Эккл5
1Иктаж-мом ойлымет деч ончыч шоналте,Юмо ончылно мутым пелешташ ит вашке.Юмо каваште, а тый мландымбалне улат,сандене каласышаш шомакет шуко ынже лий.2Вет шуко тыршыме годым тургыж омо-влак кончат,кушто шуко шомак – тушто ушдымо ойла.3Кунам Юмылан сӧрымашым пуэт,тудым шукташ жапым ит шуйкале.Ушдымо-влак Тудлан огыт келше:мом сӧренат, тудым шукто.4Сӧрымым шуктыде кодымеш,лучо сӧрашыжат огыл.5Ит пу йылметлан тыйым сулыкыш пурташ,[Юмын] уверзыже ончылно тыге ит ойло:«Мыйын сӧрымем йоҥылыш лийын».Молан шомакет дене Юмым шыдештараш?Тунам Тудо чыла мом ыштыметым шалата.6Вет шуко омым ужмаште, шуко шомакыштат – шуко кӱлдымаш,но тый Юмо деч лӱд.7Иктаж-могай кундемыште йорлым шыгыремдымым, чындымылык ден чын огыл судым ужат гын, тидлан ит ӧр: ик вуйлатыше ӱмбалне вес вуйлатыше уло, а тудын ӱмбалне – эше кугурак.8Но элыште шке мландыж верч тыршыше кугыжа уло гын, тиде сайрак.9Кӧ оксам йӧрата, тудлан окса эре шагалла чучеш,кӧ поянлыкым йӧрата – налме парышыже эре изила чучеш.Тидат – арам!10Кунам пого шукемеш,шукемыт тудым кучылтшо-влакат.Могай пайда тудын озажлан –лач погыжым ончаш мо?11Шуко але шагал кочкын пашаеҥ –садак тамле омо дене мала,а поян еҥ шуко погыжлан кӧра мален ок керт.12Кугу орлыкым мый кече йымалне ужынам: айдемын поянлыкше тудлан зияным конда.13Вучыдымо азаплан кӧра йомдара поянлыкшым – кунам эргыже шочеш, тудыжын ниможат ок лий.14Ава мӱшкыр гыч тудо чара лектын, ош тӱняшке могай толын – тыгаяк кая. Шке пашаж деч тудо мом налын, пеленже нимомат ок наҥгай.15Тиде – кугу орлык: могай тудо толын, тугаяк кая. Чыла тыршымыже мардежыш кая гын, тудлан могай пайда?16Илыме чыла кечылаштыже тудо пычкемыште кочкеш, кугун тургыжланен, ойгырен да йӧсланен ила.17Вара мый умылышым, мо айдемылан сай да ямле: тиде – Юмын тудлан пуымо чыла кечылаште кочкаш, йӱаш да кече йымалне ыштыме чыла пашаж деч куаным налаш, вет тудлан тыге пӱралтын.18Айдемылан Юмо поянлык ден погым пуа, тидым кучылт илаш, тидын деч шке ужашым налаш йӧным ышта да ыштыме пашаж деч куаным пуа гын, тиде – Юмо деч пӧлек.19Тыгай айдеме илыме кечыж-влак нерген шуко ок шонкале, вет Юмо тудын шӱмжым куан дене тема.
Institute for Bible Translation, Finland