Иер31
1«Тудо жапыште, – ойла Господь, –Мый Израильын чыла тукымжын Юмыжо лиям,а нуно Мыйын калыкем лийыт.2Тыге ойла Господь:керде деч утаралт кодшо калыкир мландыште чаманен налме лиеш,Мый Израильым ласкалык верыш кондаш каем».3Господь мылам умбачын кончен да каласен:«Курымашле йӧратымаш дене тыйым йӧратемда тыланет порылыкем ончыктем.4Мый тыйым угыч чоҥен пеҥгыдемдем,да тый нӧлталме лият, Израиль ӱдыр!Тый угыч тимпаным налатда куанен йывыртыше-влак дене кушташ лектат,5Самарий курыклаште виноград аҥам угыч шындет.Виноградым куштышо-влак саскажым шкеак кочкыт.6Тыгай кече шуэш,кунам Ефрем курыклаште орол-влак кычкыралыт:”Кынелза, Господь Юмына дек Сионыш кӱзена!”7Тыге ойла Господь: куанен мурыза Иаков нерген,калык-влак коклаште эн ончылно улшым чаплыза!Увертарыза, моктыза, тыге ойлыза:”Господь, утаре шке калыкетым,Израиль деч мо кодшым!”8Кондем Мый нуным йӱдвел мланде гыч,мланде тӱр гычын погем.Нунын коклаште сокыр ден окшак-влак,мӱшкыран да азам ыштыше ӱдырамаш-влак –кугу тӱшка калык тышке пӧртылеш.9Толыт нуно шинчавӱд дене, кумалын,нуным Мый лыпландарен вӱден кондем.Вӱдйогын дек наҥгаем тӧр корно дене,тушто нуно огыт шӱртньӧ.Вет Мый улам Израильын ачаже,Ефрем – Мыйын кугэргым!10Колыштса, калык-влак, Господьын шомакшым!Увертарыза тора отролаште, каласыза тыге:”Кӧ Израильым шалатен, Тудак пога,да кузе кӱтӱчӧ шке кӱтӱжым арала,туге тудым аралаш тӱҥалеш”.11Господь сулен налеш Иаковымда виянрак-влакын кидышт деч утара.12Нуно толыт да Сион курыкышто йывыртен кычкыраш тӱҥалыт,Господьын суапшым ужын, чурийышт куан дене волгалтеш –Тудо нунылан шыдаҥым, йошкар арака ден олив ӱйым,шорык ден ушкалым пуа.Лийыт нуно вӱдыжтарыме сад гай,ойгыштлан мучаш толеш.13Куанен кушташ тӱҥалыт ӱдыр-влак,рвезе ден шоҥго пӧръеҥ-шамыч.Мый шӱлыкыштым куаныш савырем,нуным лыпландарем, ойго деч вара куаным колтем.14Иерей-влакым эн сай кочкыш дене теммеш пукшем,Мыйын калыкем суапле пӧлекем дене темеш, – ойла Господь.15Тыге ойла Господь: Рамаште йӱк-йӱан шокта,мӱгырен шортмо, йӧсын кычкырыме йӱк солна.Рахиль шке йочаж-влак верч шортеш –нунышт уке улыт, садлан ынеж лыплане.16Тыге ойла Господь:ит шорт, шинчавӱдетым ит йоктаре,вет пашатлан тыйым пӧлек вуча, – увертара Господь, –тушман мланде гыч нуно пӧртылыт!17Ончыкылыкетлан уло ӱшан, – увертара Господь, –эргыч-влак шке мландышкышт пӧртылыт!18Колам Мый, кузе Ефрем шортеш:”Тый мыйым мут кучаш шогалтенат,пуйто омыталан туныктыдымо ӱшкыжым наказатленат.Савыре мыйым, да мый пӧртылам,вет Тый мыйын Господь Юмем улат.19Кораҥынам чын корно гыч, но вара ӧкыненам,уш пурымеке, оҥем кыренам.Мый вожылмашыш пуренам, ӱҥышемынам,самырык жапемын намысшым нумалынам”.20Ефрем Мыланем шергакан эргым,йӧратыме йочам огыл мо?Кажне гана, кунам тудын нерген ойлем,тудым эре йӧратен шарналтем.Ефрем верч шӱм-чонем йӱла,тудым чаманен налде, Мый ом керт, – увертара Господь.21Шогалтыл шкаланет корным ончыктышо кӱ-влакым,меҥге-шамычым шогалте,ондак кайыме корнышкет шӱметым савыре.