Waefesu3
1Kwaikiva gha hagha nenga Paulo mweni kuwopwa kwaikiva gha Kilisito Yesu ninguwayupila mwenga weni kuwela ng'ogha Wayahudi.2Hinu myughanila kala yiwa Sapanga kwa umaha ghaki, anipeghili lihengu hali kwa fwaida gha mwenga.3Ila Sapanga kanigubutulila nimanyi kifisu haki na nenga niwayandikila kwa kihupi habali hai,4mwenga pamusoma kwa umaheli, mtewesa kumanya vila nenga ninguumanya mghalu wa kifisu haki kya Kilisito.5Kifisu haki Sapanga haku dahile awahighilisili ng'ogha wandu wa viwelekwa vighangi, handa awagubutulile wandumindumi na walota ghaki awahaghulile hinaa kwa kupitila Mpumulo ghaki.6Kifisu kyeni ni haki, kwa kupitila Habali Maha wandu wawela ng'ogha Wayahudi wangupokela lilundila lyau pamonga na Wayahudi. Weni wangukongana kulilaghano lilalila aligholile Sapanga kupitila Kilisito Yesu.7Nenga nigholwa kuwela mtumikila wa Habali Maha kwa umaha ghaki Sapanga anipeghili na kwa uwesa ghaki mkulu.8Nenga ni mnung'una kupiti wandu wogha wa Sapanga, ila kanipegha umaha ghaki, ili niwatangasili wandu wawela ng'ogha Wayahudi, highili zyaki Kilisito ziwela zitangala,9kangi Sapanga anipeghili mahengu gha kuwalongela wandu kunani gha mghalu wa kifisu kyaki kya chakaka. Afisili kifisu haki kya uchakaka mghati ghaki kuhuma mtumbulo wa lipindi, ndiwa mweni kulumba kila kindu.10Hinu hinaa Sapanga angupala wandu wogha weni kumkwinila Kilisito wamlangihi kila mundu vila mweni kawela na luhala lyogha, angupala vilongosi weni kuwela kumlimawogha weni kuwoneka ng'ogha wamanyi vindu havi.11Hali liwelili lukani lya Sapanga kuhuma dahile na Bambu wa twenga Yesu Kilisito ndiwa mweni kughola hagha.12Hinu kwa kukonganiswa na Kilisito na kwa kumkwinila mweni, twenga tungumyendela Sapanga bila holu.13Ninguwaluwa mkotoho kutwenyuka moyu kwa mahakilo hagha yeni kunikola kwaikiva gha mwenga, yeni yangunikola ili mwenga mpati utundamilu.14Kukovekelana na mghalu hau wa Tati ningutova manung'una ili niwayupili mwenga,15mweni ndiwa mweni kulumba kila kindu kumlimawogha na kundumba.16Hinu ningumyupa Sapanga awagangamalisi kwa kuwavika makakala mioyu gha mwenga kwa njila gha Mpumulo ghaki kukovekelana na utangala wa ukulu ghaki.17Ili Kilisito alikali kumioyu gha mwenga kwa njila gha kumkwinila mweni, kangi ningumluwa awatangi kugangamala nesu kuupalo ghaki, hinu upalo ghaki utewela handa mikegha kungalilu gha mwenga.18Sapanga awapeghi mwenga na wandu wogha wahaghulilwi na mweni, uweso wa kumanya vila Kilisito katupala. Upalo ghaki kwa twenga ni mkulu nesu, na weni kuwela ng'ogha na mwihu,19Ninguluwa mpati kumanya upalo hau, pamonga na yiwa iwesekana ng'ogha kumanya vila uwela mkulu, kwa nagha ndiwa ndyangilu gha mwenga itelandana na Sapanga.20Sapanga anguwesa kughola mighalu mikulunga kupiti vila tunguluwa na kuliwachila, kupitila makakala ghaki yeni kughola mahengu mghati gha twenga.21Tungupala wandu wogha wa Sapanga wamanyi yiwa Sapanga kamkulu, na kila mweni kumkwinila Kilisito amuyinuli mweni machuwa hyogha bila mwihu! Hina.
The Word for the World International