Неем9
1Тиде тылзынак коло нылымше кечынже, пӱтым кучен, чоштыра вургемым чиен да вуешышт ломыжым шавен, израиль эрге-влак иквереш погыненыт.2Йот калык еҥ-влак деч посна ойырлен, нуно шогышыштла шке сулыкыштым, ача-кочаштын титакыштым почын ойленыт.3Еҥ-влак, шке верыштышт шоген, шке Господь Юмыштын закон книгажым кум шагат лудыныт. Эше кум шагат сулыкыштым почын ойленыт да шке Господь Юмыштлан вуйыштым савеныт.4Иисус, Ваний, Кадмиил, Шеваний, Вунний, Шеревий, Ваний да Хенани левит-влаклан ыштыме кӱкшакашке кӱзен шогалыныт да шке Господь Юмыштлан кугу йӱкын кумалыныт.5Левит-влак Иисус, Кадмиил, Ваний, Хашавний, Шеревий, Годий, Шеваний да Петахий каласеныт: «Шогалза да шке Господь Юмыдам курым-курымеш чапландарыза! Тек Тыйын чапланыше лӱмет моктымо лиеш! Тудо кеч-могай чаплымаш да моктымаш деч кӱшнӧ шога!»6[Тунам Ездра каласен:]«Господь, Тый икте гына Юмо улат!Кавам, эн кӱшыл кава-влакым да тушто мо улым,мландым, теҥыз-влакым да тушто мо улымчылажымат Тый ыштенат.Чылаштлан илышым пуэт,пылпомышысо сарзе-влак Тылат вуйыштым сават.7Тый Шке, Господь Юмо,Аврамым ойырен налынатда Халдейысе Ур гыч луктынат,тудлан Авраам лӱмым пуэнат.8Тый тудын уло шӱм дене Тылат ӱшанле улмыжым ужынатда тудын дене ойпидышым ыштенат –хананей, хеттей, аморрей, ферезей,иевусей да гергесей калык-влакын мландыштым[тудлан да] ончыкылык тукымжылан пуаш сӧренат.Тый чын ыштыше улат, садлан пуымо мутетым шуктенат.9Кугезына-влакын Египетыште орланымыштым Тый ужынат,Йошкар теҥыз воктене ӱжын кычкырымыштым колынат.10Тый фараонлан, тудын тарзыж-влаклан, мландысе пӱтынь калыкшылантӱрлӧ палдарыше пале ден ӧрыктарыше пашам ончыктенат.Тыге Тый Шкаланет лӱмым ыштенат –таче кече мартеат тудо мокталтеш.Вет Тый паленат: египтян-шамыч кугезына-влакымнимоэш шотлен огытыл.11Кугезына-влак ончылноТый теҥыз вӱдым кок могырыш кораҥденат,да нуно теҥыз покшеч кукшо корно дене эртеныт.А нуным поктен толшо-влакымвиян толкыныш кӱм шумо семынТый келге вӱдыш шуҥгалтаренат.12Пыл меҥге семын кечывалым кугезына-влакым вӱден каенат,да йӱдым тул меҥге семын кайыме корныштым волгалтаренат.13Синай курыкыш Тый воленат,кугезына-влаклан пылпомыш гыч ойленат,нунылан чынле устав ден ӱшанле закон-влакым,поро пунчал ден кӱштымаш-влакым пуэнат.14Тый нунылан святой шуматкечетым увертаренат,кӱштымаш, пунчал да законет-влакымМоисей тарзет гоч пуэнат.15Шужымышт годым нунылан кава гыч киндым пуэнат,йӱмӧ шумышт годым кӱ курык гыч вӱдым луктынат.Кидетым нӧлталын, нунылан мландым пуаш товатленат,тушко каяш да тудым сеҥен налаш кӱштенат.16Но кугезына-влак ӱскырт, вустык лийыныт,Тыйын кӱштымаш-влакетым колыштын огытыл.17Нунын Тыйым колыштмышт шуын огыл,нунылан ыштыме ӧрыктарыше пашат-влакымшарналтен огытыл.Нуно вустык, ӱскырт лийыныт да,угыч Египетысе кул лияш манын,шкаланышт вуйлатышым шогалтеныт.Но Тый сулыкым кудалтыше, поро да чаманыше,шуко чытыше да серлагыше Юмо улат.Тый нуным коден каен отыл:18кеч нуно шкаланышт ӱшкыжым велен ыштеныт,”Тиде мемнам Египет гыч лукшо юмына” манын каласенытда шке пашашт дене Тыйым пеш чот мыскыленыт,19Тый кугун чаманыше улметлан кӧрануным ир мландеш коден отыл.Корным ончыктен кайыше пыл меҥгенунын деч кечывалым ойырлен огыл,кайышаш корным волгалтарыше тул меҥгейӱдым нунын деч кораҥын огыл.20Нуным туныктен шогашланТый шке поро Шӱлышетым пуэнат,манна деч посна нуным коден отыл,логарышт кошкымо годым вӱдым пуэнат.21Нылле ий Тый нуным ир мландыште пукшенат.