Нав15
1Иуда тукымлан, тудын чыла урлыкшылан шерева почеш логалше мландын кечывалвел мучашыже Идумей ден Син ир мланде воктене лийын.2Тиде мландын кечывалвел чекше Шинчалан теҥызын кечывалвел мучашысе иксаже гыч тӱҥалын,3тушеч тудо Акравим кӱкшака деке каен, вара Син велыш шуйнен да Кадес-Варним кечывалвел могырым эртен. Вара Хецроным эртен, Аддар деке кӱзен, [Кадесын касвел могыржо гыч каен,] Каркай велыш савырнен.4Вара Ацмон гоч эртен, Египет чекысе йогын деке лектын да теҥыз дене мучашлалтын. Тиде – Израильын кечывалвел чекше.5Эрвел могыр чек – Шинчалан теҥыз, Иорданын аҥже дек шумеш. Йӱдвел чек теҥызын иксаж деч, Иорданын аҥже деч, тӱҥалын.6Тушечын тудо Беф-Хогла деке кӱзен да Беф-Арава деч йӱдвелкыла Рувим тукымын Боган эргыжын кӱжӧ деке шуйналтын.7Вара Ахор лапвер гыч Давир деке кӱзен да йӱдвелне Галгал деке савырнен, тудыжо лапвер деч кечывалвелныла улшо Адуммим кӱкшака ваштареш верланен. Тушечын Ен-Шемеш вӱдшинча деке каен да Рогель памаш деке миен шуын.8Тушечын чек кӱшкыла Иевусын – але Иерусалимын – кечывалвел могыржо дене Енном лапвер гоч каен, вара – курык вуйыш. Курыкшо Енном лапвер деч касвелныла, Рефаим лапверын йӱдвел мучаштыже, верланен.9Курык вуй дечын чек Нефтоах вӱд деке савырнен, тушечын – Ефрон курыкысо ола-влак деке, вара Ваала, вес семынже Кириаф-Иарим, деке каен.10Вара Ваала дечын теҥыз деке, Сеир курык деке, савырнен да Иеарим – вес семынже Кесалон – курыкын йӱдвел могыржо дене каен, Вефсамис деке волен, Фимна гоч эртен.11Тушечын Екронын йӱдвел могыржо дене каен, вара Шикарон деке савырнен, Ваала [мландын] курыкшо гоч эртен, Иавнеил деке шуын да теҥыз дене мучашлалтын. Кугу теҥыз касвел чек лийын.12Теве Иуда тукымын, тудын урлыкшо-влакын мланде чекышт.13Халевлан, Иефонний эргылан, Иисус мланде ужашым, Господьын кӱштымыж семынак, Иуда эрге-влак коклаште пуэн. Иисус тудлан Кириаф-Арбам, вес семынже Хевроным, пуэн. Арбаже Енак тукымын ачаже лийын.14Халев, [Иефонний эрге,] тушечын кум енак эргым поктен колтен: Шешайым, Ахиманым да Фалмайым. Нуно Енак тукым лийыныт.15Тушечын Халев Давирыште илыше-влак ваштареш каен. Давирын ончычсо лӱмжӧ Кириаф-Сефер лийын.16Халев каласен: «Кӧ Кириаф-Сеферым сеҥен налеш, тудлан Ахса ӱдырем марлан пуэм».17Олам Гофониил, Халевын Кеназ шольыжын [эн изи] эргыже, сеҥен налын. Халев тудлан Ахса ӱдыржым марлан пуэн.18Ахсан каяш тарванымыж годым Гофониил тудым ачаж деч пасум йодаш туныктен. Кунам Ахса осёл ӱмбач волен, Халев тудын деч йодын: «Мом йоднет?»19Ахса вашештен: «Пӧлекым пуэн, мыйым суапландаре – тый мылам Кечывалвел