Ugubutulo19
1Badili gha hagha nikahyoghanila lilowi handa gha lipinga lya wandu watangala kundumba wakilonga, “Ayinulwi Sapanga! Ulokola na ukulu na makakala ni gha Sapanga watwenga.2Kwaikiva angutosa vila ingupala na kwa uchakaka. Sapanga wa twenga kamtosa yula mghola ngongola mkulunga kwa kuughola mlima wogha kughola matendu mahakata. Sapanga kamnyokola kwaikiva gha kuwakoma watumikila ghaki Sapanga.”3Wakalonga kangi kwa makakala, “Ayinulwi Sapanga! lyohi lya lyoto lyeni kuyalamisa mmbwani hau litekwela kunani machuwa hyogha bila mwihu.”4Na wala wagogolu waisilini na njechi na wala viumbi wakomu wanjechi wakaguwa kifulifuli, wakamyupila Sapanga atamili kukitamilo kya kinkosi wakalonga, kwa lilowi likulungaa, “Hina! Ayinulwi Sapanga!”5Hinu, kukahumila lilowi kukitamilo kya kinkosi ikilonga, “Mumyinuli Sapanga wa twenga, mwenga watumikila ghaki wogha, mwenga weni kumtundamila, wanung'una kwa wakulunga.”6Hinu nikayoghanila lilowi handa lya lipinga likulunga lya wandu, na handa lilowi lya masi yatangala na gha mlindimu mkulunga wa ladi, wakitova lilowi wakilonga, “Ayinulwi Sapanga! Kwaikiva Bambu Sapanga wa twenga mweni likakala angulongosa.7Tuhekeleli na kukuwa vilulu, na tumyinuli, kwaikiva lipindi lya uposu gha mwana kondolu ifika kala na mdala wa uposu kaiyandala kala.8Mdala wa uposo kapeghwa nguu gha kuvala mbulete na yeni kung'anyimo nesu.” Nguu hai ni mlandano wa matendu yeni kujumilwa na Sapanga yeni kugholwa na wandu wa Sapanga.9Hinu mtumikila wa kundumba wa Sapanga akanilongela, uyandiki hagha, “Mbaha wala wakemilwi kweni mhambu gha mulyo gha uposu gha Mwanakondolu!” Na mweni akayongesa kulonga “Hagha ni milandu gha chakaka gha Sapanga.”10Hinu nenga nikaguwila kifulifuli kuulongolu ghaki ili nimyupili, ila mweni akanilongela, “Ukotoho kughola nagha! Nenga ni mtumikila hela handa wenga na walongu ghako. Wogha tungulongelela habali zya Yesu.”
Nagha myupile Sapanga weka ghaki. Kwaikiva yala wanguyalonga walota yanguhuma kwa Yesu.11Hinu nikalola kundumba kuwopoka, na haku awelili falasi mmonga mbulete, na yula amkwelili falasi akemilwi “Mundu wa kutegemea na chakaka.” Hayu paatosa angughola vila ingupalwa na paangutovana ngondo angughola kwa chakaka.12Mihu ghaki ni handa myali gha lyoto na kunani gha mutu ghaki kuwelili na mikokoma mitangala. Awelili kayandikwa lihina lyeni kwahela mundu yoyosi kangulimanya ila kalimanya mweni hela.13Awelili kavala lihabiti lijwikilwi kumwahi, na lihina lyaki hayu ni “Lilando lya Sapanga.”14Mapinga gha weni kulikala kundumba wakamkovekela mkwela falasi mbulete, na weni wakiwela wakwela falasi wambulete hilahila, weni wavala nguu nyanyi na mbulete nesu na maheli.15Kumlomo ghaki kunguhuma lipanga likalipa, atelitumila kusinda wandu wa milima hyogha, atelongosa kwa hyatu gha lyuma. Na mweni atekamula sabibu kweni kyombu kya kukamulila, kyeni kulangiha lilaka lya Sapanga mweni uweso wogha.16Kunani gha lihabiti lyaki, na kunani gha lipaja lyaki, awelili kayandikwa lihina, “Nkosi wa wankosi na Bambu wa mabambu.”17Hinu nenga nikamlola mtumikila wa kundumba wa Sapanga mmonga agholokili kweni lijua, akawakema mbongu wogha waghuluka kunani, “Mhiki mlikunguli pamonga kwaikiva gha mhambu mkulunga wa Sapanga.18Mhiki mlyegha mihigha