Waloma11
1Hinu, ningukonya, ghuli, Sapanga kawalema wandu ghaki? Ng'ogha hata mayaghani. Nenga mweni baha ni Muizilaili, kiwelekwa kya Ibulahimu, wa likabila lya Benjamini.2Sapanga kawaleka ng'ogha wandu ghaki awahaghulili kuhuma mtumbulo. Mkumbwiki vila yailonga Mayandiko gha Sapanga pala Eliya pakaisitaki Izilaili kuulongolo gha Sapanga.3Mweni ailongili, “Bambu, wandu wawakoma walota ghako na kubomola luhanja ghako lwa maganga, nihighala nenga weka ghangu, na weni wangupala kunikoma.”4Ila Sapanga amyangili niki? amyangili nagha, “Nenga nambila kuwela na watovangondo ielufu isaba weni kukanila kumyupa mulungu Baali.”5Hinu ndiwa inguwoneka hilahila hata lipindi hali lya hinaa, kuvile na mahighalo gha Waizilaili mayaghani hela wavile Sapanga kawahaghula kwa umaheli wa ghaki.6Uhaghula ghaki unguhika kupitila ulungwana ghaki, na ng'ogha kwaikiva gha matendu ghao. Handa ingawela kwa matendu maheli yangaliwela ng'ogha kindu.7Hinu tulongi kyani? Kila kindu kyeni kuwela kinguhakulwa na Izilaili kwa kuyangala wakipata ng'ogha. Ila wala mayaghani kwa Waizilaili wahaghulwa wakipata. Na wala wahighalile wakataywa utopa,8handa vila iyandikwa ku Mayandiko, “Sapanga kaghola mioyu ghao kuwela mitopa, na mbaka lelu hagha wawesa ng'ogha kulola kwa mihu ghao hata kuyughanila kwa mapulikilo ghao.”9Hilahila Daudi angulonga, “Mihambu ghao gha mulyo Sapanga aghalambuli iweli wambu na miteghu ili kuwawomela, waguwi na kunyokolwa.10Mihu ghao ivikwi lwisa wakotoho kulola. Migoghu ghao igondami.”11Hinu ningukonya, ghuli, Waizilaili walikwala hata waguwi wakakotoho kugholoka kangi? Ng'ogha hata mayaghani. Ila kuguwa kwa weni ni kwaikiva gha mahakata ghao, ulokola ukawahikila wandu wavile ng'ogha Wayahudi, ili kuwaghola Waizilaili wawoni wifu.12Hinu ikiva kuguwa kwa weni kukayegha unaisa kumlimawogha, na kupungula kwa weni kukayegha unaisa kwa wandu wavile ng'ogha Wayahudi. Ghuli, kwa Waizilaili kuhuya na kumkwinila mlokola kwau watehighilwa ng'ogha nesu?13Hinaa ningulonga na mwenga wandu mvile ng'ogha Wayahudi. Na nenga ningulihekelelela lihengu lyangu, kwa kumanya yiwa niyeghwa handa mndumindumi kuwayeghela Habali Maha wandu wavile ng'ogha Wayahudi.14Ili kuwaghola Wayahudi wayangu waloli wifu na nikawesa kuwalokola amonga gha weni.15Kwaikiva Wayahudi pawakanili Yesu, na mweni Sapanga akawakanila weni, akakonganika na wandu wavile ng'ogha Wayahudi. Kwa nagha, lipindi lila Spanga atekonganika na Wayahudi kangi, itewela handa wandu wahinduka.16Ikiva kipandi kya mtumbulo kya libumunda kiyeghwa kwa Bambu hilahila na libumunda lyogha litewela lya Bambu, hinu hilahila ikiva mikegha gha libiki ni hindu gha Bambu hinu na miputila ghaki hyogha ni gha Bambu.17Hinaa amonga gha miputila mighangi idumulilwi, na mwenga wandu mvile ng'ogha Wayahudi ndiwa handa miputila gha libiki lilela zaituni lya kumwitu mkonganiswa kukonganika pamonga na miputila yenikuhighala gha libiki lilela zaituni likulilwa. Mngupokela mulyo kupitila ku mikegha gha libiki lilela zaituni likulilwa.18Hinu ukotoho kulikwina kwina kunani gha hagha maputila. Handa