Дан12
1Тиде жапыште кугу он Михаил, тыйын калыкетым аралыше, шогалеш. Тунам пеш неле жап лиеш, тыгайже калыкет шочмо жап гыч тачысе жап марте лийынжат огыл. Тыйын калыкет гыч кӧн лӱмжым книгаште возымо, нуно тиде жапыште утарыме лийыт.2Рок йымалне малыше-влак кокла гыч шукышт помыжалтыт: иктышт – курымашлык илышлан, весышт – мыскылалтмаш ден курымашлык вожылмашлан.3Ушан-влак кавасе кечыйол семын, шуко еҥым чын корныш шогалтыше-шамыч шӱдыр-влак семын йолгаш тӱҥалыт, эрелан, курымешлан!4Но тый, Даниил, нине шомакым шылте да тиде книгам пытартыш жап марте печать дене петыре. Тунам шукын тунемаш тӱҥалыт, да шинчымаш шукемеш”.5Тунам мый, Даниил, ончалынам да ужынам: теве эше коктын шогат, иктыже – эҥерын тиде серыштыже, весыже – вес серыште.6Нунын кокла гыч иктыже эҥер ӱмбалне шогышо да йытын вургемым чийыше пӧръеҥ деч йодын: ”Ӧрмашым лукшо тиде пашалан мучаш кунам толеш?”7Эҥер ӱмбалне шогышо, йытын вургемым чийыше пӧръеҥ пурла ден шола кидшым кавашке нӧлталын, да мый тудын Курымеш Илышын лӱмжӧ дене товатлен каласымыжым колынам: ”Ик пагыт, кок пагыт да пел пагыт эртымеке, кунам святой калыкын вийжым нигӧ пытараш ок тӱҥал, тидлан мучаш толеш”.8Мый тидым колынам, но умылен омыл. Тунам мый йодынам: ”Мыйын озам, чыла тидын деч вара мо лиеш?”9Тудо вашештен: ”Кай, Даниил! Нине шомак-влак пытартыш жап марте шылтыме да печать дене петырыме улыт.10Шукын эрыктыме, ошемдыме да тергыме лийыт, а осал еҥ умбакыжат осалым ышташ тӱҥалеш. Осал-влак кокла гыч нигӧ тидым ок умыло, а ушан-шамыч умылат.11Кажне кечын надыр кондымым чарныме да пустаҥдыше йырныкым шогалтыме деч вара тӱжем кокшӱдӧ индешле кече эрта.12Пиалан тудо, кӧ вуча да тӱжем кумшӱдӧ кумло вич кечым вучен шукта.13А тый шке корнет дене мучаш марте кай. Тый илыш дене чеверласет да жап мучаште шке ужашетым налаш кынелат”».
Institute for Bible Translation, Finland