Иер51
1Тыге ойла Господь:«Вавилон да тушто илыше тушманем-влак ваштарешМый чыла пытарыше мардежым нӧлталам!2Вавилоныш Мый йот тукым еҥ-влакым колтем,шурным пуалтыме семын нуно тудым пуалтат,мландыжым пустаҥдат,туткар кечын ӱмбакше чыла могырым кержалтыт.3Тек пикшызе тудын ӱмбак пикшым чымалтара,тек тудо кӱртньӧ тувыржым чия.Ида чамане Вавилонын самырык пӧръеҥже-влакым,сарзывийжым пӱтынек кырен шалатыза!4Тек нуно халдей мландыште колышо камвозыт,уремлаштыже шуралтен пуштмо кият».5Вет Израиль ден ИудамГосподь Саваоф Юмышт коден каен огыл,кеч Израильын Святойжо ончылнонунын мландышт сулык дене темын.6Куржса Вавилон гыч, шке чондам утарыза,уке гын тудын сулыкшо верч те коледа!Вет Господьын ӱчым шуктымо жапше толын,Тудо Вавилонлан пашаж почеш пӧртылта.7Господьын кидыштыже Вавилон шӧртньӧ чаше лийын,пӱтынь мландым тудо руштмешкыже йӱктен.Калык-влак тушеч йошкар аракам йӱынытда ушыштым йомдареныт.8Вучыдымын Вавилон камвозын да шаланен!Мӱгырен шортса тудын шотышто,сусыржылан бальзамым кондыза – ала тудо паремеш.9«Вавилоным ме эмленна, но тудо паремын огыл.Кодыза тудым, тек кажныже шке мландышкыже кая,вет Вавилонлан ыштыме суд кава дек шуын,пыл деке шумеш нӧлталтын».10«Господь мемнан чын улмынам ончыктен!Каена, Господь Юмынан мом ыштымыжымСионышто увертарена!»11Пикш-влакым пӱсемдыза, пикш лодакым темыза!Господь Вавилоным пытараш шонен пыштен,тидлан Мидий кугыжа-влакым таратен.Тиде – Господьын ӱчым шуктымашыже,Тудын храмжылан верч ӱчым шуктымаш!12Вавилонын пырдыжше ваштареш тистым нӧлталза,оролымашым вияҥдыза,орол-влакым шогалтыза, засадым шындыза!Мом Господь шонен пыштен, тидым ышта,мом Вавилонышто илыше-влак шотышто каласен, тудым шукта.13О тый, кугу вӱдйогын-влак воктене илыше!Поянлыкет тыйын шуко,но мучаш лишемеш,куэмым станок гыч пӱчмӧ семын тыйын илышет кӱрлалтеш.14Шкеж дене товатлен Господь Саваоф:«Чынжымак, Мый тыйым сарзе-влак дене темем,нуно шурнышырчык наре лийыт,тыйын ваштареш йӱкыштым нӧлталыт».15Тудо шке вий-куатше дене мландым ыштен,мунлылыкшо дене тӱням пеҥгыдемденда уш-акылже дене кавам шарен.16Йӱкшым Тудо кугемда – каваште вӱд-влак лӱшкат.Мланде тӱр гыч Тудо пыл-влакым нӧлталеш,йӱр кокла гыч волгенчым колтада аралыме верлаж гыч мардежым луктеш.17Айдемын ушыжо каен, уке тудын шинчымашыже –левыктыше мастар шке ыштыме шояк юмыж дене шкенжым намысыш пурта,вет левыктен лукмыжо – ондалчык,тудын кӧргыштыжӧ шӱлыш уке.18Тыгай юмо – кӱлдымӧ, воштылчык,судым ыштыме жапыште тудо йомеш.19Но Господь, Иаковын ужашыже, нунын гай огыл:Тудо – чыла Ыштыше Юмо, Израиль – ойырен налме калыкше,лӱмжӧ Тудын – Господь Саваоф.20«Тый, Вавилон, Мыйын шугынем,кредалме саргуралем лийынат.