Иер49
1Аммон эрге-влак нерген Господь тыге ойла:«Израильын эргыже-влак уке улыт мо?Тудын югыжо уке мо?Молан Милхом Гад дене озалана,тудын калыкше Гадын олалаштыже ила?2Сандене тыгай жап шуэш, – ойла Господь, –кунам аммон мландысе Равва ваштареш кредалаш ӱжшӧ йӱкМыйын кӱштымем почеш шергылтеш.Тиде ола кӱ орашке савырна,йыр улшо илем-влак йӱлен пытат.Тунам Израиль тудым поктен колтышо-влакымшкеныштым поктен колта, – ойла Господь.3Шорт, Есевон, вет Гай олам пустаҥдыме!Равва йыр улшо илемлаште илыше-влак, магырыза,чоштыра вургемым чийыза,шортса да пакчалаште перныл коштса,вет онаеҥ да онжо-влак дене пырля Милхомым пленыш наҥгаят.4Мом лапверет-влак дене моктанет?Тушто вӱр йогаш тӱҥалеш!Ӱшаныдыме ӱдыр,поянлыкетлан инанен, тый тыге ойленат:”Кӧ мыйын ваштареш лектеш?”5Чыла могырым ӱмбакет шучкылыкым колтем, –ойла Господь Юмо Саваоф, –тендам чыладам поктен колтат,куржын пытымекыда, нигӧ тендам ок пого.6Но тидын деч вара аммон эрге-влакымМый плен гыч пӧртылтем, – ойла Господь».7Едом нерген Господь Саваоф тыге ойла:«Феманыште мунлылык тетла уке мо?Шонен моштышо-влакын уш-акылышт йомын,мунлылыкышт пытен мо?8Деданыште илыше-влак, мӧҥгеш савырныза да куржса,келге коремлашке шылза,вет мут кучыктымо жап шумеке,Исавлан колтымо туткарым мый тыланда колтем.9Тендан деке виноградым погышо-влак толыт гын,садак икмыняр саскам кодат ыле.Вор-влак йӱдым толыт гын,шкаланышт мыняр кӱлешым гына шолыштыт ыле.10А Мый Исав тукым деч чыла поген налам,поянлыкым шылтыме чыла вержым почам,тудо шкежат шылын ок код.Тудын йочаже, иза-шольыжода пошкудыжо-влак пытарыме лийыт –тиде тукым пыта.11Но тулык йочат-влакым кодо,Мый нуным арален кодем,тулык ватет-шамычат тек Мыланем инанат.12Тыге ойла Господь: эсогыл нунат, кӧмыт тидым сулен огытыл, тиде чаше гыч йӱаш тӱҥалыт! А тый мут кучыде коднет? Тый мут кучыде от код, тудым пӱтынек йӱат!13Шкем дене товатлем, – ойла Господь, – Восора пустаҥдыме лиеш, лӱдыктыш ден воштылчыкыш, каргымашыш савырна, тудын йыр улшо изи ола-влакат курымешлан шалатыме лийыт».14Господь деч мый уверым колынам,Тудо калык-влак дек уверзым тыге каласаш колтен:«Погыныза да тудын ваштареш кайыза, кредалаш кынелза!15Калык-влак коклаште Мый тыйым изим ыштем,еҥ-шамыч тыйым шотлымым чарнат.16Кӱ курык шелшыште илыше, курык ӱмбалне верланыше,шучко улмет да кугешныше шӱмет тыйым ондаленыт!Кеч арыслангайык семын пыжашетым кӱшан ыштенат,тушечат тыйым сӱмырал кудалтем, – ойла Господь.17Едом лӱдыктышыш савырна –кӧ воктечше эртен кая, кажныже лӱдеш,сусырлажым ужын, ӧрын шӱшкалта.18Кузе Содом, Гоморра да йырышт улшо ола-влак пытеныт, –ойла Господь, –тыгак тыштат нигӧ ок код,еҥ-влак тушто жаплан илашат огыт шогал.19Иордан серысе чашкер гыч кӱтымӧ верыш лекше лев семынМый Едом калыкым шке мландыж гыч ик татыште поктен колтемда вуйлатышыштлан ойырен налме еҥем шогалтем.