Гал2
1Вара, латныл ий эртымеке, мый Варнава дене пырля уэш Иерусалимыш миенам, пеленем Титымат налынам.2А каенамже Юмын почын ончыктымыжлан кӧра. Мыйын ончычсо да кызытсе тыршымем арам ынже лий манын, вес калык-влаклан мыйын каласкалыме Поро Уверым тысе-влаклан умылтаренам, вуйлатышылан шотлалтше-влаклан посна каласкаленам.3Но нуно мый денем пырля мийыше эллин Титымат пӱчмӧ йӱлам эрташ ӧкымлен огытыл.4Туге гынат Христос Иисусын мыланна пуымо эрыкшым палаш шолып толшо, ӱшанышыла кояш тӧчышӧ шояк еҥ-влак, мемнам кулыш савыраш манын, коклашкына йышт пуреныт.5Тендан коклаште Поро Уверын чынже аралалтше манын, ме нунын ончылно ик шагатланат чакнен да вуйым пуэн огынал.6А кӧ вуйлатышылан шотлалтын – могай гына нуно ынышт лий, мылам нимогай ойыртем уке, Юмо чылан ӱмбак ик семын онча – нине вуйлатышылан шотлалтше-влак мыланем туныктымашке нимом ешарен огытыл.7Мӧҥгешла, нуно ужыныт: кузе Поро Уверым пӱчман-влак коклаште каласкалаш Петрлан ӱшаныме, тугак пӱчдымӧ-влаклан тудым каласкалаш мылам ӱшаныме.8Петрым пӱчман-влакын Апостолжым Ыштышак мыйымат вес калык-влаклан Апостолым ыштен. 9Юмо порылыкшо дене мылам могай пашам пуымым умылымекышт, пеҥгыде эҥертышлан шотлалтше Иаков, Кифа да Иоанн мылам да Варнавалан, кидым пуэн, паша кыл ыштымым палемденыт: ме вес калык-влак деке кайышаш улына, нуно – пӱчман-влак деке.10Йорло-влакым гына шарнышаш улына, тидыжым мый ышташ тыршенам.11А кунам Петр Антиохийыш толын, мый чылан ончылно тудын ваштареш шогалынам, вет тудо титакан лийын.12Молан манаш гын еҥ-влакын Иаков деч толмышт деч ончыч тудо ӱшанаш тӱҥалше вес калык еҥ-влак дене пырля кочкын, а нине еҥ толмеке, пӱчмӧ йӱла верч шогышо-влак деч лӱдынат, вес калык гыч улшо-влак деч кораҥ кошташ тӱҥалын.13Тудын дене пырля моло иудей-влакат шояк койышым койыныт, Варнават нунын койышышкышт ушнен.14Поро Уверын чын корныж гыч нунын кораҥмыштым ужмекем, мый чылан ончылно Петрлан каласенам: «Тый, иудей, шкеже иудейла огыл, а вес калык семын илет гын, молан вес калык гыч улшо еҥ-влакым иудей семын илаш ӧкымлет?»15Ме шочынак иудей улына, а языкан вес калык кокла гыч огыл.16Туге гынат ме палена: айдеме законым шуктымо дене огыл чыныш лукталтеш, а Иисус Христослан ӱшаныме дене веле. Сандене, законым шуктымо дене огыл, а Христослан ӱшаныме дене чыныш лекташ манын, меат Христос Иисуслан ӱшаненна, вет законым шукташ тыршыме дене ик еҥат чыныш ок лукталт.17Но мемнанат, Христос гоч чыныш лекташ шонышо-влакын, языкан улмына рашемын гын, тугеже Христос языкын служитлышыже мо вара? Уке!18Мом мый шалатенам, тудым угыч чоҥем гын, мый шкемым шке закон пудыртышо семын ончыктем.19Юмылан илаш манын, закон гоч мый законлан коленам. Мый Христос дене пырля ыресеш пудалалтынам,20да ынде мый огыл илем, а, мый денем ушнен, Христос ила. А кызыт капыште илымем годым мыйым йӧратыше да мыйын верч Шкенжым пуышо Юмын Эргылан ӱшанен илем.21Юмын порылыкшым ом кораҥде: айдеме закон гоч чыныш лукталтеш гын, Христос арам колен.
Institute for Bible Translation, Finland