1 Кур.кн4
1Иудан эргыж-влак: Фарес, Есром, Харми, Хур да Шовал.2Реаий деч, Шовалын эргыж деч, Иахаф шочын. Иахаф деч Ахум ден Лагад шочыныт. Тиде – цораит урлык.3Теве Етамын эргыж-влак: Изреель, Ишма, Идбаш да нунын Гацлелпони лӱман шӱжарышт,4тыгак Пенуэл, Гедор олан ачаже, да Езер, Хуша олан ачаже. Тиде Хурын, Ефрафан кугэргыжын, Вифлеем олан ачажын, эргыж-влак.5Ашхурын, Фекойын ачажын, кок ватыже лийын: Хела ден Наара.6Наара тудлан Ахузамым, Хеферым, Фимним да Ахашфарим ыштен. Тиде Нааран эргыж-влак.7Хелан эргыже-шамыч: Цереф, Цохар да Ефнан.8Коц деч Анув ден Цовев шочыныт. Тудын дечак Ахархелын, Гарум эргын, урлыкшо лектын.9Иавис шке иза-шольыжо-влак кокла гыч эн пагалыме еҥ лийын. Аваже тудлан Иавис лӱмым пуэн, тыге каласен: «Мый тудым орланен ыштенам».10Иавис Израильын Юмыжлан тыге сӧрвален кумалын: «О, Тый мыйым шке суапландарымашет дене суапландарет да мыйын мландем кумдаҥдет ыле гын! Тек Тыйын кидет мыйын пеленем лиеш да мыйым осал деч арала! Тунам мылам орланаш ок логал ыле!» Юмо тудын йодмыжым шуктен.11Хелув деч, Шухан шольыж деч, Махир шочын, тудо Ештонын ачаже лийын.12Ештон деч Беф-Рафа, Пасеах да Техинна – Наас олан ачаже, [кеней Селомын да Ахазын изашт] – шочыныт. Тиде – Рехаште илыше-влак.13Кеназын эргыж-влак: Гофониил ден Сераий. Гофониилын эргыже – Хафаф.14Меонофай деч Офра, Сераий деч Иоав шочыныт. Иоавше «Кидмастар лапверын» ачаже лийын, тушто илыше-влак кидмастар лийыныт.15Халевын, Иефонний эргын, эргыж-влак: Ир, Эла да Наам. Элан эргыже – Кеназ.16Иегаллелелын эргыж-влак: Зиф, Зифа, Фирий да Асареел.17Езран эргыже-шамыч: Иефер, Меред, Ефер да Иалон. Иефер деч Мером, Шаммай да Ишбах, Ешфемойын ачаже, шочыныт.18Мередын фараон ӱдыр Бифья ватыж деч эргыже-влак лийыныт. А Мередын иудей ватыже Иаредым – Гедор илемын ачажым, Хеверым – Сохо илемын ачажым да Иекуфиилым – Заноах илемын ачажым, ыштен.19Годийын ватыжын, Нахамын акажын – Нахамже Кеилан ачаже лийын – эргыж-влак: Маахаште илыше Гарми ден Ешфемой.20Симеонын эргыже-шамыч: Амнон, Ринна, Бенханан да Филон. Ишийын эргыж-влак: Зохеф ден Бензохеф.21Шелан, Иуда эргын, эргыж-влак: Ир – Лехан ачаже, да Лаеда – Марешан да Ашбейыште йытын вынерым ыштыше урлык-влакын ачашт,22Иоким, Хозеваште илыше-влак, тыгак Иоаш ден Сараф – нунын Моав ден Иашувилехемыште мландышт улмаш. Но тиде ожно лийын.23Нуно кӧршӧк ыштыше лийыныт, Нетаимыште да Гедераште иленыт, кугыжалан пашам ыштеныт.24Симеонын эргыж-влак: Немуил, Иамин, Иарив, Зерах да Саул.25Саулын эргыже Шаллум лийын, Шаллумын эргыже – Мивсам, Мивсамын эргыже – Мишма.26Мишман эргыже Хаммуил лийын, Хаммуилын эргыже – Заккур, Заккурын эргыже – Шимей.27Шимейын латкуд эргыже да куд ӱдыржӧ улмаш. А тудын тукым иза-шольыжын эрге йочашт шуко лийын огыл, сандене нунын тукымышт Иуда тукым эрге-влакын гай шуко чотан лийын огыл.28Нуно Вирсавийыште, Моладаште, Хацар-Шуалыште,29Билгаште, Эцемыште, Фоладыште,30Вефуилыште, Хормаште, Секелагыште,31Беф-Маркавофышто, Хацар-Сусимыште, Беф-Бирейыште да Шааримыште иленыт. Теве нунын олашт, Давидын кугыжаланаш тӱҥалмыж марте нуно тушто иленыт.32Нунынак эше вич олашт лийын: Етам, Аин, Риммон, Фокен да Ашан,33тыгак нине ола йыр улшо чыла ял, Ваал марте. Теве нунын илыме верышт да тукымышт.34Мешовав, Иамлех да Иосий, Амасий эрге,35Иоиль да Иегу, Иошиви эрге – Иошиви Сераийын эргыже, а Сераий Асиилын эргыже лийыныт, –36Елиоенай, Иакова, Ишохаий, Асаий, Адиил, Ишимиил, Ваней,37Зиза, Шифий эрге – Шифийже Аллонын эргыже, Аллон Иедайын эргыже, Иедай Шимрин эргыже, а Шимри Шемайын эргыже лийыныт.38Лӱмышт дене лӱмдымӧ нине еҥ-влак шке тукымыштын онышт лийыныт. Нунын тукымышт пеш чот шарлен.39Шке кӱтӱштлан кӱтымӧ верым муаш манын, нуно Герар марте, лапверын эрвел могырышкыжо миен шуыныт.40Тушто нуно шудан сай кӱтымӧ верым, кумда тынысле мландым муыныт. Тыште ондак Хам урлык илен улмаш.41Иуда кугыжа Езекий вуйлатыме жапыште лӱмышт дене ончыктымо нине еҥ-влак тушко толыныт, тусо калыкым пӱтынек пытареныт да тиде верыште илаш тӱҥалыныт, вет тушто нунын кӱтӱштлан кӱтымӧ вер лийын.42Нунын кокла гычак, Симеон тукым гыч, вичшӱдӧ еҥ Сеир курыкла деке каен. Нуным Иший эрге-влак – Фелатий, Неарий, Рефаий да Узиил – вуйлатеныт.43Нуно утлен кодшо пытартыш амалик-влакым кырен шалатеныт да тушто таче кече мартеат илат.
Institute for Bible Translation, Finland