мландыште мландым пуэнат, пу мылам памаш-влакымат». Тыге Халев тудлан кӱшыл памашымат, ӱлыл памашымат пуэн.20Теве Иуда тукым урлык-влакын мланде ужашышт.21Иуда тукымын кечывалвелне, Едом чек воктене, тыгай олаже-влак лийыныт: Кавцеил, Едер, Иагур,22Кина, Димона, Адада,23Кедес, Асор, Ифнан,24Зиф, Телем, Валоф,25Гацор-Хадафа, Кериоф, Хецрон – вес семынже Гацор,26Амам, Шема, Молада,27Хацар-Гадда, Хешмон, Веф-Палет,28Хацар-Шуал, Вирсавий, Визиофей [да нунын йыр улшо илем-влак,]29Ваала, Иим, Эцем,30Елтолад, Кесил, Хорма,31Секелаг, Мадмана, Сансана,32Леваоф, Шелихим, Аин да Риммон – чылаже коло индеш ола да нунын йыр улшо илем-влак.33Лоп верлаште тыгай ола-влак лийыныт: Ештаол, Цора, Ашна,34Заноах, Ен-Ганним, Таппуах, Гаенам,35Иармуф, Одоллам, [Немра,] Сохо, Азека,36Шаарим, Адифаим, Гедера але Гедерофаим – чылаже латныл ола да нунын йыр улшо илем-влак.37Ценан, Хадаша, Мигдал-Гад,38Дилеан, Мицфэ, Иокфеил,39Лахис, Боцкаф, Эглон,40Хаббон, Лахмас, Хифлис,41Гедероф, Беф-Дагон, Наема, Македа – чылаже латкуд ола да нунын йыр улшо илем-влак.42Ливна, Ефер, Ашан,43Иффах, Ашна, Нецив,44Кеила, Ахзив, Мареша [да Едом] – чылаже индеш ола да нунын йыр улшо илем-влак.45Екрон, тудын воктене улшо илем-влак,46Екрон деч теҥыз велкыла Азот воктене улшо илем-влак,47Азот, тудын йыр улшо ола ден илем-влак, Газа, тудын йыр улшо ола ден илем-влак – Египет чекысе йогын да Кугу теҥыз марте. Нунын чекышт Кугу теҥыз лийын.48Курыклаште улшо ола-влак: Шамир, Иаттир, Сохо,49Данна, Кириаф-Санна – вес семынже Давир,50Анав, Ештемо, Аним,51Гошен, Холон, Гило – чылаже латик ола да нунын йыр улшо илем-влак.52Арав, Дума, Ешан,53Ианум, Беф-Таппуах, Афека,54Хумта, Кириаф-Арба – вес семынже Хеврон, Цигор – чылаже индеш ола да нунын йыр улшо илем-влак.55Маон, Кармил, Зиф, Ютта,56Изреель, Иокдам, Заноах,57Каин, Гива, Фимна – чылаже лу ола да нунын йыр улшо илем-влак.58Халхул, Беф-Цур, Гедор,59Маараф, Беф-Аноф, Елтекон – чылаже куд ола да нунын йыр улшо илем-влак. [Феко, Ефрафа – вес семынже Вифлеем, Фагор, Етам, Кулон, Татами, Сорес, Карем, Галлим, Вефир да Манохо – чылаже латик ола да нунын йыр улшо илем-влак.]60Кириаф-Ваал – вес семынже Кириаф-Иарим, да Равва – кок ола да нунын йыр улшо илем [ден ял-влак].61Ир мландыште улшо ола-влак: Беф-Арава, Миддин, Секаха,62Нившан, Ир-Мелах, Ен-Геди – чылаже куд ола да нунын йыр улшо илем-влак.63Но Иерусалимыште илыше иевусей-влакым Иуда эрге-шамыч поктен колтен кертын огытыл. Иевусей-влак таче кечынат Иуда эрге-шамыч дене пырля Иерусалимыште илат.
Institute for Bible Translation, Finland