4 Куг5
1Нееман, Сирий кугыжан сарзывуйжо, шке озаж дене кугу да пагалыме айдеме лийын. Господь тудын гоч сириян-влаклан сеҥымашым пуэн. Нееман пеш тале сарзе лийын, но проказе дене черле улмаш.2Сириян-влак икана Израиль мландыш керылт пурымышт годым изи ӱдырым пленыш налыныт. Тудо Нееманын ватыжын тарзыже лийын.3Ӱдыр шке озаватыжлан каласен: «Мыйын озам Самарийыште улшо пророк деке кая гын, тудо озамын проказыжым кораҥда ыле!»4Нееман каен да Израиль гыч кондымо ӱдырын мом ойлымыжым озажлан каласен.5Сирий кугыжа [Нееманлан] каласен: «Кай, миен тол. А мый Израиль кугыжалан серышым колтем». Нееман корныш тарванен, пеленже лу талант шийым, куд тӱжем сикль шӧртньым да лу чапле вургемым налын.6Нееман Израиль кугыжа деке толын да тудлан серышым кучыктен. Туштыжо теве мом возымо лийын: «Тиде серыш дене пырля мый тый декет шке Нееман тарземым колтем. Тудым проказе чер дечын паремде».7Серышым лудмеке, Израиль кугыжа вургемжым кушкедын да каласен: «Мо, мый колымашым кондышо да илышым пӧлеклыше Юмо улам? Проказе чер деч паремде манын, молан тудо мый декем еҥым колта? Ончыза, мыйын ваштареш сарым тӱҥалаш манын, тудо амалым кычалеш!»8Кунам Елисей, Юмын еҥже, Израиль кугыжан вургем кушкедмыж нерген колын, кугыжа деке тыге каласаш колтен: «Молан тый шке вургемет кушкедынат? Тек тудо мый декем толеш да Израильыште пророк улмым пален налеш».9Нееман шке имньыж да орваж-влак дене толын да Елисейын пӧрт омсаж воктеке шогалын.10Елисей тудын деке уверзым каласаш колтен: «Кай, Иорданыште шым гана мушкылт. Тунам капет паремеш, тый ару лият».11Нееман сырен да тушеч тыге ойлен каен: «Мый шонышым, тудо лектеш да шке Господь Юмыжын лӱмжым ӱжеш, кидшым черле вер ӱмбалне куча да проказым кораҥда.12Дамаскысе Авана ден Фарфар эҥер-влак Израильысе чыла вӱд деч сайрак огытыл мо? Тушан мушкылтын, мый ару лийын ом керт ыле мо?» Тудо савырнен да шыдешкен каен.13Тудын деке тарзыж-влак лишемыныт да каласеныт: «Мемнан ачана! Пророк тылат иктаж-мом йӧсым ышташ каласа гын, от ыште ыле мо? А тудо тылат лач ”мушкылт, да ару лият” манын ойлыш».14Нееман каен да, Юмын еҥын каласымыж семынак, Иордан вӱдыш шым гана пурен лектын. Тунам капше паремын, изи йочан гай ару лийын.15Тудо шке еҥже-влак дене Юмын еҥ дек пӧртылын, ончыкшо шогалын да каласен: «Ынде пален нальым: Израиль деч моло вере мландымбалне Юмо уке. Йодам, шке тарзет дечын пӧлекым нал».16Тудыжо вашештен: «Мыйын служитлыме Господь дене товатлем: пӧлекым ом нал!» Нееман тудым налже манын сӧрвален, но Елисей садак келшен огыл.17Тунам Нееман каласен: «Ынет нал гын, тугеже тек тыйын тарзетлан кок мул наҥгаен кертме мланде рокым пуат. Мый, тыйын тарзет, ончыкшым Господь деч моло вес юмылан йӱлалтен пуымо да вес надырым кондаш ом тӱҥал.18Лач икте шотышто Господь мыйым тек серлага: кунам мыйын озам Риммонын храмышкыже кумалаш кая да кидышкем эҥерта, тунам мыламат вуем саваш логалеш. Кунам мый Риммонын храмыштыже вуем саваш тӱҥалам, тек Господь тидлан тыйын тарзетым серлага».19«Тыныс дене кай», – вашештен Елисей.
