Лекм26
1Скинийлан лу куэмым ыште. Нуно чапле йытын шӱртӧ да шемалге-канде, шемалге-йошкар да йошкар меж шӱртӧ дене куымо лийышт. Тушто устан тӱрлымӧ херувим-влак лийшаш улыт.2Кажне куэмын кутышыжо коло кандаш кынергут, а лопкытшо ныл кынергут лийже. Куэм-влакын кугытышт икгай лийышт.3Вич куэм ваш ушымо лийышт, тыгак вес визытшат ваш ушымо лийшаш улыт.4Ушымо икымше куэм тӱреш шемалге-канде тӱсан оҥго-влакым ыште, ушымо кокымшо куэм тӱрешат тыгак ыште. Оҥго-влак ты кок куэмым ваш-ваш ушымо верыште лийышт.5Витле оҥгым ушымо ик куэмыште да витле оҥгым вес ушымо куэмыште ыште. Оҥго-влак кок ужашым ушышо кок тӱрыштӧ икте-весышт ваштареш лийшаш улыт.6Витле шӧртньӧ руалтышым ыште да руалтыш дене куэм-влакым икте-весыж деке ушо. Тыге скиний ик тичмаш лиеш.7Скинийым леведаш каза пун дене латик леведышым ыште.8Ик леведышын кутышыжо кумло кынергут, а лопкытшо ныл кынергут лийже. Чыла латик леведыш икгай лийышт.9Вич леведышым посна ушо, тыгак вес кудытым посна ушо. Кудымшо леведышыжым скинийын ончыл могырешыже пелыгыч тодыл саке.10Ушымо ик леведышын тӱрешыже, вес леведыш дене ушымо верыште, витле оҥгым ыште. Тыгак вес леведыш тӱрешат ушымо верыште витле оҥгым ыште.11Той дене витле руалтышым ыште, нуным оҥгылашке чыке да леведышым пырля ушо – тек ик тичмаш леведыш лиеш.12Леведыш деч утен кодшо пел ужаш тек скинийын шеҥгел могырыштыжо кеча.13А леведыш кутыш деч утыжо – ик могыр гыч ик кынергут да вес могыр гыч ик кынергут – тек скинийым кок могыр гычат леведын кеча.14Скинийлан тыгак йошкар тӱсан тага коваште дене ыштыме ӱмбал леведышым да тудым леведаш чапле вичкыж коваште дене эше вес леведышым ыште.15Скинийлан акаций гыч брус-влакым ыште.16Нунын кутышышт лу кынергут, лопкытышт ик кынергутат пеле лийышт.17Кажне брус [мучаште] кок сарт икте-весышт воктене лийшаш улыт. Скинийын чыла брусшо дене тыгак ыште.18Скинийын кечывалвел могыржылан коло тыгай брусым ыште,19нунылан – нылле ший негызым. Кажне брус йымаке тудын кок сартшылан кок негызым ыште.20Тыгак скинийын вес – йӱдвел – могыржыланат коло брусым ямдыле.21Нунылан нылле ший негызым ыште – кажне брус йымаке [тудын кок сартшылан] кок негыз дене.22Скинийын шеҥгел – касвел – могыржылан куд брусым ыште23да эше кок брусым – тудын кок лукшылан.24Нуно ӱлнӧ ушымо лийышт, а кӱшнӧ ик колча дене ушалтшаш улыт. Тек лукысо кок брусат икгай лийыт.25Тыге чылаже кандаш брус да нунылан латкуд ший негыз лиеш – кажне брус йымаке [тудын кок сартшылан] кок негыз дене.26Акаций дене варам ыште: вич варам – скинийын ик могырысо брус-влаклан,27вич варам – вес могырысо брус-влаклан да вич варам – шеҥгел, касвел могырысо брус-влаклан.28А покшел вара скинийын ик мучаш гычше вес мучашке брус-влак покшечын эрташ тӱҥалеш.29Брус-влакым шӧртньӧ дене комыжло, варам чыкаш колча-влакымат шӧртньӧ дене ыште, вара-влакымат шӧртньӧ дене комыжло.30Скинийым тыланет курыкышто ончыктымо гайымак шогалте.31Пӱрдышым шемалге-канде, шемалге-йошкар, йошкар меж да чапле йытын шӱртӧ дене ыште, тушто устан тӱрлымӧ херувим-влак лийышт.32Тудым шӧртньӧ дене комыжлымо ныл акаций меҥгыш саке. Меҥге-влак ныл ший негыз ӱмбалне шогышо да шӧртньӧ руалтышан лийшаш улыт.33Пӱрдышым руалтышлаш пижыктен саке да шеҥгекыже ойпидыш шондыкым шынде. Тиде пӱрдыш святой дечат святой пӧлем ончылно кечаш тӱҥалеш, тыланда ты пӧлемым святой вер деч ойыра.34Святой дечат святой пӧлемыште ойпидыш шондык ӱмбак комдышыжым пыште.35Пӱрдышын тӱжвал могырыштыжо ӱстелым, ӱстел ваштареш [скинийын] кечывал велныже светильникым шынде. А ӱстелже йӱдвелныла шогыжо.36Скинийыш пурымо верым петыраш шемалге-канде, шемалге-йошкар, йошкар меж да чапле йытын шӱртӧ дене тӱрлыман пӱрдышым ыште.37Тиде пӱрдышлан акаций дене вич меҥгым ыште, нуным шӧртньӧ дене комыжло, нунылан шӧртньӧ руалтыш-влакым ямдыле да вич той негызым велен ыште.
Institute for Bible Translation, Finland