Кӧ Мый гаем уло? Кӧ Мый денем судитлалтеш?Могай вуйлатыше Мыйын ваштареш шоген кертеш?20Колыштса, мом Господь Едом шотышто шонен пыштенда мом Феманыште илыше-влак дене ыштынеже:кӱтӱ гыч эн изи-влакым поктен наҥгаят,илыме верыштымат пытарат!21Едом сӱмырла, тиде йӱк-йӱан деч мланде чытырна,кычкырлыме йӱк Йошкар теҥыз марте солна.22Арыслангайык семын тудо нӧлталтеш да чоҥешта,Восора ӱмбалне шулдыржым шара.Тудо кечын едом сарзын шӱмжӧазам ыштыше ӱдырамашын гай чытыраш тӱҥалеш».23Дамаск нерген.«Емаф ден Арпад намысыш пуреныт,ойган уверым колмеке, вуйыштым сакеныт.Кузе теҥыз толкыналтеш да ок тыплане,тугак нуно огыт керт лыпланен.24Дамаск аптыранен да чакнен куржеш,чытыра лӱдмыж дене,пуйто азам ыштыше ӱдырамашын орлык ден корштымашыжетудымат авалтеныт.25Чапланыше олам, куан дене темше олам,кузе коден каеныт?!26Самырык еҥ-влак уремлаштыже камвозыт,чыла сарзыже тудо кечын пытат, –ойла Господь Саваоф. –27Дамаскын пырдыжлаштыже Мый тулым ылыжтем,Венададын полатше-влакым тудо пытара».28Кедар да Асорысо кугыжаныш-влак нерген, кудыштым Вавилон кугыжа Навуходоносор кырен шалатен.«Господь тыге ойла:Тарваныза, Кедар ӱмбаке кайыза,эрвелын эргыже-влакым пытарыза!29Нунын омаш ден кӱтӱштым шупшын налза,пӱрдыш ден ате-ӱзгарыштым, верблюдыштым поген налза.Кычкырыме йӱк шокта: ”Чыла вере шучкылык!”30Куржса, вашке кайыза!Асорышто илыше-влак, келге коремлашке шылза! – ойла Господь. –Вавилон кугыжа Навуходоносор тыланда осалым ышташ шонен пыштен,шке шонымыжым тудо шукта.31Кынелза, азап деч посна илыше калык ӱмбакесар дене кайыза, – ойла Господь. –Тудын омсажат, тӱкылтышыжат уке,тудо шкетын посна ила.32Верблюд-влакышт поген налме,кугу кӱтӱшт руалтен налме лийыт.Кӧмыт вуйвичкыжысе ӱпыштым тӱредыт,Мый нуным чыла велыш шалатен колтем,чыла могырым ӱмбакышт пытымашым колтем, – ойла Господь.33Асор тулпире-влакын илыме верышт лиеш,курымешлан тудо пустаҥеш.Нигӧ тушан ок код,еҥ-влак тушто жаплан илашат огыт шогал».34Теве Елам нерген Господьын шомакше, тудо пророк Иеремийлан Иуда кугыжа Седекийын кугыжаланаш тӱҥалмыж годым лийын.35«Тыге ойла Господь Саваоф:Еламын пикшйоҥежшым,тудын тӱҥ вий-куатшым, Мый шалатем.36Каван ныл мучашыж гыч Елам ӱмбакеМый ныл мардежым кондемда тудым чыла велыш шалатен колтем.Ок лий тыгай калык,кӧ деке Елам гыч поктен колтымо-влак огыт мий.37Тушманже-влак ончылно,тудын чонжым кычалше-влак ончылноМый Еламым лӱдмашыш пуртем.Орлыкым кондышо кугу шыдемМый тудын ӱмбак опталам, – ойла Господь, –тудым пӱтынек пытарымешке, почешыже кердым колтем!38Еламыште Мый шке престолем шындем,кугыжа ден он-влакым тушто пытарем, – ойла Господь. –39Но пытартыш кечылаште Еламым плен гыч пӧртылтем», –ойла Господь.
Institute for Bible Translation, Finland