gha wankosi na gha watovangondo wakulunga na gha wandu weni makakala, na gha falasi na gha wakwela falasi ghao, mhiki mkailyeghi mihigha gha wandu wogha, wawela ng'ogha wahusutu na wahusutu, wawelili wanung'una na wakulungwa.”19Hinu nikalola yula mkokolo mkalipa na wankosi wa mlima wogha na watovangondo ghao. Wakiwela walikungula pamonga ili kughola ngondo kutovana na yula mkwela falasi mbulete na watova ndondo ghaki.20Ila hayu mkokolo kakamulwa pamonga na hayu mlota wa uhwangi awelili kaghola kilangihi kwaikiva gha hayu likokolo, katumili mikangaso hai ili awalulunganyili wala wawelili na kilangihi kya hayu likokolo, na wala weni kuiyupila ling'omung'omu lyaki. Hayu mlota wa uhwangi na mkokolo wawela wadangilwi wawela wakomu kweni lihiwa lya lyoto likalipa.21Wala wahighalili wakomilwi kwa lipanga uhumili mumlomu mwa yula awelili mkwela falasi mmbulete, na mbongu wogha walyeghili mihigha hai mbaka wakayukuta.
Nagha myupile Sapanga weka ghaki. Kwaikiva yala wanguyalonga walota yanguhuma kwa Yesu.11Hinu nikalola kundumba kuwopoka, na haku awelili falasi mmonga mbulete, na yula amkwelili falasi akemilwi “Mundu wa kutegemea na chakaka.” Hayu paatosa angughola vila ingupalwa na paangutovana ngondo angughola kwa chakaka.12Mihu ghaki ni handa myali gha lyoto na kunani gha mutu ghaki kuwelili na mikokoma mitangala. Awelili kayandikwa lihina lyeni kwahela mundu yoyosi kangulimanya ila kalimanya mweni hela.13Awelili kavala lihabiti lijwikilwi kumwahi, na lihina lyaki hayu ni “Lilando lya Sapanga.”14Mapinga gha weni kulikala kundumba wakamkovekela mkwela falasi mbulete, na weni wakiwela wakwela falasi wambulete hilahila, weni wavala nguu nyanyi na mbulete nesu na maheli.15Kumlomo ghaki kunguhuma lipanga likalipa, atelitumila kusinda wandu wa milima hyogha, atelongosa kwa hyatu gha lyuma. Na mweni atekamula sabibu kweni kyombu kya kukamulila, kyeni kulangiha lilaka lya Sapanga mweni uweso wogha.16Kunani gha lihabiti lyaki, na kunani gha lipaja lyaki, awelili kayandikwa lihina, “Nkosi wa wankosi na Bambu wa mabambu.”17Hinu nenga nikamlola mtumikila wa kundumba wa Sapanga mmonga agholokili kweni lijua, akawakema mbongu wogha waghuluka kunani, “Mhiki mlikunguli pamonga kwaikiva gha mhambu mkulunga wa Sapanga.18Mhiki mlyegha mihigha gha wankosi na gha watovangondo wakulunga na gha wandu weni makakala, na gha falasi na gha wakwela falasi ghao, mhiki mkailyeghi mihigha gha wandu wogha, wawela ng'ogha wahusutu na wahusutu, wawelili wanung'una na wakulungwa.”19Hinu nikalola yula mkokolo mkalipa na wankosi wa mlima wogha na watovangondo ghao. Wakiwela walikungula pamonga ili kughola ngondo kutovana na yula mkwela falasi mbulete na watova ndondo ghaki.20Ila hayu mkokolo kakamulwa pamonga na hayu mlota wa uhwangi awelili kaghola kilangihi kwaikiva gha hayu likokolo, katumili mikangaso hai ili awalulunganyili wala wawelili na kilangihi kya hayu likokolo, na wala weni kuiyupila ling'omung'omu lyaki. Hayu mlota wa uhwangi na mkokolo wawela wadangilwi wawela wakomu kweni lihiwa lya lyoto likalipa.21Wala wahighalili wakomilwi kwa lipanga uhumili mumlomu mwa yula awelili mkwela falasi mmbulete, na mbongu wogha walyeghili mihigha hai mbaka wakayukuta.
The Word for the World International