Тыйын кидет дене Мый калык-влакым кыренам,кугыжаныш-шамычым шалатенам.21Тыйын кидет дене Мый имне ден имнешкым пуштынам,сарлык орва ден виктарышыжым пытаренам.22Тыйын кидет дене Мый пӧръеҥ ден ӱдырамашым,шоҥго ден самырыкым, рвезе ден ӱдырым кыренам.23Тыйын кидет дене Мый кӱтӱчӧ ден кӱтӱжым,куралше ден ӱшкыжшым кыренам,кундемтӧра ден вуйлатышым пытаренам.24Но тендан шинча ончылно Мый Сионышто ыштыме чыла осал пашашт верч Вавилонлан, Халдейыште илыше-влаклан, пӧртылтем, – ойла Господь.25Пӱтынь мландым пустаҥдыше да чыла пытарыше курык,Мый кызыт ӱмбакет толам, – ойла Господь. –Мый ӱмбакет шке кидем шуялтем,тыйым кӱшыч сӱмырен кудалтем,когарген пытыше курыкыш савырем.26Пусак ден негызлан кӱм тый дечет огыт нал,курымешлан тый ир мланде лият, – ойла Господь.27Нӧлталза тистым эл ӱмбалне,калык-влак коклаште пучым пуалтыза!Вавилон ваштареш калык-влакым ямдылыза,Арарат, Миний, Аскеназ кугыжаныш-влакымтудын ӱмбак каяш ӱжса!Тудын ваштареш каяш сарзывуйым шогалтыза,шурнышырчык тӱшка семын имнешке-влакым колтыза!28Вавилон ваштареш калык-влакым,Мидийын кугыжаже-шамычым,кундемтӧра ден вуйлатышыже-влакым,Мидий кид йымалне улшо чыла мландым кынелтыза.29Мланде чытырна, пыртка,вет Вавилон шотышто Господьын шонен пыштымыже шукталтеш –Вавилон мландым ир мландыш савыраш,илыше-влак деч посна кодаш.30Вавилон сарзе-влак кредалмыштым чарненытда карманыштышт шинчат –вий-куатышт пытен, ӱдырамаш гай нуно лийыныт.Вавилонын пӧртшӧ-влак йӱлат,капка тӱкылтышышт шалатыме.31Ик торйол ваштареш весе куржеш,уверзе почеш уверзе толеш –Вавилон кугыжалан нуно уверым кондат:олан чыла могыржо гыч керылт пуреныт,32вӱд вончымо верлам руалтеныт,карман-влак йӱлат, сарзе-шамычым лӱдмаш авалтен.33Тыге ойла Господь Саваоф, Израильын Юмыжо:Вавилон ӱдыр – шийме жаплан тошкен ямдылыме идым гай,эше изишак – уржа-сорла жап шуэш».34«Вавилон кугыжа Навуходоносор мыйым кочкын, нултен,мыйым яра атым ыштен.Шучко янлык семын мыйым нелын,пайрем кочкыш дене мӱшкыржым темен,вара укшич луктын шуэн.35Мемнам индырымыжлантек Вавилонлан пӧртылтымӧ лиеш!» –Сионышто илыше-влак тыге ойлат.«Вӱрем йоктарымыжланХалдейыште илыше-влак тек мутым кучат!» –Иерусалим каласа.36Сандене Господь тыге ойла:«Мый тыйым пыдал налам да тылат верч ӱчым шуктем,Вавилонын теҥызшым коштем,памаш-влакшым вӱд дечын посна кодем.37Вавилон кӱ орашке,тулпире-влакын илемышкышт савырна,лӱдыктыш ден воштылчык лиеш,илыше-шамыч деч посна кодеш.38Тушто илыше-влак лев семын ырлаш тӱҥалыт,самырык лев семын йӱкыштым кугемдат.39Шокшештмекышт, Мый нунылан ӱстелым погемда нуным руштмешкышт йӱктем –тек веселитлат да мален колтат курымаш омо дене,тек огыт помыжалт тетла, – Господь ойла.40Пача, тага ден казатага-влак семынМый нуным шӱшкылаш наҥгаем.41О, кузе Сесахым сеҥен налме,пӱтынь мландын чапшым руалтен налме!Калык-влак коклаште Вавилон лӱдыктышыш савырнен!42Теҥыз нӧлталтын Вавилон ӱмбаке,гӱжлышӧ толкын-влак тудым леведыныт.43Олаже-влак пустаҥыныт,кукшо ир мландыш савырненыт –еҥ-шамыч тушто огыт иле,эртен ок кай тушечын нигӧ.44Мут кучаш шогалтем Вавилонысо Вилым,мом нелмыжым укшич луктыктем.