Лекм24
1Господь Моисейлан каласен: «Тый, Аарон, Надав, Авиуд да Израильын шымле кугуракышт Мый декем курыкыш кӱзыза да тора гыч [Мыйын ончылно] вуйдам савыза.2Тый дечет моло Мый декем нигӧ ынже лишем, а калык гын курыкышкат ынже кӱзӧ».3Моисей пӧртылын да калыклан Господьын чыла мутшо ден чыла законжым каласен. Калык ик йӱк дене вашештен: «Мом Господь ойлен – чыла ыштена, [ме мут колыштшо лийына]».4Моисей Господьын каласыме чыла шомакшым возен.
Эрдене эр кынелын, курыкйол воктене жертвенникым ыштен да Израильын латкок тукымжо чот почеш латкок кугу кӱм шогалтен.5Вара Моисей израиль эрге-влак кокла гыч икмыняр самырык пӧръеҥым колтен, да нунышт Господь [Юмылан] йӱлалтен пуымо надырым конденыт да татулык надыр шотеш самырык ӱшкыж-влакым шӱшкылыныт.6Моисей пел вӱрым кӱмыжлашке опталын, а вес пелыжым жертвенник ӱмбак шыжыктен.7Ойпидыш книгам налын да калыклан йӱкын лудын. Нуно каласеныт: «Мом Господь ойлен – чыла ыштена, ме мут колыштшо лийына».8Моисей вӱрым налын да калык ӱмбак шыжыктен, тыге ойлен: «Теве ойпидышын вӱржӧ, тиде ойпидышым Господь тендан дене чыла каласыме шомакшылан келшышын ыштен».9Вара Моисей ден Аарон, Надав, Авиуд да Израильын шымле кугуракышт курыкыш кӱзеныт.10Нуно тушто Израиль Юмын [шогымо вержым] ужыныт. Тудын йол йымалныже пуйто сапфир кӱм шарыман вер, кава гай яндар, лийын.11Ойырен налме Израиль эрге-влак ӱмбак Господь кидшым нӧлталын огыл. Нуно Юмын [вержым] ужыныт да туштак кочкын-йӱыныт.12Господь Моисейлан каласен: «Мый декем курыкыш кӱзӧ да тушто лий. Мый тыланет кӱоҥам, закон ден кӱштымаш-влакым пуэм. Нуным Мый калыкым туныкташ возенам».13Моисей шке Иисус полышкалышыже дене пырля кынелыныт да Юмын курыкыш каяш тарваненыт.14Моисей Израильын кугуракыштлан каласен коден: «Мемнан пӧртылмешке те тыштак лийза. Аарон ден Хур тендан дене лийыт. Иктаж-кӧн ӱчашымашым лукшо пашаже лектеш гын, тек тудо нунын деке йодын мия».15Моисей курыкыш кӱзен, да курыкым пыл ора леведын.16Синай курык ӱмбаке Господьын чапше волен. Пыл ора курыкым куд кече леведын, а шымше кечын Господь пыл кокла гыч Моисейым ӱжын.17Курык вуйышто Господьын чапше Израиль эрге-влакын шинча ончылнышт чыла пытарыше тул семын койын.18Моисей пыл коклаш пурен да курык вуйыш кӱзен. Тушто тудо нылле кече да нылле йӱд лийын.
Эрдене эр кынелын, курыкйол воктене жертвенникым ыштен да Израильын латкок тукымжо чот почеш латкок кугу кӱм шогалтен.5Вара Моисей израиль эрге-влак кокла гыч икмыняр самырык пӧръеҥым колтен, да нунышт Господь [Юмылан] йӱлалтен пуымо надырым конденыт да татулык надыр шотеш самырык ӱшкыж-влакым шӱшкылыныт.6Моисей пел вӱрым кӱмыжлашке опталын, а вес пелыжым жертвенник ӱмбак шыжыктен.7Ойпидыш книгам налын да калыклан йӱкын лудын. Нуно каласеныт: «Мом Господь ойлен – чыла ыштена, ме мут колыштшо лийына».8Моисей вӱрым налын да калык ӱмбак шыжыктен, тыге ойлен: «Теве ойпидышын вӱржӧ, тиде ойпидышым Господь тендан дене чыла каласыме шомакшылан келшышын ыштен».9Вара Моисей ден Аарон, Надав, Авиуд да Израильын шымле кугуракышт курыкыш кӱзеныт.10Нуно тушто Израиль Юмын [шогымо вержым] ужыныт. Тудын йол йымалныже пуйто сапфир кӱм шарыман вер, кава гай яндар, лийын.11Ойырен налме Израиль эрге-влак ӱмбак Господь кидшым нӧлталын огыл. Нуно Юмын [вержым] ужыныт да туштак кочкын-йӱыныт.12Господь Моисейлан каласен: «Мый декем курыкыш кӱзӧ да тушто лий. Мый тыланет кӱоҥам, закон ден кӱштымаш-влакым пуэм. Нуным Мый калыкым туныкташ возенам».13Моисей шке Иисус полышкалышыже дене пырля кынелыныт да Юмын курыкыш каяш тарваненыт.14Моисей Израильын кугуракыштлан каласен коден: «Мемнан пӧртылмешке те тыштак лийза. Аарон ден Хур тендан дене лийыт. Иктаж-кӧн ӱчашымашым лукшо пашаже лектеш гын, тек тудо нунын деке йодын мия».15Моисей курыкыш кӱзен, да курыкым пыл ора леведын.16Синай курык ӱмбаке Господьын чапше волен. Пыл ора курыкым куд кече леведын, а шымше кечын Господь пыл кокла гыч Моисейым ӱжын.17Курык вуйышто Господьын чапше Израиль эрге-влакын шинча ончылнышт чыла пытарыше тул семын койын.18Моисей пыл коклаш пурен да курык вуйыш кӱзен. Тушто тудо нылле кече да нылле йӱд лийын.
Institute for Bible Translation, Finland