Нимогай чӱдылыкым нуно ужын огытыл,вургемышт тоштемын-лыжгаен огыл,пуалын огыл йолыштат.22Тый нунын кидыш кугыжаныш ден калык-влакым пуэнат,нуно Есевон кугыжа Сигонын мландыжымда Васан кугыжа Огын мландыжым сеҥен налыныт.23Тый кугезына-влакын шочшыштымкавасе шӱдыр наре шукемденатда нуным саде мландыш пуртенат,кудыж нерген кугезе кочаштлан”тиде мландым кучен илаш толыт” манын ойленат.24Нунын шочшышт тиде мландыш толынытда тудым сеҥен налыныт.Тый нунын кидыш хананей-влакым, кугыжаштымда тушто илыше чыла калыкым пуэнат –сеҥалтше-влак дене нуно мом шоненыт, тудым ыштеныт.25Кугезе кочана-влак шкаланышт чоткыдемдыме олалам,лектышан сай мландым,тӱрлӧ пого дене темыме пӧртлам,кӱан мландыште кӱнчымӧ вӱд аралыме верлам,виноград ден олив сад-влакымда саскан пушеҥге-влакым пеш шуко налыныт.Нуно теммеш кочкыныт, кӱжгемыныт –Тыйын кугу суапетлан кӧра ракатланен иленыт.26Но кугезына-влак мут колыштдымо лийынытда Тыйын ваштареш шогалыныт,Тыйын законет деке тупынь савырненыт.Тый декет мелын савырнаш сӧрвалыше пророк-влакетым нуно пуштеденыт,шке пашашт дене Тыйым чот мыскыленыт.27Тунам Тый кугезына-влакым тушман кидыш пуэнат,кудышт нуным шыгыремдылыныт.Но кунам нуно йӧсланенытда Тый дечет полышым йодын кычкыреныт,Тый нуным пылпомыш гыч колынатда кугун чаманыше улметлан кӧрануным утараш еҥ-влакым колтенат.Нунышт кугезына-влакым тушман кид гыч утареныт.28Но, куштылгырак лиймеке, кугезына-влакончылнет осалым угыч ышташ тӱҥалыныт –Тый нуным тушман кидыш пуэнат,да нунышт кугезына-влаклан оза лийыныт.Тый дечет адак полышым йодын кычкырымышт годымТый нуным кава гыч колынатда кугун чаманыше улметлан кӧра эше шуко гана утаренат.29Тыйын законет дек пӧртылышт манын,Тый нунылан шижтаренат.Но нуно ӱскыртланеныт,Тыйын кӱштымаш-влакетым колыштын огытыл,Тыйын пунчал-влакет деч кораҥыныт –а лач нуным шуктен шогышо-влак илаш тӱҥалыт!Нуно Тый декет тупынь савырненыт,вустык лийыныт, мутетым колыштын огытыл.30Шуко ий Тый нуным чытенат,шке Шӱлышет дене нунылан пророк-влакет гоч шижтаренат,но нуно Тыйым колыштын огытыл.Тунам Тый нуным йот мландысе калык-влак кидыш пуэнат.31Кугун чаманыше улметлан кӧраТый нуным пӱтынек пытарен отыл,нуным коден каен отыл,вет Тый поро да чаманыше Юмо улат.32Шке ойпидышетлан ӱшанле улшо,шке порылыкетым эре ончыктен шогышо,лӱдмашым лукшо кугу да виян Юмына!Кугыжа ден онна, иерей ден пророкна-влакым,ача-кочана ден уло калыкетым – мемнам чыланнамавалтыше орлыкым Тый изилан ит шотло,тиде орлык Ассирийыште лийме жап гыч кызыт марте шуйна.33Мемнан дене мо лийын – Тый чын ыштенат,вет Тый ӱшанле, а ме осал улына.34Мемнан кугыжана, онна, иерейна да ача-кочана-влакТыйын законетым шуктен шоген огытыл,кӱштымаш ден сугынет-влакым колыштын огытыл,кеч Тый нуным шижтарен шогенат.35Шке кугыжаныш лийме годымат,кунам Тый улан илышым пуэнат,Тыйын пуымо кумда, лектышан сай мландыштатнуно Тылат служитлен огытыл,шке осал пашашт деч кораҥын огытыл.36Теве кызыт ме кул улына.Тудо мландыште, кудым Тый ача-кочаланнасаска ден лектышыжым кочкын илаш пуэнат,ме кул улына.37Тиде мландын сай лектышыжейот кугыжа-влаклан логалеш,вет сулыкланна кӧра Тый мемнам нунын кидыш пуэнат.Нуно мыланна да вольыкланна оза улыт –мемнан дене нуно мом шонымыштым ыштат.Ме кугу ойгыш логалынна!38Садлан ме пеҥгыде ойпидышым ыштенада тудым возен шындена,а мемнан онна, левит ден иерейна-влактушко шке печатьыштым шындат».
Institute for Bible Translation, Finland