Wakolosai2
1Nenga ningupala mmanyi vila ningughola mahengu kwa kuyangala kwaikiva gha mwenga na hilahila kwa wandu wa haku Lawodikiya na kwa wandu wogha weni kunilola ng'ogha kwa mihu.2Ningughola nagha ili niwatayi moyu, na wakonganiswi pamonga kuupalo, na wawesi kumanya kifisu kya Sapanga. Mghalu hau ufisilwi ndiwa Kilisito mweni.3Mghati ghaki ndiwa kufiswa luhala na umanyi.4Hinu ninguwalongela, mkotoho kujumila kululunganywa na mundu yoyosi yula kwa milando gha uhwangi hata handa ni maheli nesu.5Ningulonga nagha pamonga na yiwa niwela ng'ogha na mwenga, ila mawachilo gha nenga yawela pamonga na mwenga. Ninguhekelela kwaikiva ninguhyoghanila umonga wa mwenga ugangamala kukukongana na Kilisito.6Hinu handa mwenga mumjumila Kilisito Yesu aweli Bambu wa mwenga, myendeleli kumkovekela mweni.7Kangi muyendeleli kuwela mgangamala kukumkwinila Kilisito, na myendeleli kuivula nesu kunani gha mweni.8Mliloli, mundu yoyosi akotoho kuwaghola mwenga wahusutu kwa mavulo ghaki gha helahela na uhwangi, mavulo yenikuhuma kwa wagogolo wa dahile na yeni kulongoswa na mahoka na ng'ogha mavulo gha Kilisito mweni.9Mghati mwa Kilisito kuumundu ghaki, kuwela na utimila wogha wa Sapanga,10na mwenga mpata ukomu wogha kwa kukongana na mweni. Mweni angulongosa weni makakala wogha na wakulu wogha.11Kukukongana na Kilisito, mwenga myingiswa jandu, ila kuyingiswa haku jandu ng'ogha kula kweni kugholwa na wandu ila haku kungugholwa na Kilisito na itetukombola kuhuma kusambi.12Hinu pambatiswili mkasikwa pamonga na mweni Kilisito, na pambatisilwi mkahinduka pamonga na mweni kwaikiva mkwinilili makakala gha Sapanga yeni kumhindula Kilisito.13Haku dahile muwelili muhova kwa mighalu gha kiulungu kwa sambi msigholile na kwaikiva muwelile wandu wa milima mighangi. Ila Sapanga kawapegha mwenga ukomu pamonga na Kilisito mweni Kilisito. Akatulekisela sambi sya twenga zyogha.14Pala ataghilile kutali lila lihamba lyeni kuyandikwa malaghilo gha kutusitaki, kangi Sapanga kahumisa ngumbu ngumbu hai na kuigongomelela kulipingika.15Haku kulipingika Kilisito awapokili makakala ghao hagha mihoka na vilongosi wakulu, awatayili honi kuulongolo gha wandu kwa kuwakulughula handa wahusutu kumwanja gha usindi ghaki.16Hinu, mkotoho kujumila mundu yoyosi awavikili laghilo kunani gha mulyu au vindu fya kunywegha, lichuwa lya mhambu, na lichuwa lya kuwoneka kwa mwehi wahyonu au lichuwa lya kupumulila.17Mighalu hai hyogha ni mlandanu wa yala yatehika, uchakaka unguwoneka kwa Kilisito mweni.18Mkotoho kumhyoghanila mundu yeyosi mweni kulitutumula yiwa kamaha kwa unyalinyali na uhwangi, na kuwatundamila watumikila wa kundumba wa Sapanga kunu akiyendelela kumawachilo ghaki. Hayu kandyungi kwa mawachilo mahakata gha kumlimawogha,19kangi hayu kalihumisa kwa Kilisito mweni kulongosa wandu ghaki handa mutu vila ungulongosa mhigha. Kuhuma kwa Kilisito mhigha wogha ungupokela mulyo na kukula kangi anguukonganisa mhigha wogha na vikongonu pamonga na misipa, havi ndiwa Sapanga angupala.20Hinu kwaikiva mwenga muhovili pamonga na Kilisito na kukombolwa kuhuma kuulongosi wa Lihyukana na wakulu wa mlima wogha hau. Ghuli kwa kyani mngulikala kangi handa vila mwenga mumkwinila ng'ogha Sapanga? Kwa kyani mngujumila kuvikilwa malaghilo handa nagha,21“Mkotoho kukola haki, na Mkotoho kuyesa kila, na mkotoho kukiyavisa kila!”22Malaghilo handa hagha ni mighalu yeni kuyalamika, hagha ni malaghilo na mavulo gha wandu hela,23ni chakaka wandu weni kukovekela mighalu handa hai wanguwoneka yiwa wawela na luhala, wangukovekela kumyupa Sapanga kwa njila ghao weni, unyali nyali na kuulongosa mhigha kwa kukalipa. Ila mighalu hai wajivikila inguwesa ng'ogha kungingama lumatamata luhakata lya mhigha.
The Word for the World International