Ис7
1Кунам Ахаз кугыжа, Озийын Иофам эргыжын эргыже, Иудам вуйлатен, Иерусалим ӱмбак Сирий кугыжа Рецин ден Израиль кугыжа Факей, Ремалий эрге, сар дене каеныт, но сеҥен налын кертын огытыл.2Давид тукымлан увертареныт: «Сириян-влак Ефрем мландыште улыт». Тунам Ахаз кугыжан да тудын калыкшын шӱмышт мардеж деч чытырыше чодырасе пушеҥге семын чытыраш тӱҥалыныт.3Господь Исаийлан каласен: «Тый да Шеар-Ясув эргыч Кӱшыл пӱяш вӱдым колтышо канал мучашыш, Межйӧрышӧ пасуш наҥгайыше корно деке, Ахазым вашлияш лекса.4Каласе тудлан: ”Лыплане, шкендым кидыш нал, ит лӱд. Тек тыйын шӱмет тиде кок эҥше тулвуй деч, Рецин ден сириян-влакын да Ремалий эргын ылыжше шыдышт деч ок аптыране.5Сирий, Ефрем да Ремалий эрге тыланет осалым ышташ шонен пыштеныт. Нуно ойлат:6’Иуда ӱмбак каена, тудым лӱдыктена да сеҥен налына, кугыжажлан Тавеил эргым шогалтена’.7Но Господь Юмо тыге ойла:Тиде ок шукталт, тыге ок лий.8Вет Сирий дене Дамаск озалана,Дамаск дене – Рецин.Кудло вич ий гыч Ефремым кырен шалатат,да тудо тетла калык ок лий.9Ефрем дене Самарий озалана,Самарий дене – Ремалий эрге.Ӱшанда пеҥгыде огыл гын,те пеҥгыдын шоген огыда керт”».10Господь Ахазлан умбакыже ойлен:11«Господь Юмет деч палдарыше палым йод – кеч вес тӱнян келгытыштыже але каван кӱкшытыштыжӧ».12Но Ахаз вашештен: «Ом йод, Господьым тергаш ом тӱҥал».13Тунам Исаий каласен: «Колыштса, Давидын тукымжо! Айдеме чытышым тергыме тыланда ок сите мо? Те мыйын Юмемынат чытышыжым тергынеда?14Тыланда Господь Шкежак палдарыше палым пуа: теве, Ӱдыр нелемеш да Эргым ышта, тудлан Эммануил лӱмым пуа.15Осал деч кораҥаш да порым ойырен мошташ тунеммешкыже, Тудо торык ден мӱйым кочкаш тӱҥалеш.16Тиде йочан осал деч кораҥаш да порым ойырен мошташ тӱҥалмыж деч ончыч нине кок кугыжан мландышт, кудыж деч тый лӱдат, пустаҥдыме лиеш.17Но Господь тыланет, калыкетлан да тукыметлан тугай неле кече-влакым колта, могайже Ефремын Иуда деч ойырлымыж деч вара лийын огытыл – Тудо Ассирий кугыжам колта.18Тудо кечын Господь шӱшкалтада Египет эҥер аҥысе кармым,Ассирий мландысе мӱкшым ӱжеш.19Нуно чоҥештен толытда коремлашке, кӱ курык шелшылашке,иман вондер ден кӱтымӧ верлашке шинчыт.20Тудо кечын Господь ӱп ден пондашдам, намысле верласе ӱпдамЕвфрат вес могыр гыч тарлыме бритве дене –Ассирий кугыжан кидше дене – нӱжын шуа.21Кӧ тудо кечын ушкал ден кок шорыкым кучаш тӱҥалеш –22нунын шуко шӧрым пуымыштлан кӧра торыкым кочкаш тӱҥалеш.Чылан, кӧмыт тиде мландыште утаралт кодыт,торык ден мӱйым кочкаш тӱҥалыт.23Тудо кечын чыла вере,кушто тӱжем сикль шийым шогышо тӱжем виноград вондер шоген,шуанвондо ден коршаҥге кушкын шогалыт.24Пӱтынь мланде мучко коршаҥге ден иман вондер кушкыт,сандене пикш да йоҥеж дене тушто кошташ тӱҥалыт.25Ондак катман дене пушкыдемдыме курык тайыллашкететла от кай – коршаҥге ден иман вондер деч лӱдат.Шолдыра вольык тушто кошташ тӱҥалеш,тыгыде вольыкат нуным тошка».
Institute for Bible Translation, Finland