Ис26
1Тудо кечын Иуда мландыште тыгай мурым мурат:«Мемнан олана чоткыдемдыме,Господь мыланна утарымашым пуэн,пырдыж да мланде кӱкшака семын Тудо мемнам арала.2Почса капкам –тек ӱшанле, чыным ыштыше калык пура!3Пеҥгыдын шогышо еҥымТый тичмаш тыныслыкыште аралет,вет тудо Тыланет инана.4Инанен илыза Господьлан курымеш,вет Господь Юмо курымаш кӱ курык улеш.5Кӱкшӧ верлаште илыше-влакым Тудо сӱмырен кудалтен,кӱшнӧ шогышо олам сӱмырен шуэн,мланде ӱмбаке, пуракыш сӱмырен.6Йол дене тудым тошкат –йорло еҥын йолжо, незерын йолгопаже тошкат.7Чын ыштыше еҥын йолгорныжо вияш,тудын корныжым Тый тӧрым ыштет.8Суд-влакым ыштыметым ужын,Господь, ме Тыланет инанена.Тыйын лӱмет дек, Тыйым шарнымаш декмемнам чонна шупшеш.9Йӱдым чонем Тый декет шупшеш,эрден эр Тыйым чон-шӱлышем кычалеш.Кунам мландымбалне чын судет-влак шукталтыт,тӱняште илыше-шамыч чынлыклан тунемыт.10Лиеш гын осал еҥ серлагыме,тудо чынлыклан ок тунем –чын ыштыше-влакын мландыштышт осалым умбакыжат ышта,Господьын кугулыкшым тудо ок уж.11Господь, Тыйын кидет кӱш нӧлталме,но тудым осал еҥ-влак огыт уж.Шке калыкет верч Тыйын чон йӱлен тыршыметым ужын,тек нуно вожылмашыш пурат,тушманет-влаклан ямдылыме тул тек нуным пытара.12Господь, Тый мыланна тыныслыкым пуэт,вет чыла, мом ме ыштенна – тыште Тыйын кидет.13Господь, мемнан Юмына!Мемнан дене Тый огыл, вес он-влак озаланеныт,но ме лач Тыйын лӱметым шотлена.14Нине он-влак коленыт, нуно огыт кынел,колышо-влакын чонышт огыт ылыж.Мут кучаш шогалтен, Тый нуным пытаренат,нунын нерген чыла шарнымашым ӱштыл шуэнат.15Тый калыкым шукемденат, Господь,шукемденат Тый калыкым –тидын дене Тый чапланенат,элын кумдыкшым кугемденат.16Господь, ойго годым нуно Тыйым кычалыныт,а кунам мут кучаш шогалтенат,нуно ойгырен сӧрваленыт.17Кузе мӱшкыран ӱдырамаш азам ыштымыж годыморлана, йӧсланен кычкыра,меат Тыйын ончылнет тыгаяк лийынна, Господь.18Лийынна ме мӱшкыран да йӧсланенна,но лач мардежым шочыктенна.Конден огынал ме мландылан утарымашым,тӱняште илыше-влак пытарыме лийын огытыл. 19Ылыжыт Тыйын колышо-влакет,колышо кап-шамыч кынелыт!Мланде пуракыште кийыше-влак,помыжалтса да куанен кычкырыза!Вет Тыйын эр лупсет кечыйол деч йылгыжеш,да мланде пуа колышо-влакым.20Кай, мыйын калыкем, каныме верышкет пурода шке почешет петыре омсам!Тудын шыдыже эртымешке, шыл тый кӱчык жаплан.21Теве Господь шке илыме верже гыч лектеш,мландымбалне илыше-влакым осал пашаштлан мут кучаш шогалта.Шке ӱмбалныже йоктарыме вӱрым мланде чараш луктеш,пуштмо-влакым тетла ок шылте».
Institute for Bible Translation, Finland