ukalikwina, ukumbuki mghalu hau. Ng'ogha wenga mweni kukola lisina, ila ni lisina ndiwa lyeni kukukola wenga.19Pangi utewesa kunilongela, “Miputila hila idumulilwi lukani nenga mbati kuvikwa kufwasi ghao.”20Hai ni chakaka. Wadumulilwi kwaikiva walemili kukwinila na wenga ungugholoka kwaikiva ungumkwinila Kilisito. Hinaa ukotoho kulidumbila, ila utili.21Kwa ikiva handa Sapanga kawonela ng'ogha luhungu Wayahudi wavile ni handa miputila gha chakaka, ghuli, unguliwachila atekuwonela luhungu wenga?22Hinu uliwachili kwa habali gha ulungwana wa Sapanga na ukalipa ghaki hilahila. Mweni ni mkalipa kwa wala weni kuleka kumkovekela, ila mweni ni mlungwana kwa wenga, ikiva weka uteyendelela kuulungwana ghaki. Na paitewela utelema, wenga hilahila utedumulwa.23Hilahila Wayahudi pawaleka uhakata ghao na kumuhuyila Sapanga, watehuyiswa kangi handa libiki kumatikwa kangi kulisina lyau, kwaikiva Sapanga kana uweso wa kuwamatika kangi kulisina lyau.24Mwenga wandu mvile ng'ogha Wayahudi, kuhuma dahile ni handa liputila lya Mseituni wa kumhitu, uvile udumulwa na kuulongolo ukamatikwa kulisina lya mseituni ukululilwi. Ila Wayahudi kwa chakaka ni handa mseituni kulitawa, na itewela ng'ogha mhigu kwa weni kumatikwa kangi kulibiki lilalila lyau.25Walongu wa nenga, nipala ng'ogha mkotoho kumanya mfisu hau, lukani mkotoho kujilola yiwa ni wandu wavile na malangu nesu. Mfisu weni ndiwa hau. Amonga gha Waizilaili wateyendelela kuleka kukwinila mbaka pala wandu wa milima ghangi kwa utangala wau wamhyukili Sapanga.26Hinu ndiwa Waizilaili wogha watelokolwa, handa yailonga Mayandiko gha Sapanga, “Mlokola atehika kuhuma Sayuni, atehumisa uhakata wogha wa kiwelekwa kya Yakobu.27Na nenga Sapanga hagha ndiwa malaghanu niteghola kwa weni, panihumisa sambi zyao.”28Kwaikiva wanguilema Habali Maha, hinu Wayahudi wawela wahakata wa Sapanga, ili mwenga wandu wa milima ghangi mpati fwasi gha kujumilwa na Sapanga. Ila weni wangujumilwa kwaikiva gha malaghano ghaki na Ibulahimu, Isaka na Yakobu.29Sapanga pakawahaghula wandu wajumiliki kuulongolo ghaki kanguwesa ng'ogha kughalambuka kwa wala awahaghulile.30Handa mwenga haku mtumbulo muwelili wahakata kwa Sapanga ila hinaa mpokela ulungwana kwaikiva gha kulema kukwinila kwa weni.31Wangumyitikila ng'ogha Sapanga hinaa, ila Sapanga kawela mmaha kwa mwenga ili Sapanga aweli mmaha kwa weni hilahila.32Sapanga kangulonga wandu wogha wangosela, hai ni kwaikiva wamuyitikila ng'ogha, angulonga nagha ili atulangihi umaha ghaki na kumlekekesela kila mundu.33Hina Sapanga kamkulu, kana kila kindu, angumanya kila kindu, kwahela mundu kanguwesa kumanya kindu kila angukiwachila kughola. Kwahela mundu kanguwesa kulongela njila zyaki vila angughola mahengu.34Handa iyandikwa ku Mayandiko gha Sapanga, “Ghani mweni kuwesa kumanya lukani lwa Bambu? Ni ghani mweni kuwesa kuwela msauli ghaki?”35“Au ni ghani mweni kumpegha Sapanga chochose ili amhipi?”36Kwa ikiva vindu vyogha vinguhuma kwa mweni, vyeni vinguwela kwaikiva gha uwesa ghaki, Ukulu ni wa mweni machuwa hyogha bila mwihu! Hina.
The Word for the World International