Wahebulania13
1Muyendeleli kupalana handa vila ingupalwa kwa wandu weni kumkwinila Kilisito.2Mukotoho kuisemwa kuwakema wahenja pakaya, kwaikiva kwa kughola nagha, amonga gha wandu wapatili kuwakema watumikila wa kundumba wa Sapanga wakiva wamanya ng'ogha.3Mngumbuki wala wawopwa handa na mwenga muwopwa pamonga na weni. Mungumbuki wala wangughasika handa na mwenga mngughasika handa weni.4Ndowa ingupalwa kutundamilwa na wandu wogha, mngwana na mhumbu ghaki wangupalwa kulikinga na ndaka, kwaikiva Sapanga atewalamula wangongola na wala wapala kuwonja na wadala waghangi na walumi waghangi.5Mlikingi kulongoswa na lumatamata lwa kupala mapesa, myukuti na vila mvikola. Mweni Sapanga angulonga, “Katu nitekuleka ng'ogha, hilahila kukutagha.”6Kwaikiva gha nagha tunguwesa kulonga kwa uhighilisu, “Bambu ndiwa mtanga wa nenga, nitetila ng'ogha chochosi, mundu atewesa kunighola niki?”7Mkwimbuki wala vilongosi wa mwenga wawavulile mwenga Lilando lya Sapanga, mloli maha vila walikalili na kuhova. Mukovekeli ukwinila ghao.8Yesu Kilisito ni yula yula, lichu lelo na machuwa hyogha bila mwihu.9Mkotoho kululunganywa na mavulo gha kihenja. Ni maha mioyu gha mwenga igangamaliswi kwa manemu, ng'ogha kuyitikila makaniso gha milyo, makaniso hagha yangumtanga ng'ogha wala wenikuyakola hagha.10Twenga tuvile na lihanja lya kumuyupa Sapanga na wala wenikumyupa Sapanga kweni luhanja gha kumyupila Sapanga wangupalwa ng'ogha kulyegha vila vivikwa kunani ghaki.11Mtambika Mkulu anguyegha mwahi gha mkokolo mghati mwa mahala Pambuleti Pee kwaikiva gha litambiko lya kulekeselwa sambi, ila higha gha mkokolu yula unguyalamiswa panji gha kambi hila.12Havi ndiwa Yesu ahakiliwi panji gha lilangu lya mlima ili awaghululi wandu kwa mwahi ghaki mweni.13Hinu tuyendi panji gha kambi, tukijumila kupughanywa handa vila apughanyililwi mweni.14Kwaikiva haku kumlimawogha tuvile ng'ogha na mlima wa machuwa hyogha bila mwihu, ila tunguhakula hula utehika kuulongolo.15Hinu kwa kupitila Yesu, tumyegheli Sapanga litambiku lya kumsifila machuwa hyogha bila mwihu, kwaikiva milando gha twenga gha kulisifila lihina lyaki ni handa litambiku tumtolela.16Hilahila myendeleli kuwatanga wayenu kwa hindu hila muwela nayu kwaikiva kughola nagha ndiwa litambiku lya mwenga lyeni kumhekelesa Sapanga.17Muwatundamili vilongosi wa mwenga na kukola ghala wanguwalongela, kwaikiva weni wangulihumisa kwaikiva gha mwenga bila kutoka, na watepalwa kulongela mahengiu ghao kuulongolo gha Sapanga kwa nagha muwatundamili. Ikiva mtewatundamila wateghola mahengu kwa luheku, na ikiva ng'ogha wateghola mahengu kwa kunyengemala, na hai itewela ng'ogha na fwaida kwa mwenga.18Mtuyupili kwa Sapanga. Kwaikiva mioyu gha twenga ingutulamula ng'ogha yiwa tughola uhakata, kwaikiva tunguyangala kughola maha kwa wandu wogha.19Ninguwapala nesu mniyupili ili Sapanga anihuyisi kwa mwenga kwa kuloposela.20Sapanga yula amyeghili kangi Bambu wa twenga Yesu Kilisito kuhuma kukihu, yula Mhunga Mkulu wa kondolu, kwaikiva gha kuyita mwahi ghaki yenikulangiha lilaghano lya machuwa hyogha bila mwihu ni lya chakaka,21Sapanga awapeghi makakala gha kughola yala anguyapala kangi agholi kumioyu gha mwenga mighalu hyogha imhekelesa kwa njila gha Yesu Kilisito, mweni asifilwi machuwa hyogha bila mwihu. Hina!22Walongu ghangu ninguwaluwa nesu mkovekeli milando hai gha kuwataya moyu yavile niyayandika kulihamba hali kwa kihupi.23Ningupala kuwamanyisa yiwa mlongu wa twenga Timoseyu kawoposelwa kala kuhuma muuwopwa. Ikiva atehika njenji kwa nenga, nitehika na mweni panihika kwa mwenga kuwalola.24Muwajambusi wandu wenikuwagholokela wogha pamonga na wandu wa Sapanga. Wandu wenikumkwinila Yesu haku Italia wanguwajambusa.25Tunguwayupila kwa Sapanga ayendeleli kuwapatila umaha ghaki mwenga wogha.
The Word for the World International