Агг1
1Дарий кугыжан кокымшо ий вуйлатымыж годым кудымшо тылзын икымше кечынже пророк Аггей гоч Господьын шомакше Иудан кундемтӧраже Зоровавельлан, Салафиил эргылан, да кугу иерей Иисуслан, Иоседек эргылан, лийын:2«Господь Саваоф тыге ойла: тиде калык кутыра: ”Господьын пӧртшым олмыкташ жап эше шуын огыл”».3Вара Аггей пророк гоч Господьын тыгай шомакше лийын:4«А тыланда чапле пӧртлаште илаш жап шуын мо,кунам Мыйын пӧртем шаланыше шинча?5Сандене Господь Саваоф тыге ойла:шоналтыза шке илыш корныда нерген.6Те шуко ӱдеда, но шагал погеда;кочкыда, но ода тем;йӱыда, но йӱын огыда тем;чиеда, но ода ыре;ыштен налме пашадарда – рожын оксагалталан.7Тыге Господь Саваоф ойла:шоналтыза шке илыш корныда нерген.8Курыкыш кӱзыза, чодырам руэн кондыза да храмым чоҥыза,тудо Мылам келшаш тӱҥалеш,тудо Мыйын чапемлан лиеш, – ойла Господь. –9Те шуко вучеда, но лектеш шагал,мом мӧҥгышкыда кондеда – Мый пуалтен колтем.Молан? – ойла Господь Саваоф. –Мыйын пӧртемлан кӧра, кудыжо шаланыше шинча.Вет те кажныже лач шке пӧртда нерген азапланеда.10Сандене кава тыланда лупсым ок колто,мландат шке лектышыжым ок пу.11Мланде ден курыкла ӱмбаке,шурно, виноград, олив ӱй – мландын чыла саскаже – ӱмбаке,айдеме, вольык да чыла кид паша ӱмбакеМый кукшо пагытым ӱжынам».12Зоровавель, Салафиил эрге, кугу иерей Иисус, Иоседек эрге, да калыкын утаралт кодшо еҥже-влак шке Господь Юмыштын шомакшым да Аггей пророкын ойлымыжым колыштыныт. Вет тудым Господь Юмышт колтен, да калык Господь деч лӱдын.13Тунам пророк Аггей, Господьын уверзыже, калыклан Тудын шомакшым увертарен: «Мый тендан дене улам, – ойла Господь».14Господь Зоровавельын, Салафиил эргын, Иудан кундемтӧражын, тыгак кугу иерей Иисусын, Иоседек эргын, да утаралт кодшо калыкын шӱм-чоныштым тарватен. Нуно толыныт да шке Господь Саваоф Юмыштын пӧртыштыжӧ олмыктымо пашам тӱҥалыныт.15Тиде Дарий кугыжан кокымшо ий вуйлатымыж годым кудымшо тылзын коло нылымше кечынже лийын.
Institute for Bible Translation, Finland