Ис18
1«Ойго тыланет, Эфиопий эҥер-влак вес велне кийыше,чоргыктышо шулдыр йӱк дене темше мланде!2Тӧра-влакетым тый теҥыз дене колтет,вӱд дене колтет нуным омыж пушеш.Писе уверзе-влак, кайызакугу капан, пондашдыме калык деке,лишнат да тораштат лӱдмашым лукшо,виян да чыла сеҥен налше калык деке,кӧн мландыжым эҥер-влак пӱчкедат!3О те, тӱнямбалне улшо-влак,мландымбалне илыше-шамыч!Кунам курык ӱмбалне тисте нӧлталтеш, ончыза,кунам пуч пуалта, колыштса!4Тыге мыланем Господь каласен:”Шокшо игечын йолгыжшо волгыдо семын,уржа-сорла годсо тӱтыра семынМый шке илыме верем гыч шыпак ончаш тӱҥалам”.5Вет виноградым погымо деч ончыч,кунам тудо пеледын пыта да саска кӱаш тӱҥалеш,Господь укш-влакым кӱзӧ дене пӱчкеш,одар укшлам руэн кудалта.6Чылажат курыкласе сут кайыклан, ир янлыклан кодеш:кайык-влак тушто кеҥежым,а янлык-шамыч телым илаш тӱҥалыт.7Тиде жапыште Господь Саваофланкугу капан, пондашдыме калык деч –лишнат да тораштат лӱдмашым лукшо,виян да чыла сеҥен налше калык деч,кӧн мландыжым эҥер-влак пӱчкедат –Сион курыкыш, Господь Саваофын лӱмжын илыме верышкыже,пӧлекым кондат».
Institute for Bible Translation, Finland