Нав13
1Кунам Иисус шоҥгемын, кугу ийготан лийын, Господь тудлан каласен: «Тый ынде шоҥгемынат, ийготетат пеш кугу, а сеҥен налшаш мланде але ятыр кодын.2Теве могай мланде-влак сеҥен налде кодыныт: филистим ден гесур-шамычын пӱтынь мландышт, [тыгак Ханаан кундем].3Ханаан кундемыш Египет чек воктенысе Сихор эҥер деч тӱҥалше да йӱдвелысе Екрон чек марте шуйнышо мланде пура. Тушто Газа, Азот, Аскалон, Геф, Екрон – вич филистим вуйлатышын олашт – да аввей-влакын илыме кундемышт верланеныт.4Тиде – кечывалвелне. Ханаан-влак тыгак Сидонысо Меар деч аморрей чек воктенысе Афек марте озаланат.5Тыгак [филистим-влакын] мландышт: Гевал кундем, эрвелне пӱтынь Ливан – Ермон курык воктенысе Ваал-Гад деч Емафыш пурымо марте – сеҥен налде кодыныт.6Ливан дечын Мисрефоф-Маим марте курыклаште илыше-влакым – чыла сидонян-шамычым – Мый израиль эрге-влакын чурийышт ончыч поктен колтем. Кӱштымем семынак тиде мландым Израильлан пайлен пу.7[Иордан деч касвелкыла Кугу теҥыз марте] тиде мландым индеш тукымлан да Манассийын пел тукымжылан пайлен пу. [Тудын чекше Кугу теҥыз лиеш]».8А Рувим ден Гад тукым-влаклан, тыгак Манассийын пел тукымжылан мландым Господьын Моисей тарзыже Иордан деч эрвелныла пуэн улмаш.9Тиде мланде Арнон эҥер серыште верланыше Ароер ден лапвер покшелнысе ола деч тӱҥалын. Тышке пӱтынь Медева тӧрвер Дивон ола марте,10Есевонышто кугыжаланыше аморрей Сигонын чыла олаже аммон-влакын чекышт марте,11тыгак Галаад, Гесур ден Мааха кундем, пӱтынь Ермон курык, пӱтынь Васан кундем Салха марте,12Васанысе Огын пӱтынь кугыжанышыже пуреныт. Ог Аштарофышто да Едрейыште кугыжаланен, Моисейын сеҥен да поктен колтымо рефаим-влак кокла гыч тудо ик эн пытартыш лийын.13Но израиль эрге-влак Гесур ден Маахаште илыше-влакым [да хананей-шамычым] поктен колтен огытыл. Гесур ден Маахаште илыше-влак израиль калык коклаште таче кечынат кодыныт.14Левий тукымлан гына Моисей мланде ужашым пуэн огыл: Израильын Господь Юмыжлан кондымо надыр-влак тудын ужашыже улыт. Тыге нунылан Господь каласен.
[Теве Моисейын израиль эрге-влаклан Иордан вес велысе Моав лапверыште, Иерихон ваштареш мландым тукым еда пайлен пуымыжо.]15Рувим тукым урлык-влаклан Моисей теве мом пуэн.16Нунын мландышт Арнон эҥер серыште верланыше Ароер ден лапвер покшелнысе ола деч тӱҥалын. Тышке пӱтынь Медева тӧрвер,17Есевон да воктенысе тӧрверыште улшо изирак ола-влак – Дивон, Вамоф-Ваал, Беф-Ваал-Меон,18Яац, Кедемоф, Мефааф,19Кириафаим, Сивма, Емек курыкышто Цереф-Шахар,20Беф-Фегор, тыгак Фасга курыкын тайылже-влак, Беф-Иешимоф, –21тӧрверыште улшо чыла ола-влак, Есевонышто кугыжаланыше аморрей кугыжа Сигонын пӱтынь кугыжанышыже пуреныт. Сигоным да тиде мландыште илыше, тудын кид йымалныже улшо мадиам вуйлатыше-влакым – Евийым, Рекемым, Цурым, Хурым, Ревам – Моисей кырен шалатен.22Моло дене пырля израиль эрге-влак ончыкужшо Валаамымат, Веор эргым, пуштыныт.23Рувим тукымын чекше Иордан лийын. Теве Рувим тукым урлык-влакын мланде ужашышт, нунын олашт да илемышт.24Вара Моисей мланде ужашым Гад тукым урлык-влаклан пуэн.25Тиде – Иазер, Галаадын чыла олаже, аммон-влакын пел мландышт, Равва воктенысе Ароер марте,26тыгак Есевон