Кунам Нееман изиш торлен,20Гиезий, Юмын еҥ Елисейын тарзыже, шоналтен: «Молан мыйын озам тиде сириян Нееманын кондымо пӧлекше гыч нимом налын огыл?! Господь дене товатлем: мылам тудын почеш каяш да иктаж-можым налаш кӱлеш!»21Гиезий Нееманым поктен каен. Тудын почеш куржмыжым ужмеке, Нееман орваж гыч волен да ваштарешыже ошкылын. «Чыла сай?» – тудо йодын.22Гиезий вашештен: «Чыла сай. Озам мыйым теве мом каласаш колтыш: ”Кызыт мый декем Ефрем курыкла гыч кок самырык пророк тунемше толын. Нунылан ик талант шийым да кок вургемым пу”».23Нееман каласен: «Мутат уке! Кок талантым нал». Тудо Гиезийым налаш кӧндарен, вара кок мешакыш кок талант шийым пыштен, кок чапле вургемым налын да чыла тидым кок тарзыжлан кучыктен. Нунышт, пӧлекым нумалын, Гиезий ончыч каеныт.24Кӱкшака дек толын шумеке, Гиезий нунын кид гыч пӧлекым налын да шкеж дене шылтен, а Нееманын тарзыже-влакым колтен.25Кунам тудо озаж деке толын, Елисей йодын: «Гиезий, кушечын толат?» Тудыжо вашештен: «Тыйын тарзет нигушкат коштын огыл».26Елисей каласен: «Кунам тиде еҥ орваж гыч волен да тыйын ваштарешет ошкылын, тунам мыйын шӱлышем тый денет пырля лийын огыл мо? Жап мо кызыт шийым, вургемым, олив пушеҥгым але виноград аҥам, тыгыде да шолдыра вольыкым, пӧръеҥ ден ӱдырамаш кул-влакым налаш?27Тек Нееманын проказе черже тый декет да тыйын тукымет дек эрелан пижеш!» Кунам Гиезий Елисей деч лектын, тудо проказе чер деч лум гай ошо лийын.
Кунам Нееман изиш торлен,20Гиезий, Юмын еҥ Елисейын тарзыже, шоналтен: «Молан мыйын озам тиде сириян Нееманын кондымо пӧлекше гыч нимом налын огыл?! Господь дене товатлем: мылам тудын почеш каяш да иктаж-можым налаш кӱлеш!»21Гиезий Нееманым поктен каен. Тудын почеш куржмыжым ужмеке, Нееман орваж гыч волен да ваштарешыже ошкылын. «Чыла сай?» – тудо йодын.22Гиезий вашештен: «Чыла сай. Озам мыйым теве мом каласаш колтыш: ”Кызыт мый декем Ефрем курыкла гыч кок самырык пророк тунемше толын. Нунылан ик талант шийым да кок вургемым пу”».23Нееман каласен: «Мутат уке! Кок талантым нал». Тудо Гиезийым налаш кӧндарен, вара кок мешакыш кок талант шийым пыштен, кок чапле вургемым налын да чыла тидым кок тарзыжлан кучыктен. Нунышт, пӧлекым нумалын, Гиезий ончыч каеныт.24Кӱкшака дек толын шумеке, Гиезий нунын кид гыч пӧлекым налын да шкеж дене шылтен, а Нееманын тарзыже-влакым колтен.25Кунам тудо озаж деке толын, Елисей йодын: «Гиезий, кушечын толат?» Тудыжо вашештен: «Тыйын тарзет нигушкат коштын огыл».26Елисей каласен: «Кунам тиде еҥ орваж гыч волен да тыйын ваштарешет ошкылын, тунам мыйын шӱлышем тый денет пырля лийын огыл мо? Жап мо кызыт шийым, вургемым, олив пушеҥгым але виноград аҥам, тыгыде да шолдыра вольыкым, пӧръеҥ ден ӱдырамаш кул-влакым налаш?27Тек Нееманын проказе черже тый декет да тыйын тукымет дек эрелан пижеш!» Кунам Гиезий Елисей деч лектын, тудо проказе чер деч лум гай ошо лийын.
Institute for Bible Translation, Finland