Ос7
1Кунам Мый Израильым эмленам,Ефремын сулыкшо ден Самарийын осал пашаже-влак почылтыныт:еҥ-шамыч ондалкалат,вор-влак пӧртлашке пурат,агыше-влак уремлаште агат.2Чыла осал пашаштым Мый шарнем,тидын нерген нуно огыт шоно.Осал пашашт-влак нуным авырен шогат,нунышт эре Мыйын чурием ончылно улыт.3Осалым ыштен, нуно кугыжам веселаҥдат,шоякым ойлен, он-влакым куандарат.4Нуно чыланат улыт яжар,пеш чот олтымо коҥга гай –руашым нӧштылын, тудын оваргымешкыже,киндым пыштышылан тудым тетла олташ огеш кӱл.5Кугыжана лӱмеш пайремым ыштыме кечынон-влак йошкар аракам чот шокшештмешкышт йӱыт,а кугыжа шке кидшым мыскылаш йӧратыше-влак деке шуя.6Осал чоялыкышт дене нуношке шӱмыштым коҥга гайым ыштат:йӱдым нунын шыдышт нера,а эрдене ылыжше тул семын йӱла.7Нуно чот олтымо коҥга гай улытда шке судьяштым пытарат.Нунын кугыжашт сӱмырен кудалтыме улыт,нигӧ нунын кокла гыч Мый дечем полышым ок йод.8Ефрем вес калык-влак дене лугалтын,пел могырым кӱктымӧ кинде гай лийын.9Йот еҥ-влак вийжым пӧжгат, а тудо ок шеклане.Ӱпшӧ чалемын, а тудо тидын нерген ок пале.10Израильын кугешнымашыже шкенжын ваштарешыжак таныкла,но нуно садак Господь Юмышт дек огыт пӧртыл,Тудым огыт кычал.11Лийын Ефрем кӧгӧрчен гай –ушдымо да шонен моштыдымо:теве египтян-влакым ӱжешале полышлан Ассирийыш кая.12Кунам нуно каят, Мый ӱмбакышт вапшем кудалтем,пуйто кава гыч кайыкым, нуным волтен шуэм,погынымашыштышт шижтарыме семынакнуным мут кучаш шогалтем.13Ойго нунылан, вет Мый дечем кораҥыныт!Мучаш нунылан,вет Мыйын ваштарешем сулыкыш пуреныт!Мый нуным утаренам,а нуно Мыйын нерген шоякым ойленыт.14Уло шӱм-чон дене Мыйым ӱжмӧ олмешнуно кийыме верыштышт урмыжыныт.Кинде ден йошкар аракам налаш шонен, капыштым коркалат,а Мый декем нуно тупынь савырненыт.15Мый нунылан ушым пуртенам, вий-куатым пуэнам,а нуно Мыйын ваштареш осалым шоненыт.16Нуно полышым йодыт,но Чыла деч Кӱшылысӧ деч огыл –лийыныт нуно йӧрдымӧ пикшйоҥеж гай.Сӱрза шомакым ойлымыштланнунын оныштым керде пытара –Египет мландыште нуным воштылаш тӱҥалыт.
Institute for Bible Translation, Finland