Евр8
1Мемнан ойлымаштына тӱҥжӧ тиде: пылпомышто Чаплылыкын престолжын пурла могырышкыжо шичше Архиерейна уло.2Тудо святой верыште, чын скинийыште, служитла. Тиде скинийым айдеме огыл, а Господь шогалтен.3Кеч-могай архиерей пӧлекым да надырым пуаш шогалтыме лиеш, сандене мемнан Архиерейынат надырлан мом кондышашыже лийшаш.4Тудо мланде ӱмбалне лиеш ыле гын, иерейжат ок лий ыле, вет пӧлекым закон почеш кондышо иерей-влак Тудын деч поснат улыт.5Но нунын служитлымышт пылпомышысын сынже да ӱмылжӧ веле. Скинийым чоҥаш тӱҥалмыж годым Моисейлан каласыме улмаш: «Ончо, чылажымат курыкышто тыланет ончыктымо гайымак ыште». 6Мемнан Архиерейна – сайрак сӧрымашеш негызлалтше, шуко пачаш сайрак ойпидышын ходатайже, тидын дене келшышын, Тудын налме служитлыме пашажат утларак чапле.7Икымше ойпидыш ситыдымаш деч посна лиеш ыле гын, тугеже вес ойпидыш ок кӱл ыле.8Но Юмо шке калыкшым шылтала:«Теве кече-влак толыт, – ойла Господь, –Израиль тукым да Иуда тукым дене у ойпидышым ыштем,9тугай ойпидышым огыл, могайым Мый ача-кочашт дене ыштенам,кунам нуным, кидышт гыч кучен, Египет мланде гыч луктынам.Вет нуно Мыйын тудо ойпидышем шуктен огытыл,сандене нунын деч кораҥынам, – ойла Господь.10Теве нине кече-влак деч вараИзраиль тукым дене ыштышаш ойпидышем, – ойла Господь:Шкемын законем нунын ушышкышт пыштемда тудым шӱмешышт возем,Мый нунын Юмышт лиям,а нуно Мыйын калыкем лийыт.11Тунам лишылъеҥжым да иза-шольыжым,”Господьым пале” манын, нигӧ ок туныкто,вет изижат-кугужат чылан Мыйым палаш тӱҥалыт.12Мый нунын чын огылыштым кудалтем,языкыштым да закондымылыкыштым тетла ом шарналте». 13У ойпидыш нерген ойлымыж годым Юмо икымше ойпидышын тоштеммыжым ончыктен, а тоштемше да шӱкшемше – пытымаш деке лишыл.
Institute for Bible Translation, Finland