Евр2
1Ойырлен кораҥаш огыл манын, мом колынна, тудым поснак сайын шотыш налшаш улына.2Вет Суксо-влак гоч увертарыме шомакат пеҥгыде лийын, да кеч-могай титак, ойым колыштдымаш верч мутым чын кучыктымо.3Тугеже, тыгай кугу утарымашым огына шотло гын, кузе ме куржын утлен кертына? Тиде утарымашым эн ондак Господь увертарен, да Господьым колыштшо-влак тудым мыланна пеҥгыдемденыт.4Тиде утарымаш нерген Юмо Шкежат палдарыше пале ден ӧрыктарыше паша-влак дене, тӱрлӧ чудо дене, Святой Шӱлышым шке шонымыжо почеш пуэдыме дене таныклен.5Мемнан ойлымо ончыкылык сандалыкым Юмо Суксо-влакын кидышкышт огыл пуэн.6Мӧҥгешла, ала-кӧ Возымаште ала-кушто таныклен ойлен:«Мо тугай айдеме?А Тый тудым шарнет.Але айдеме эрге?А Тый тудын деке порын савырнет.7Тудым Суксо-влак деч изиш веле ӱлыкрак волтенат. Тый тудым чап да пагалымаш дене леведынат,кидет дене ыштыметын озажлан шогалтенат,8тудын йол йымакыже чыла пыштенат». Айдемын кидышкыже чыла пуымыж годым тудын кид йымакыже пуыде нимом коден огыл. А тудын кид йымакыже чыла пуымым ме кызыт але огына уж.9Но Суксо-влак деч изиш ӱлыкрак Волтымым, Иисусым, ме ынде колымашым чытымыжлан кӧра чап да пагалымаш дене леведмым ужына, вет Юмын порылыкшо дене Тудо чыла еҥ верч колышаш улмаш.10Шуко эргым чапыш кондаш манын, Юмылан – чылажат Тудлан да Тудын гоч – нуным утарымашке Наҥгайышым орланымаш гоч тичмашлыкыш шукташ кӱлын.11Вет Святитлышат, святитлыме-влакат – чыланат Икте дечын улыт. Сандене Святитлыше нуным иза-шольо манаш ок вожыл12да ойла:«Тыйын лӱметым иза-шольым-влаклан увертарем,черке погынымаште Тыйым моктен мурем». 13Да адак:«Мый Тудлан ӱшанен илаш тӱҥалам». Эше:«Теве Мый да Юмын Мыланем пуымо икшывем-влак».14Кузе икшыве-влак капан да вӱран улыт, тугак Тудат капан да вӱран лийын, вет Тудо колымаш вий кучышым, вес семынже диаволым, шке колымыж дене сеҥышаш15да колымаш деч лӱдмӧ дене ӱмыр мучко кул лийше-влакым чыланыштым эрыкыш лукшаш улмаш.16Вет Тудо, чынжымак, Суксо-влакым огыл, а Авраамын урлыкшым арален налеш.17Сандене, Юмылан ыштымаште чаманыше да ӱшанле Архиерей лияш да калыкым языкше деч эрыкташ манын, Тудо чыла шотыштат иза-шольыж-влак гай лийшаш улмаш.18Тудо Шкежат орлыкым да алгаштарен тергымым чытен, сандене алгаштарымашке логалше-влаклан полшен кертеш.
Institute for Bible Translation, Finland