Тӱҥ11
1Пӱтынь мландымбалне еҥ-влак ик йылме дене, икгай мут-влак дене кутыреныт.2Эрвел гыч куснен толшыштла, нуно Сеннаар мландыште тӧр верым муыныт да тушто илаш тӱҥалыныт.3Нуно икте-весыштлан каласеныт: «Кермычым ыштена да тулеш шуарена». Кӱ олмеш нунын кермыч лийын, а известка олмеш – мланде киш.4Нуно каласеныт: «Пӱтынь мланде мучко шаланен пыташ огыл манын, шкаланна олам да кава деке шушо башньым чоҥена, шкенан лӱмнам чапландарена».5Господь еҥ-влакын чоҥымо ола ден башньыштым ончалаш волен.6Тудо каласен: «Теве ик калык, чылаштынат йылмышт икте. Мом ыштеныт – тиде тӱҥалтыш веле. Ынде нуно чыла шонымыштым шуктен кертыт.7Нунын деке волена да йылмыштым лугена, икте-весыштын ойлымыштым ынышт умыло».8Господь нуным тушеч пӱтынь мланде мучко шалатен колтен, да нуно ола [ден башньым] чоҥымыштым чарненыт.9Сандене тиде олалан Вавилон лӱмым пуымо, вет Господь тыште пӱтынь мландымбалысе йылмым луген да тышечын еҥ-влакым мланде мучко шалатен колтен.10Теве Симын тукымжо: вӱд ташлымаш деч вара кок ий гыч, кунам Сим шӱдӧ ияш лийын, туддеч Арфаксад шочын.11Арфаксадын шочмыж деч вара Сим вичшӱдӧ ийым илен, туддеч эрге ден ӱдыр-влак шочыныт, [вара колен].12Арфаксадын кумло вич [135] ийым илымекше, туддеч [Каинан шочын. Каинанын шочмыж деч вара Арфаксад кумшӱдӧ кумло ийым илен, туддеч эрге ден ӱдыр-влак шочыныт, вара колен. Каинанын шӱдӧ кумло ийым илымекше, туддеч] Сала шочын.13Салан шочмыж деч вара Арфаксад [Каинан] нылшӱдӧ кум [330] ийым илен, туддеч эрге ден ӱдыр-влак шочыныт, [вара колен].14Салан кумло [130] ийым илымекше, туддеч Евер шочын.15Еверын шочмыж деч вара Сала нылшӱдӧ кум [330] ийым илен, туддеч эрге ден ӱдыр-влак шочыныт, [вара колен].16Еверын кумло ныл [134] ийым илымекше, туддеч Фалек шочын.17Фалекын шочмыж деч вара Евер нылшӱдӧ кумло [370] ийым илен, туддеч эрге ден ӱдыр-влак шочыныт, [вара колен].18Фалекын кумло [130] ийым илымекше, туддеч Рагав шочын.19Рагавын шочмыж деч вара Фалек кокшӱдӧ индеш ийым илен, туддеч эрге ден ӱдыр-влак шочыныт, [вара колен].20Рагавын кумло кок [132] ийым илымекше, туддеч Серух шочын.21Серухын шочмыж деч вара Рагав кокшӱдӧ шым ийым илен, туддеч эрге ден ӱдыр-влак шочыныт, [вара колен].22Серухын кумло [130] ийым илымекше, туддеч Нахор шочын.23Нахорын шочмыж деч вара Серух кокшӱдӧ ийым илен, туддеч эрге ден ӱдыр-влак шочыныт, [вара колен].24Нахорын коло индеш [79] ийым илымекше, туддеч Фарра шочын.25Фарран шочмыж деч вара Нахор шӱдӧ латиндеш [129] ийым илен, туддеч эрге ден ӱдыр-влак шочыныт, [вара колен].26Фарран шымле ийым илымекше, туддеч Аврам, Нахор да Аран шочыныт.27Теве Фарран тукымжо: Фарра деч Аврам, Нахор да Аран шочыныт, Аран деч Лот шочын.28Аранже эше Фарра ачаже илыме годымак шочмо мландешыже, Халдейысе Ур олаш, колен.29Аврам ден Нахор ӱдырым налыныт. Аврамын ватыжын лӱмжӧ Сара, Нахорын ватыжын лӱмжӧ Милка лийын, Милка Аранын ӱдыржӧ улмаш. Аранже Милка ден Искан ачашт лийын.30Сара азам ыштен кертын огыл да йочадыме лийын.31Фарра Аврам эргыжым, Аран эргыж деч шочшо Лот уныкажым да Сара шешкыжым, Аврамын ватыжым, налын да нунын дене пырля Ханаан мландышке каяшлан Халдейысе Ур гыч лектын. Но, Харранышке миен шумеке, нуно тушан верланеныт.32Фарра [Харран мландыште] кокшӱдӧ вич ийым илен да ты мландешак колен.
Institute for Bible Translation, Finland