Тудын дек калык-влак тетла огыт погыно,Вавилонысо пырдыж-влак сӱмырлат.45Лек, Мыйын калыкем, тушечын,ылыжше шыдем деч кажныже шке чонжым утарыже!46Ида аптыране, эл мучко шарлыше шомак деч ида лӱд.Ик ийын иктым кутырат, вес ийын – весым,эл мучко пызырымаш лиеш,ик вуйлатыше ваштареш весе шогалеш.47Вет кече-влак толыт,кунам Мый Вавилонысо шояк юмо-влакым мут кучаш шогалтем.Вавилонын пӱтынь мландыже намысыш пура,сарыште колышо-шамыч тушто кияш тӱҥалыт.48Вавилон дене мо лиймым ужын,кава ден мланде да мо тушто уло куанен кычкырлаш тӱҥалыт,вет тушко йӱдвел гыч пустаҥдыше-влак толыт, –ойла Господь.49Кузе Вавилон мландымбалне илыше-влакым пытарен,израильтян-шамычым пытарымыжлан шкежат тугак пытарыме лиеш.50Керде деч утаралт кодшо-влак, ида шого, кайыза!Мӱндыр кундемыште Господьым шарныза,Иерусалимым ушыштыда кучыза.51”Мыскылымым колын, ме вожылмашыш пуренна,чурийнам намыс леведын,вет Господьын пӧртшын святой верлашкыжейот тукым еҥ-влак пуреныт”.52Сандене жап шуэш, – ойла Господь, –кунам Мый Вавилонын шояк юмыжо-влакым мут кучаш шогалтем,тудын мландыже мучко сусыргышо-шамыч кечкыж кияш тӱҥалыт.53Кеч Вавилон кава дек шумеш нӧлталтешда кӱкшӧ карманже-влакым чоткыдемда,тудын дек пустаҥдыше-влак садак толыт Мый дечем», –ойла Господь.54Варгыжме йӱк Вавилон гыч шокта,кугу пытарымаш Халдей мланде гыч солна.55Тиде Господь пытара Вавилоным,кугу йӱк-йӱанлан мучашым пышта.Тушман толкын-влак кугу вӱд семын гӱжлат,нунын йӱк-йӱанышт шокта.56Пустаҥдыше толеш Вавилон ӱмбак,тудын сарзыже-влакым пленыш налеш,пикшйоҥежыштым пудырта.Вет Господь – мут кучыктышо Юмо,Тудо пӱтынек пӧртылта.57«Мый тудын он ден мунлыеҥже-влакым,кундемтӧра ден вуйлатышыже-шамычым,сарзыже-влакым руштмешкышт йӱктем –мален колтат курымаш омо дене,огыт помыжалт тетла, – ойла Кугыжа,лӱмжӧ Тудын Господь Саваоф.58Тыге ойла Господь Саваоф:Вавилонын кӱжгӧ пырдыжше негыз марте шалатыме лиеш,кӱкшӧ капкаже-влак лийыт йӱлалтыме.Арам калык-шамыч тыршеныт,тукым-влак шкеныштым индыреныт –чылажат лиеш йӱлалтыме!»59Теве мом пророк Иеремий Сераийлан, Нирий эргылан, Масейын уныкажлан, кӱштен, кунам тудыжо Иуда кугыжа Седекийын нылымше ий вуйлатымыж годым тудын дене пырля Вавилоныш каяш лектын. Сераийже кугыжан илыме вержылан вуйын шоген улмаш.60Иеремий Вавилон дене лийшаш туткар-влакым – чыла, мом Вавилон ваштареш возымо лийын – посна вӱдылка книгаш серен.61Иеремий Сераийлан каласен: «Кунам Вавилоныш толат, чыла возымым йӱкын луд62да каласе: ”Господь, тиде верым Тый пытарем манын каласенат, тушто еҥат, вольыкат огыт код, курымешлан ир мланде лиеш манын ойленат”.63Вӱдылка книгам лудын пытарымекет, тудын дек кӱм кылде да Евфрат покшеке кудалте,64тыге каласе: ”Вавилонат тыге пурен кая, Господьын колтымо туткар деч вара ок нӧлталт, Вавилон йӧршешлан лунчырга”».
Тыште Иеремийын шомакше пыта.
Тыште Иеремийын шомакше пыта.
Institute for Bible Translation, Finland