Titusi2
1Ila wenga ungupalwa kuvula mavulo gha uchakaka.2Uwalongeli wagogolo yiwa wangupalwa kuvile wandu wa maha, na wavile wandu wa kutundamilwa na kujilongosa weni, wangupalwa kukwinila mavulo gha uchakaka, na upalo na ufumilifu.3Hilahila muwalongeli wadala wagogolo walikali vila mhaghulwa kwaikiva gha Sapanga wangupalwa walikali, wakotoho kuwela wandu wa kusongesela au walowela ila wangupalwa kuvula mighalu gha maha,4lukani wawagholi wadala waposilwi ila wagogolo ng'ogha kuwapala wangwana ghao na wana ghao,5wavile na kujilongosa weni na waweli weni kujumilwa kuulongolo gha Sapanga, wawesi kutimilisa kwa umaheli mighalu gha ukaya kwa weni, na waweli walungwana na wawatundamili wangwana ghao, lukani ujumbi wa Sapanga ukotoho pughanywa.6Hilahila uwatayi moyu wahongolo wavile na kujilongosa weni.7Wenga ungupalwa kuvile mlandano kumatendu hyogha maha. Ukilangiha uchakaka na ukotoho kuyumbila kumavulo ghako.8Tumila milando ghamaha yala yasiyoweza kukosolewa lukani wahakata ghako wapughanyiki pawalola ng'ogha chochosi kihakata kya kutulongelela twenga.9Uwavuli wahusutu kuwatundamila wakulu ghao kukila mghalu na wayangalayi kuwahekelesa. Wakotoho kusindana na weni,10hata kuwahijila hindu ghao. Ila wawonesi yiwa weni ni wandu wa maha machuwa yayendelela, lukani kwa matendu ghao wayagholi mavulo gha Sapanga Mlokola wa twenga kuwakwegha waghangi.11Kwaikiva Sapanga kagubutula ulungwana ghaki hau unguwalokola wandu wogha.12Ulungwana hau ungutuvula kuleka ndyangilu imhekelesa ng'ogha Sapanga na lumatamata lwa mlima wogha ili tutami ngalilu gha kujilongosa weni gha kumtundamila Sapanga kumlimawogha hau wa hinaa,13Tukiva tungulindila litumaini lila lya highili na kuhighiliswa kwa ukwilikihi wa Sapanga wa twenga mkulu na avile mlokola wa twenga Yesu Kilisito.14Mweni alihumisili mweni baha kwaikiva gha twenga ili atulokoli kuhuma kuuhakata wogha na kutughola tuweli wandu maheli wa mweni baha, wandu wavile na luhujulu lwa kughola mighalu maha.15Hinu wenga uwavuli mighalu hayi, watayi moyu na wakalipile kwa uweso ghako wogha. Mundu yoyosi na akotoho kukupughanya.
The Word for the World International