Мал1
1Израиль шотышто Господьын пророк шомакше, тудо Малахий гоч каласыме лийын.2«Мый тендам йӧратем, – ойла Господь.А те ойледа: ”Мо дене Тый мемнам йӧратыметым ончыктет?”Исав Иаковын изаже огыл мо? – ойла Господь. –Но Мый Иаковым йӧратенам,3а Исавым ужмем шуын огыл.Мый тудын курыклажым пустаҥденам,илыме вержым ир мландысе тулпире-влаклан пуэнам».4Каласа гын Едом: «Ме шалатыме улына,но шалатымым угыч нӧлталына»,тидлан Господь Саваоф тыге вашешта:«Нуно чоҥат гынат, Мый шалатем».Едомым «осалым ыштыше кундем» манын лӱмдат,Господь тиде калыклан курымешлан шыдешкен маныт.5Тидым те шке ужыда да каласеда:«Израиль деч ӧрдыжтат Господь кӱдыратле!»6«Эрге шке ачажым, а тарзе шке озажым шотла.Мый Ача улам гын, кушто Мыйым пагалымаш?Мый Оза улам гын, кушто Мыйым шотлымаш?»Тидым тыланда, иерей-влак, Господь Саваоф ойла,Тудо, Кӧн лӱмжын чапшым те волтеда.«Мо дене лӱметын чапшым волтена?» – те йодыда.7«Те жертвенникышкем надырлан йӧрдымым кондедада ойледа: ”Мо дене Тыйын чапетым волтена?”Господьын ӱстелже пагалымашым ок шого манын шонымыда дене.8Кунам надырлан сокыр вольыкым кондеда,тиде осал паша огыл мо?Кунам окшакым але черлым кондеда,тиде осал паша огыл мо?Наҥгаен ончо тидым шке кундемтӧратлан,тудо тыйым мокталта мо,тый декет поро кумылан лиеш мо? –ойла Господь Саваоф. –9Тугеже сӧрвален йодса-ян Юмым: ”Мемнан деке поро лий”.Но тыгай надырым кондымыда деч вараТудо тендан деке поро лиеш мо? –ойла Господь Саваоф. –10Лучо тендан кокла гыч иктаж-кӧхрам омса-влакым петырыже ыле –тек Мыйын жертвенникыштем тулым арам огыт йӱлалте!Мыйын тендан деке поро кумылем уке, – ойла Господь Саваоф, –надырда-влак Мылам огыт келше.11Эрвел гыч касвел марте илыше калык-влак коклаштеМыйын лӱмем кӱдыратле лиеш,чыла вере Мыйын лӱмемланладын ден ару надырым кондаш тӱҥалыт.Вет калык-влак коклаште Мыйын лӱмем кӱдыратле лиеш, –ойла Господь Саваоф. –12А те тудым тыге ойлымыда дене шӱктареда:”Господьын ӱстелжым шакшылыме,тусо кочкыш пагалымашым ок шого”.13Эше ойледа: ”Тиде паша улныктара!”да тудым кӱлдымылан шотледа, – ойла Господь Саваоф. –Шолыштмо, окшак да черле вольыкым кондеда,тыгайым надыр шотеш пуэда!Тендан деч Мый тудым налам мо? – ойла Господь. –14Каргыме улеш ондалыше еҥ –кӱтӱштыжӧ сай узо вольык уло гынат,сӧрымашым пуымеке,тудо Господьлан надыр шотеш экшыкан вольыкым конда.Вет Мый кӱдыратле Кугыжа улам, – ойла Господь Саваоф, –калык-влак Мыйын лӱмем деч лӱдыт!
Institute for Bible Translation, Finland