Тӱҥ42
1Иаков Египетыште кинде улмо нерген пален налын да эргыже-влаклан каласен: «Мом те вучен шинчеда?»2Да ойжым шуен: «Мый колынам: Египетыште кинде уло. Тушко кайыза да, мыланна шужен колаш огыл манын, шурным налын кондыза».3Иосифын лу изаже Египетыш кинде налаш каен,4но Вениаминым, Иосифын шольыжым, изашт дене пырля Иаков колтен огыл. Вениамин дене иктаж-могай азап лийме деч тудо лӱдын.5Ханаан мландыште шужымаш лийынат, Израиль эрге-влак моло дене пырля Египет мландыш шурно налаш каеныт.6Иосиф тиде мландыште кугу тӧра лийын, чыла мландысе калыклан шурным тудак ужален. Иосифын изаже-влакат толыныт да вуйыштым тудын ончылно мланде марте савеныт.7Иосиф, изаж-влакым ужмеке, нуным пален. Но шкенжым йот еҥла кучен да нунын дене йӱштын кутырен. Тудо йодын: «Кушеч те улыда?» Нунышт вашештеныт: «Ханаан мланде гыч, кочкышым налаш толынна».8Иосиф изаже-влакым пален, но нунышт тудым пален огытыл.9Иосиф изаж-влак нерген тудлан кончышо омо-влакшым шарналтен. Нунылан каласен: «Те шолып ончаш толшо улыда, мемнан мландыште начарын аралыме верлам пален налаш толында».10Нунышт вашештеныт: «Уке, озана, ме, тыйын тарзет-влак, кочкышым налаш толынна.11Ме чыланат ик еҥын шочшышт улына. Мемнан шонымашна яндар. Ме, тыйын тарзет-влак, нигунамат шолып ончаш толшо лийын огынал».12Тудо уэш каласен: «Уке, те тышке мемнан мландыште начарын аралыме верлам пален налаш толында!»13Нуно маныныт: «Ме, тыйын тарзет-влак, латкок изак-шоляк улына. Ме Ханаан мландысе ик еҥын эргыже-влак улына. Изирак шольына ачана дене кодын, а иктыже уке лийын».14Иосиф каласен: «Мыйын ойлымем семынак лектеш: те шолып ончен коштшо улыда!15Но те чын улыда але уке – ме тергена. Фараонын илышыж дене товатлем: тендан шольыда тышке ок тол гын, те тышеч огыда лек.16Шкендан кокла гыч иктыжым колтыза, тек тудо шольыдам конда. А молышт петырымаште лийыт. Тунам пале лиеш: чыным ойледа але уке. А уке гын, фараонын илышыже дене товатлем: те шолып ончен коштшо улыда».17Иосиф нуным казаматышке кум кечылан колтен.18Кумшо кечын Иосиф нунылан каласен: «Мый Юмо деч лӱдам. Сандене, илыше кодаш манын, теве мом ыштыза.19Ондалкалыше огыдал гын, тендан кокла гыч иктыже тек тыштак казаматыште кодеш. А молыжо кайыза, киндым наҥгайыза, вет ешда шужен шинча.20Изирак шольыдам мый декем кондыза. Тунам тендан ойлымыда чыныш лектеш, да те огыда коло».
Нуно тыгак ыштеныт21да шке коклаштышт кутыреныт: «Чынак, тунам шольына дене тыге ыштымына верч ме кызыт вашмутым кучена. Ме тудын чонжо орланымым ужынна, тудо мемнам сӧрвален, но ме тудым колыштын огынал. Садланак ме тиде орлыкыш логалынна».22Рувим нунылан каласен: «Рвезылан осалым ида ыште манын, мый тыланда шым ойло мо? Но те мыйым ышда колышт. Ынде тудын колымыжлан верч ме азапыш логалынна».23Нунын ойлымыштым Иосиф умыла манын, изашт-влак пален огытыл, вет нуно тудын дене кусарыше гоч ойленыт.24Иосиф нунын деч лектын да шортын колтен. Изиш лиймеке, мӧҥгеш пӧртылын, нунын дене мутланен, изак-шоляк-влак кокла гыч Симеоным ойырен налын да молышт ончылнак тудым пидаш кӱштен.25Тудо изаж-влакын мешакыштым шурно дене темаш, кажныжын ший оксажым шке мешакышкышт пышташ да корнылан кочкыш шапашым пуаш кӱштен. Тыгак ыштеныт.26Изак-шоляк-влак, шурно мешакыштым осёл тупышко пыштен, корнышко тарванен каеныт.27Йӱдлан шогалме годым иктыже, осёлжылан кургым пуаш манын, мешакшым почын да мешак аҥыште шке шийжым ужын.28Тудо шке иза-шольыж-влаклан каласен: «Мыйын шием пӧртылтымӧ! Теве тудо мыйын мешакыштем». Нунын шӱмышт пырткаш тӱҥалын да икте-весышт деч чытырен йодыныт: «Мом мемнан дене Юмо ыштен?»29Изак-шоляк-влак Ханаан мландышке шке Иаков ачашт деке пӧртылыныт да нунын дене мо лиймым чыла каласкаленыт:30«Тудо мландын тӧраже мемнан дене йӱштын кутырен да мемнам нунын мландыштым ончен коштшылан шотлен.31Тудлан каласышна: ”Ме яндар шонымашан улына, ончен коштшо огынал.32Ме латкок изак-шоляк улына, ик ачан эргышт, иктыже уке лийын, а эн изиже кызыт ачана дене Ханаан мландыште кодын”.33Тудо мландын тӧраже мыланна каласен: ”Яндар шонымашан улмыдам мый теве кузе пален налам: шкендан кокла гыч иктыжым тышан кодыза, а молышт тек киндым шужен шинчыше ешышт дек наҥгаят.34Да вес гана толмыда годым мый декем эн изи шольыдам кондыза. Тунам мый мландым ончаш огыл, а яндар шонымаш дене толмыда нерген пален налам да изадам мӧҥгеш пӧртылтем. Тунам те тиде мланде мучко шонымыда семын коштын да торгаен кертыда”».35Кунам нуно шке мешакыштым ястараш тӱҥалыныт, кажныже мешак аҥыште шке шийжым ужын. Шийым пыштыме калтам ужмеке, ача ден эргыж-влак пеш чот лӱдыныт.36Иаков эргыже-влаклан каласен: «Те мыйым йочам-влак деч посна кодеда: Иосиф уке, Симеонат уке, а ынде Вениаминым налнеда. Чыла тидым мылам чыташ логалеш!»37Рувим ачажлан каласен: «Мый Вениаминым тый декет мӧҥгеш ом кондо гын, мыйын кок эргым пуштын сеҥет. Мыланем ӱшанен кучыкто, мый тудым тый декет пӧртылтем».38Ачаже манын: «Эргым тендан дене ок кае. Тудын изаже колен, да тудо шкетын кодын. Коштмо корныштыда тудын дене иктаж-могай азап лиеш гын, те мыйын чал вуем ойгылан кӧра вес тӱняшке колтеда».