деч Рамаф-Мицфэ да Ветоним марте, Маханаим деч Давир марте шуйнышо мланде.27Эше лапверыште улшо Беф-Гарам, Беф-Нимра, Сокхоф, Цафон – Есевон кугыжа Сигонын кугыжанышыж деч мо кодшыжо. Гадын чекше Иорданын эрвел серже лийын, тиде чек Киннереф теҥыз марте шуйнен.28Теве Гад тукым урлык-влакын мланде ужашышт, нунын олашт да илемышт.29Моисей тыгак Манассийын пел тукымжылан – Манассийын пел тукымжын урлыкшо-влаклан – мланде ужашым пуэн.30Нунын мландышт Маханаим гыч тӱҥалын. Тышке пӱтынь Васан – Васан кугыжа Огын уло кугыжанышыже да тушто улшо «Иаир ял-влак», чылаже кудло ола – пуреныт.31А Галаадын пел ужашыже, Аштароф, Едрей – Васан кугыжа Огын тӱҥ олаже-влак – Манассий эрге Махир тукымын урлыкшо-влаклан, тудын пел тукымжылан, пуымо лийын.32Теве тыгай мланде ужаш-влакым Моисей Иордан вес велысе Моав тӧрверыште, Иерихон деч эрвелныла пуэден.33Но Левий тукымлан Моисей мланде ужашым пуэн огыл: нунын ужашышт – Израильын Господь Юмыжо Шкежак, тыге Тудо нунылан ойлен.
[Теве Моисейын израиль эрге-влаклан Иордан вес велысе Моав лапверыште, Иерихон ваштареш мландым тукым еда пайлен пуымыжо.]15Рувим тукым урлык-влаклан Моисей теве мом пуэн.16Нунын мландышт Арнон эҥер серыште верланыше Ароер ден лапвер покшелнысе ола деч тӱҥалын. Тышке пӱтынь Медева тӧрвер,17Есевон да воктенысе тӧрверыште улшо изирак ола-влак – Дивон, Вамоф-Ваал, Беф-Ваал-Меон,18Яац, Кедемоф, Мефааф,19Кириафаим, Сивма, Емек курыкышто Цереф-Шахар,20Беф-Фегор, тыгак Фасга курыкын тайылже-влак, Беф-Иешимоф, –21тӧрверыште улшо чыла ола-влак, Есевонышто кугыжаланыше аморрей кугыжа Сигонын пӱтынь кугыжанышыже пуреныт. Сигоным да тиде мландыште илыше, тудын кид йымалныже улшо мадиам вуйлатыше-влакым – Евийым, Рекемым, Цурым, Хурым, Ревам – Моисей кырен шалатен.22Моло дене пырля израиль эрге-влак ончыкужшо Валаамымат, Веор эргым, пуштыныт.23Рувим тукымын чекше Иордан лийын. Теве Рувим тукым урлык-влакын мланде ужашышт, нунын олашт да илемышт.24Вара Моисей мланде ужашым Гад тукым урлык-влаклан пуэн.25Тиде – Иазер, Галаадын чыла олаже, аммон-влакын пел мландышт, Равва воктенысе Ароер марте,26тыгак Есевон деч Рамаф-Мицфэ да Ветоним марте, Маханаим деч Давир марте шуйнышо мланде.27Эше лапверыште улшо Беф-Гарам, Беф-Нимра, Сокхоф, Цафон – Есевон кугыжа Сигонын кугыжанышыж деч мо кодшыжо. Гадын чекше Иорданын эрвел серже лийын, тиде чек Киннереф теҥыз марте шуйнен.28Теве Гад тукым урлык-влакын мланде ужашышт, нунын олашт да илемышт.29Моисей тыгак Манассийын пел тукымжылан – Манассийын пел тукымжын урлыкшо-влаклан – мланде ужашым пуэн.30Нунын мландышт Маханаим гыч тӱҥалын. Тышке пӱтынь Васан – Васан кугыжа Огын уло кугыжанышыже да тушто улшо «Иаир ял-влак», чылаже кудло ола – пуреныт.31А Галаадын пел ужашыже, Аштароф, Едрей – Васан кугыжа Огын тӱҥ олаже-влак – Манассий эрге Махир тукымын урлыкшо-влаклан, тудын пел тукымжылан, пуымо лийын.32Теве тыгай мланде ужаш-влакым Моисей Иордан вес велысе Моав тӧрверыште, Иерихон деч эрвелныла пуэден.33Но Левий тукымлан Моисей мланде ужашым пуэн огыл: нунын ужашышт – Израильын Господь Юмыжо Шкежак, тыге Тудо нунылан ойлен.
Institute for Bible Translation, Finland