Пӧртыл, Израиль ӱдыр, пӧртыл шке олалашкет!22Мыняр тылат эше перныл кошташ,Юмо деч кораҥше ӱдыр?Уым ышта Господь мландымбалне:ӱдырамаш арала пӧръеҥым.23Тыге ойла Господь Саваоф, Израильын Юмыжо: кунам Мый нуным плен гыч пӧртылтем, Иуда мландыште да тудын олалаштыже угыч тыге ойлаш тӱҥалыт: ”Чынлык илыме вер, святой курык! Тек тыйым Господь суапландара!”24Иуда калык шке мланде пашаеҥже да кӱтӱчыжӧ-влак дене пырля тиде мландыште да тудын олалаштыже илаш тӱҥалеш.25Мый нойышылан йӱаш, улнышылан кочкаш пуэм».26Вара мый помыжалтым да шинчам почым. Ужмо омем чонемлан келшыше лийын.27«Теве кече-влак лишемыт, – ойла Господь, – кунам Мый Израиль ден Иуда мландым еҥ-влак да вольык дене темем.28Кузе Мый, куклен да сӱмырен, шалатен да пытарен, зияным конден, нуным эскерен шогенам, тугак Мый, угыч чоҥен да шынден, нуным эскерен шогаш тӱҥалам.29Тудо кечылаште тетла тыге ойлаш огыт тӱҥал: ”Ача-коча-влак шадырге виноградым кочкыныт, а йоча-влакын пӱйышт шурымын ”.30Кажныже шке сулыкшылан кӧра гына кола. Кӧ шадырге виноградым кочкеш, тудын пӱйжӧ шурымеш.31Теве кече-влак толыт, – ойла Господь, – кунам Израиль тукым да Иуда тукым дене у ойпидышым ыштем.32Тиде ойпидыш тугай огыл, могайым Мый ача-кочашт дене тудо кечын ыштенам, кунам нуным, кидышт гыч кучен, Египет мланде гыч луктынам. Кеч Мый нунын Озашт лийынам, тиде ойпидышым нуно пудыртеныт, – ойла Господь. –33Теве могай ойпидышым Мый Израиль тукым дене тиде кече-влак деч вара ыштем: шке законем нунын ушышкышт пыштем да шӱмешышт возем, – ойла Господь. – Мый нунын Юмышт лиям, нуно Мыйын калыкем лийыт.34Тунам нигӧ шке лишылжым да иза-шольыжым ”Господьым пален налза” манын туныктен ойлаш ок тӱҥал. Вет нуно чыланат, изи гыч кугу марте, Мыйым палаш тӱҥалыт, – ойла Господь. – Вет Мый нунын языкыштым кудалтем, закондымылыкыштым тетла ом шарналте.35Господь кечывалым волгалтараш кечым пуэн,йӱдым волгалтарышт манын, тылзе да шӱдыр-влаклан законым пуэн,Тудо теҥызым пудырата, да толкын-влак гӱжлат,Господь Саваоф Тудын лӱмжӧ.36Нине пӱртӱс закон-влакын шукталт шогымыштлан мучаш толеш гын, – ойла Господь, –тунам гына Израиль тукым Мыйын калыкем лиймыжым чарна.37Тыге ойла Господь:кузе кӱшнӧ кавам висаш, ӱлнӧ мланде негызым шымлаш ок лий,тугак Мыят Израиль тукымым чыла мом ыштымыштланШке дечем ом кораҥде, – ойла Господь.38Теве кече-влак толыт, – ойла Господь, – кунам Господьын олаже Хананел башне деч Лукысо капка дек шумеш угыч чоҥымо лиеш.39Висыме кандыра умбакыла Гарив кӱкшака деке шуйналтеш, тушеч Гоаф декла савырна.40Пӱтынь лапвер, кушко кызыт колышо кап ден ломыжым кышкеныт, тыгак Кедрон йогын ден эрвелысе Имне капка лук марте шуйналтше уло пасу Господьлан святитлен ойырымо лийыт. А ола тетла нигунам шалатыме, пытарыме ок лий».
Institute for Bible Translation, Finland