Нуно тыгак ыштеныт21да шке коклаштышт кутыреныт: «Чынак, тунам шольына дене тыге ыштымына верч ме кызыт вашмутым кучена. Ме тудын чонжо орланымым ужынна, тудо мемнам сӧрвален, но ме тудым колыштын огынал. Садланак ме тиде орлыкыш логалынна».22Рувим нунылан каласен: «Рвезылан осалым ида ыште манын, мый тыланда шым ойло мо? Но те мыйым ышда колышт. Ынде тудын колымыжлан верч ме азапыш логалынна».23Нунын ойлымыштым Иосиф умыла манын, изашт-влак пален огытыл, вет нуно тудын дене кусарыше гоч ойленыт.24Иосиф нунын деч лектын да шортын колтен. Изиш лиймеке, мӧҥгеш пӧртылын, нунын дене мутланен, изак-шоляк-влак кокла гыч Симеоным ойырен налын да молышт ончылнак тудым пидаш кӱштен.25Тудо изаж-влакын мешакыштым шурно дене темаш, кажныжын ший оксажым шке мешакышкышт пышташ да корнылан кочкыш шапашым пуаш кӱштен. Тыгак ыштеныт.26Изак-шоляк-влак, шурно мешакыштым осёл тупышко пыштен, корнышко тарванен каеныт.27Йӱдлан шогалме годым иктыже, осёлжылан кургым пуаш манын, мешакшым почын да мешак аҥыште шке шийжым ужын.28Тудо шке иза-шольыж-влаклан каласен: «Мыйын шием пӧртылтымӧ! Теве тудо мыйын мешакыштем». Нунын шӱмышт пырткаш тӱҥалын да икте-весышт деч чытырен йодыныт: «Мом мемнан дене Юмо ыштен?»29Изак-шоляк-влак Ханаан мландышке шке Иаков ачашт деке пӧртылыныт да нунын дене мо лиймым чыла каласкаленыт:30«Тудо мландын тӧраже мемнан дене йӱштын кутырен да мемнам нунын мландыштым ончен коштшылан шотлен.31Тудлан каласышна: ”Ме яндар шонымашан улына, ончен коштшо огынал.32Ме латкок изак-шоляк улына, ик ачан эргышт, иктыже уке лийын, а эн изиже кызыт ачана дене Ханаан мландыште кодын”.33Тудо мландын тӧраже мыланна каласен: ”Яндар шонымашан улмыдам мый теве кузе пален налам: шкендан кокла гыч иктыжым тышан кодыза, а молышт тек киндым шужен шинчыше ешышт дек наҥгаят.34Да вес гана толмыда годым мый декем эн изи шольыдам кондыза. Тунам мый мландым ончаш огыл, а яндар шонымаш дене толмыда нерген пален налам да изадам мӧҥгеш пӧртылтем. Тунам те тиде мланде мучко шонымыда семын коштын да торгаен кертыда”».35Кунам нуно шке мешакыштым ястараш тӱҥалыныт, кажныже мешак аҥыште шке шийжым ужын. Шийым пыштыме калтам ужмеке, ача ден эргыж-влак пеш чот лӱдыныт.36Иаков эргыже-влаклан каласен: «Те мыйым йочам-влак деч посна кодеда: Иосиф уке, Симеонат уке, а ынде Вениаминым налнеда. Чыла тидым мылам чыташ логалеш!»37Рувим ачажлан каласен: «Мый Вениаминым тый декет мӧҥгеш ом кондо гын, мыйын кок эргым пуштын сеҥет. Мыланем ӱшанен кучыкто, мый тудым тый декет пӧртылтем».38Ачаже манын: «Эргым тендан дене ок кае. Тудын изаже колен, да тудо шкетын кодын. Коштмо корныштыда тудын дене иктаж-могай азап лиеш гын, те мыйын чал вуем ойгылан кӧра вес тӱняшке колтеда».
Institute for Bible Translation, Finland