Иов26
1Тунам Иов тыге каласен:2«Кузе тый ӱнардымылан полшышыч,вийдымылан полыш кидетым шуялтышыч!3Могай каҥашым тый ушдымылан пуышычда кузе пеш сайын умылтарышыч!4Кӧлан тый нине мутлам каласышыч?Кӧн шӱлышыжӧ тыйын гоч ойла? –5Колышо-влакын чоныштым лӱдмаш авалтен,вӱд келгыт да тушто илыше-влак йымалне нуно чытырат.6Вес тӱня Юмын ончылно чара,колымаш тӱнян уке леведышыже.7Йӱдвел кавам Тудо пусталык ӱмбалне шарен,нимо ӱмбалан мландым сакалтен.8Шке пыллашкыже Тудо вӱдым пога,да нуно тудын нелытше деч огыт шалане.9Шке престолжым Тудо шылтен,шке пылже дене леведын.10Волгыдо ден пычкемыш кокласе чек семынвӱд-влак ӱмбалне Тудо каватӱрым колтен.11Тудын кӱдыртымыж деч лӱдын,каван меҥгыже-влак чытырат.12Шке куатше дене Тудо теҥызым лӱҥгыкта,шке уш-акылже дене Раавым шалата. 13Тудын шӱлалтышыж деч кава волгыдемеш,писын нушкын кайыше кишкым Тудын кидше шуралтен.14Чыла тиде Тудын пашаж гыч изи ужаш веле!Мыняр шагал ме Тудын нерген колынна!А Тудын куатшын могай кугу улмыжым кӧ умыла?»
Institute for Bible Translation, Finland