымашым эртарыза. Нимогай пашам ида ыште, Господьын пайремжым шым кече пайремлыза.13Господьлан келшыше йӱлалтен пуымо тамлыпушан надыр шотеш экшыкдыме латкум самырык ӱшкыжым, кок тагам да икияш латныл пачам кондыза.14Нунын дене пырля кинде надырлан олив ӱй дене йӧрымӧ эн сай ложашым кондыза: кажне латкум ӱшкыжлан – ефан кум луымшо ужашыжым, кажне кок тагалан – ефан кок луымшо ужашыжым,15кажне латныл пачалан – ефан ик луымшо ужашыжым.16Тыгак ик казатагам сулык верч надырлан кондыза. Тидыже эре конден шогымо йӱлалтен пуымо надыр, нунын пелен кондымо кинде надыр ден йошкар арака надыр деке ешарен пуымо лиеш.17Вес кечынже экшыкдыме латкок самырык ӱшкыжым, кок тагам да икияш латныл пачам кондыза.18Ӱшкыж, тага да пача-влак пелен, нунын мыняр вуй улмыштым шотыш налын, йӱла дене келшышын кинде надыр ден йошкар арака надырым кондыза.19Тыгак ик казатагам сулык верч надырлан кондыза. Тидыже эре конден шогымо йӱлалтен пуымо надыр, нунын пелен кондымо кинде надыр ден йошкар арака надыр деке ешарен пуымо лиеш.20Кумшо кечын экшыкдыме латик самырык ӱшкыжым, кок тагам да икияш латныл пачам кондыза.21Ӱшкыж, тага да пача-влак пелен, нунын мыняр вуй улмыштым шотыш налын, йӱла дене келшышын кинде надыр ден йошкар арака надырым кондыза.22Тыгак ик казатагам сулык верч надырлан кондыза. Тидыже эре конден шогымо йӱлалтен пуымо надыр, нунын пелен кондымо кинде надыр ден йошкар арака надыр деке ешарен пуымо лиеш.23Нылымше кечын экшыкдыме самырык лу ӱшкыжым, кок тагам да икияш латныл пачам кондыза.24Ӱшкыж, тага да пача-влак пелен, нунын мыняр вуй улмыштым шотыш налын, йӱла дене келшышын кинде надыр ден йошкар арака надырым кондыза.25Тыгак ик казатагам сулык верч надырлан кондыза. Тидыже эре конден шогымо йӱлалтен пуымо надыр, нунын пелен кондымо кинде надыр ден йошкар арака надыр деке ешарен пуымо лиеш.26Визымше кечын экшыкдыме индеш самырык ӱшкыжым, кок тагам да икияш латныл пачам кондыза.27Ӱшкыж, тага да пача-влак пелен, нунын мыняр вуй улмыштым шотыш налын, йӱла дене келшышын кинде надыр ден йошкар арака надырым кондыза.28Тыгак ик казатагам сулык верч надырлан кондыза. Тидыже эре конден шогымо йӱлалтен пуымо надыр, нунын пелен кондымо кинде надыр ден йошкар арака надыр деке ешарен пуымо лиеш.29Кудымшо кечын экшыкдыме кандаш самырык ӱшкыжым, кок тагам да икияш латныл пачам кондыза.30Ӱшкыж, тага да пача-влак пелен, нунын мыняр вуй улмыштым шотыш налын, йӱла дене келшышын кинде надыр ден йошкар арака надырым кондыза.31Тыгак ик казатагам сулык верч надырлан кондыза. Тидыже эре конден шогымо йӱлалтен пуымо надыр, нунын пелен кондымо кинде надыр ден йошкар арака надыр деке ешарен пуымо лиеш.32Шымше кечын экшыкдыме шым самырык ӱшкыжым, кок тагам да икияш латныл пачам кондыза.33Ӱшкыж, тага да пача-влак пелен, нунын мыняр вуй улмыштым шотыш налын, йӱла дене келшышын кинде надыр ден йошкар арака надырым кондыза.34Тыгак ик казатагам сулык верч надырлан кондыза. Тидыже эре конден шогымо йӱлалтен пуымо надыр, нунын пелен кондымо кинде надыр ден йошкар арака надыр деке ешарен пуымо лиеш.35Кандашымше кече – пайремым мучашлыше кече, тиде кечын нимогай пашамат ида ыште.36Господьлан келшыше йӱлалтен пуымо тамлыпушан надырлан экшыкдыме ик самырык ӱшкыжым, ик тагам да икияш шым пачам кондыза.37Ӱшкыж, тага да пача-влак пелен, нунын мыняр вуй улмыштым шотыш налын, йӱла дене келшышын кинде надыр ден йошкар арака надырым кондыза.38Тыгак ик казатагам сулык верч надырлан кондыза. Тидыже эре конден шогымо йӱлалтен пуымо надыр, нунын пелен кондымо кинде надыр ден йошкар арака надыр деке ешарен пуымо лиеш.39Тиде надыр-влакым Господьлан нине пайремда годым кондыза. Нуным сӧрымӧ почеш але шке кумылын кондымо йӱлалтен пуымо надыр, кинде надыр, йошкар арака надыр але татулык надыр деке ешарен пуыза».
Institute for Bible Translation, Finland