Waloma15
1Twenga weni kukamala kuukwinila tungupalwa kuwatanga wala wavile wakamala ng'ogha kuukwinila, ila tukotoho kujihekelesa weni.2Kila mmonga wa twenga angupalwa kuwahekelesa wayaki kwa mighalu maha, ili kuwachenga kuukwinila.3kwaikiva hata Kilisito kajipala ng'ogha mweni baha, handa iyandikilwi, “Malighu ghao wala wangukulighu wenga Sapanga yanihikila nenga.”4Kwaikiva hyogha yaandikililwi haku dahile yaandikilwi kutuvula. Mayandiko hagha yangututanga kufumilila na kutughola tukamali ili tupati kuwela na litumaini.5Sapanga mweni ndiwa mwenikututanga kuwela wafumilifu na kukamala kuukwinila kwa nagha ningumyupa Sapanga awatangi muweli na lukani lumonga kwaikiva Kilisito angupala mlikali handa mweni angulikala,6haku ndiwa mwenga wogha mtewesa kumuyinula Sapanga mweni kuwela Tati wa Bambu wa twenga Yesu Kilisito.7Hinu mpokelani kwa upalo handa vila Kilisito katupokela twenga lukani Sapanga asifilwi na wandu wogha.8Kwaikiva ninguwalongela lipala yiwa Kilisito agholili utumikila kwa Wayahudi ili ahighilisi Sapanga kamchakaka na lukani atimilisi vila avilongile kwa wagogolo wa twenga,9ili na wandu wavile Wayahudi ng'ogha wapati kumsifila Sapanga kwa ikiva gha luhungu ghaki. Handa yalongile Mayandiko, “Kwa nagha nitekusifila paghati gha wandu wavile Wayahudi ng'ogha. Niteliyimbila lihina lyako sifa.”10Kangi yangulonga, “Mwenga wandu weni kuwela ng'ogha Wayahudi, mhekelele pamonga na wandu wa ghaki Sapanga.”11Kangi, “Mumsifili Bambu, mwenga wandu wogha mvile ng'ogha Wayahudi, na kumyimbila kwa kumsifila, mwenga wandu wogha.”12Mlota Isaya mweni ailongile, “Mundu mmonga kuhuma kukiwelekwa kya Yese atehika na mweni atelongosa wandu wa milima hyogha na weni watemtumainila yiwa ndiwa atewalokola. na mweni atelongosa wandu wavile ng'ogha Wayahudi, na weni watemtumainila.”13Sapanga ndiwa angutupegha litumaini na awamemesi mwenga luheku lyogha na kukotoho kuwela na ngondo kukumkwinila, ili mpati kumema na litimaini likulunga kwa makakala gha Mpumulo wa Sapanga.14Walongo ghangu, nenga mweni baha ningukwinila yiwa mmema ulungwana na umanyi na kangi mnguwesa kuvulana mwenga kwa mwenga.15Ila niwayandikila kwa uhighiliso mulihamba hali handa kuwakumbusila kangi, kwaikiva gha umaha nipeghililwi na Sapanga,16ili kuwela mtumikila wa Kilisito Yesu kwa wandu wavile ng'ogha Wayahudi nikiwela na utumikila wa mtambika wa kutangasa Habali Maha gha Sapanga, ili wandu wavile ng'ogha waweli handa litambiku lyeni kumhekelesa Sapanga lyeni kughululwa na Mpumulo Mmbuleti pee.17Hinu, kwaikiva nikonganika na Kilisito Yesu, ninguitutumula panimtumikila Sapanga.18Kwaikiva niwesa ng'ogha kuyesa kulonga kindu kingi, ila kila Kilisito akitimilisili kwa kupitila nenga lukani wandu wavile Wayahudi ng'ogha wapati kumtundamila Sapanga. Kwa kila nikilongile na kughola,19kwa makakala gha vilangihi na makangaso, kwa uwesa wa Mpumulo wa Sapanga, paniwelile na mwanja nitangasili kutumbula Yelusalemu mbaka kumahala kogha mmbalimbali ghaki mbaka ku Ililiko, nitangasa kala kwa utali hai Habali Maha.20Ku hagha hyogha ninguyangala kutangasa Habali Maha mahala kuvile wandu ghangi wayesili ng'ogha kutangasilwa Habali gha Yesu Kilisito. Ningughola nagha ili nikotoho kuhuyila kutumbulisa lihengu lihyonu pala mundu ghangi kaghola kala,21handa vila Mayandiko gha Sapanga yangulonga, “Wala weni kuwela watangasilwi ng'ogha habali zyaki watelola, na wala wayoghanili ng'ogha habali zyaki watemanya.”22Hali ndiwa liningingamili miyanja itangala kuhika kwa mwenga.23Ila kwaikiva hinaa nimalila lihengu lyangu kumilima hai, na kwaikiva niwelili na luhujulu machuwa yatangala lwa kuhika kwa mwenga,24Ningutumainila kuwahikila panitewela ninguyenda kumlima wa Isipania. Ningupala kupitila haku na kuwalola mwenga, na hilahila kuhekelela pamonga na mwenga kwa lipindi lihupi, hinu niteyendelela na mwanja ningupala kupokela mtanga wa mwenga kumwanja hau.25Ila kwa hinaa, ninguyenda kuwatanga wandu wa Sapanga kula Yelusalemu.26Kwaikiva mapinga gha wandu weni kumkwinila Kilisito wa Makedonia na Akaya walamulile kuyegha mtanga kwa kuwatanga wamonga gha wandu wa Sapanga wala wavile kapuku haku ku Yelusalemu.27Weni baha walamulile kughola nagha kwa mapalo ghao, ila kwa chakaka, hali ni lihengu lyau na weni. Kwaikiva, paikawela wandu wa milima ghangi walikonganisa kuhighili zya kumpumulo zya Wayahudi, wangupalwa na weni hilahila kuwagholela Wayahudi kumatumilo ghao gha kila lelo.28Kwa nagha paniyomola lihengu hali na kuhighilisa yiwa wapokela kila kindu kikungulilwi, nitepitila kwa mwenga nikiva munjila kuyenda ku Isipania.29Ningumanya yiwa panihika na kuwela na mwenga haku Kilisito atewahighila nesu.30Hinu, walongo ghangu, ninguwaluwa nesu kwa lihina lya Bambu wa twenga Yesu Kilisito na kwa upalo wa Mpumulo wa Sapanga, mkonganiki na nenga kukumyupa Sapanga.31Muyupi mbati kuhuka maha paghati gha wakwinila ng'ogha wa haku Uyahudi, na hau utumikila ghangu haku Yelusalemu upati kujumilwa na wandu wa Sapanga wenikuwela haku.32ili kwa mapalo gha Sapanga niwesi kuhika kwa mwenga nikiva na luheku, ili nipeghani moyu pamonga na mwenga.33Hinu ningumluwa Sapanga mweni kuyegha wandu walikali kwa kuponga na aweli pamonga na mwenga wogha. Hina.
The Word for the World International