Baabiloone dhabo
1Yeypp guye, gita mawuter yez hara kiitanchchay salopp wodhdhodar ta be7eeza. Ye kiitanchchay bonchchay sa7a poo7iseeza.2Fa qaala dhoqq udii,«Damma Baabiloone dhabeeza! E dhabeeza!Baabiloone Gaalenes aqiza aqo maaqqeeza.Duma duma tuna ayyaanitayis keethe maaqqeeza;tunannee fiilintteez kafitay shemppiza aqo maaqqeeza.3As zerethi ubba fa laame woyna ushsheeza.Sa7a kaatitay iir laammeeza. Iis yez aqopp aadheez duretithaypp denddeezayidbiittal yez zal7izitay duretteeza»yeegeeza.4Yeypp guye, ta salopp yhay garkk yeegiz hara girisii si7eeza.«Ta woyitayo I nagara iir koxaamay garkkennee,iza ekkodayis yez seera yi ekkaamay garkk,iippe kezoytta.5Yikkee, I nagaray salo hellodayis doorintteeza.Xoossii I naaqa qoppeeza.6Iza inggeezan garkk mahii iis inggoytta.Iza ootheez oosayis nam77ii kushe iis mahoytta.Iza walakkeez ushshayil afa yi nam77ii kushe walakintteez ushsh I xuu7ayid kunthoytta.7Iza bonchchintteezannee iis giigeezay garkk,iis metonnee kayo inggoytta.Iza fa wozinayir,‹Taanii kaatat garkk betteeza; ta azin baa maachch baaya;taanii ubbarakka kayakka yesha taan be7aamii› yeegeeza.8Yeyi gishos, bosha ubbay, yhayqqohargge, kayannee naye izo pettii gallas aykkoda.Ma iza tamar xuuginttoda;abis giiko, izil afa pirddiza Goda Xoossay wolqqama»yeegeeza.9«Iir laameezitaysinnee i giigayid yezeez, alame kaatitay ye katamita xuuginttin kezeez cuya be7eez wode iis uukkii yeekkoda.10Unttii ye katamit waaye bi7ii yashitteez gishos haakkii eqqii,«‹Yha gita katamite! Wolqqama katamite!Baabiloone, nena ayye! Ayye!Neenii pettii saate gancce ne pirdda ekkeeza› yeegoda.11«U markkabe caana yikkepp woonggiza as baazay gishos sa7a yez zal7anchchitay ye katamitis waassiza kayottiza12u markabayid caanintteezaykka worqqe, bira, bonchcho shuchchi, inqo giz al7o shuchchi, lee7o ma7o, culko ma7o, liino ma7o, harre ma7o, zoqo ma7o, duma duma sawuza mithii, zaale achapp, al7o mithapp, naase biraatapp, goole shuchchapp oothintteeaz miisha ubba,13qarafa, sawo, ixaannee, karbbe, shitto, woyne, zayite, liiqo dhiille, gistte, mehe, dure, para, para gaare, ayllitannee hara asita.14«Zal7anchchitay asitiko, ‹Neenii amotteez lo77o baz ubbay neepp dhabeeza. Ne shalayinnee buquritay ubbay neepp haakkeeza. Neenii mahii unttan yesha denggaamii› yeegeeza.15Yeyitita zal7ii duretteez zal7anchchitay i meta yashittii iipp haakkii eqqoda. Unttii yeekkodannee kayattoda.16Ma,«‹Liino ma7o, lee7o ma7onnee zoqo ma7o ma77ii,worqqar, bonchcho shuchcharannee inqo giz al7o shuchchar buqurintteeza,ye gita katamita ayye! Ayye!17Yhay garkk gita shalo ubbay pettii saater dhabeeza› yeegeeza.«Markkabe laaggizitay ubbay, markkaber yhanigizitay ubbay, markkabel afa oothiza ubbaynnee abbal zal7iza ubbay haakkii eqqeeza.18Ye katamita xuuginttin kezeez cuya be7eez wode ‹Yha wolqqama katamito aaziza hara katama yeneshsha?› yeegeeza.19Unttii fa ommal buli7a qoli, yeekeezannee kayatteeza.«‹Abbal afa markkabitay yez ubbay,I shalayid duretteez ubbay,ye katamita pettii saate dhabeez gishosIzo ayye! Izo Ayye!20Salo, I dhabayid ufayttoba!Geeshshitayo, hawaaritayo, nabitayyo,Xoossii yi gishos Iil afa pirddeez gishos ufayttoytta›»yeegeeza.21Yeypp guye, pettii mino kiitanchchay woxa aaziza gita shuchch denthii abba gancce dhogittar, «Damma katamita Baabiloone wolqqar urqqinttii yhay garkk pokkoda; iza yhayinopp guye ubbarakka benttaamii.22Diithi diixizitayinnee yexizitayi, shulishulonnee tulitula puggizitay, yikkepp guye ne gancce ubbarakka si7inttaamii. Ab kushe hillar oothiza asikka ne gancce benttenna. Woxa girssi yikkepp guye ne gancce si7inttaam.23Xomppe poo7o yhaypp guye ne gancce poo7enna. Machcho ekkizaynnee azin gelizitay girssay yikkepp guye ne gancce si7inttaam. Ne zal7anchchitay biitta ubbayil erintteez wolqqamita. Ne biittayir woya ubba balitheeza» yeegeeza.24Nabitay suuth, geeshshitay suuthinnee biittal shukintteez as ubba suuth I gancce bentteez gishos Baabiloone pirddintteeza.