Иов6
1Тидлан Иов тыге вашештен:2«Мыйын ойгем висаш гын,тушко орлыкем пышташ гын,3нуно теҥыз ошма деч нелырак лийыт ыле,санденак шомакем кучен кертдыме улыт.4Чылакучышын пикшыже-влак улыт капыштем,нунын аярышт дене темын чонем,Юмын шучкылыкшо мыйым авырен.5Шудо улмо годым ир осёл кычкыра мо?Шке лапашыж воктене ӱшкыж ломыжеш мо?6Кочкыт мо тамдыме кочкышым шинчал деч посна?Муношын уло мо тамже?7Тыгай кочкыш дек мый ынем тӱкнӧ,тудо мылам йырнык.8О, мыйын йодмем шукталтше ыле,инанен вучымем Юмо шуктыжо ыле!9О, мыйым пытараш Тудын кумылжо лиеш ыле гын,кидшым нӧлталын, мыйым темдалеш ыле гын!10Тиде мыланем лыпландарымашда мучашдыме орлыкыштем куан лиеш ыле –Святойын шомакшым мый шӱкалын омыл!11Умбакыже ӱшанен вучаш уло мо вием?Умбакыже илаш манын, мо мыйым сай вуча?12Кӱ гай пеҥгыде мо мыйын вием?Той гыч ыштыме мо мыйын капем?13Кертам мо мый шкаланем полшен,кунам чыла эҥертыш порволен?14Кӧ орланыше йолташыжым ок нал чаманен,тудо Чылакучышо деч лӱдмым чарнен.15Но йолташем-влак ӱшанле огытыл: нуно изи йогын гай,вашке кошкышо изэҥер гай улыт –16нунышт шулка ий деч вудакаҥыт,шулышо лум дечын шарлат,17а кунам кече ырыкта – иземыт,кунам шокшо когарта – кошкат.18Ӱштыган-влак коштмо корнышт гыч кораҥыт,ир мландышке пурат да колат тушакын.19Фема гыч ӱштыган-влак нине вӱдым кычалыт,Сава гыч толшо корныеҥ-шамыч нунылан инанат,20но ӱшанышт нунын лиеш арам –миен шуыт тушко да ӧрын шогалыт.21Теат кызыт мыланем укеш лекда:мый денем лийше туткарым ужмеке, лӱдда.22Ойленам мо тыланда ”мылам пуыза”але ”мо улыда гыч мыйын верч тӱлыза”?23Йодынам мо ”тушман кид гыч мыйым утарыза”але ”орландарыше-влакын кидышт гыч тӱлен налза”?24Туныктыза мыйым – тунам шып лиям,ончыктыза – кушто йоҥылыш улам.25Виян улеш чынле шомак!Нимом ок пу тендан шылталымыда!26Мыйым шылталаш шомакым кычалыда?Ӱшаным йомдарыше еҥын мутшо мардеж дене йомеш.27Тулык ӱмбаке кержалтыда,шке йолташдам ужаледа.28Но тендам мый йодам, ончалза ӱмбакем:шинчашкыда ончен, шоякым ойлаш тӱҥалам мо?29Эше ик гана ончен лекса да чын огыл титаклымыдам чарныза.Шымлен лекса – мыйын титакем уке.30Уло мо йылмыштем ондалчык?Тудо кочо тамым ок шиж ыле мо?
Institute for Bible Translation, Finland